នៅពេលនេះ iQOO បាននឹងកំពុងតែរៀបចំនូវការប្រកាសចេញនូវស្មាតហ្វូន iQOO 11 series សម្រាប់ទីផ្សារសកលហើយ ស្របពេលជាមួយគ្នានេះ ស្មាតហ្វូននេះក៏ត្រូវបានគេប្រទះឃើញថា បានឆ្លងកាត់ការចុះបញ្ជី NBTC របស់ប្រទេសថៃមុនពេលនៃការប្រកាសនេះ។ ស្មាតហ្វូនដែលគេឃើញនេះ ត្រូវបានគេនិយាយថា មិនមានម៉ូដែលផ្សេងក្រៅពី iQOO 11 device នោះទេ បើទោះបីជានៅលើបញ្ជីនេះមិនទានមានការបញ្ជាក់ព័ត៌មានស៊ីជម្រៅយ៉ាងណាក៏ដោយ។
ស្មាតហ្វូន iQOO 11ត្រូវបានគេដឹងថា នឹងបង្ហាញវត្តមាននៅប្រទេសចិន និងម៉ាឡេស៊ី ឆាប់ៗនេះហើយ។ បើតាមដឹងនោះ ព្រឹត្តិការណ៌សម្ពោធគឺនឹងធ្វើឡើងនៅថ្ងៃទី 2 ធ្នូនេះតែម្តង។ ជាមួយគ្នានេះ ក៏មានការបញ្ជាក់ថា iQOO 11 Pro 5G ក៏នឹងបង្ហាវត្តមានព្រមគ្នាផងដែរ។ ម៉ូដែល iQOO 11 Pro 5G គឺមានការឌីស្សាញអេក្រង់គែមកោងបន្តិច ប៉ុន្តែមិនទាន់មានការទម្លាយព័ត៌មានច្បាស់នៅឡើយទេ។ ស្មាតហ្វូនម៉ូដែល Pro គឺបានឆ្លងកាត់ការបញ្ជី Bluetooth SIG រួចហើយ។
គួរបញ្ជាក់ផងដែរថា កន្លងមក ក៏មាននិយាយថា ស្មាតហ្វូនថ្មីនេះ បានឆ្លងកាត់ការចុះបញ្ជី BIS របស់ប្រទេសឥណ្ឌារួចហើយដូចគ្នា នៅក្នុងនោះក៏មានការបញ្ជាក់ច្បាស់ថា ក្រុមហ៊ុននេះ បាននឹងកំពុងតែរៀបចំនូវការប្រកាសចេញនូវស្មាតហ្វូននេះនៅលើទីផ្សារប្រទេសនាសប្តាហ៌ក្រោយដូចគ្នា។ មាននការរំពឹងថា ស្មាតហ្វូនថ្មីនេះ នឹងប្រកាសចេញនៅលើទីផ្សារនានាក្នុងកំឡុងខែមករា ឬកុម្ភៈខាងមុខនេះខណៈដែលព័ត៌មាននាននៅមិនទាន់មានការបញ្ជាក់ច្បាស់ទេ។
