iPhone 15 Ultra គឺជាស្មាតហ្វូជំនានថ្មីមួយទៀតរបស់ក្រុមហ៊ុន Apple នឹងម៉ូដែលមួយដែលមានសមត្ថភាពខ្ពស់ ហើយក៏កំពុងតែស្ថិតនៅក្នុងដំណើរការសិក្សាផងដែរ។ នៅថ្ងៃនេះមានដំណឹងថ្មីមួយដែលនិយាយពីវត្តមានរបស់ស្មាតហ្វូនថ្មីនេះហើយ។ ខណៈដែល iPhone 14 ទើបតែប្រកាសចេញលក់នោលើទីផ្សារនោះ នៅពេលនេះមានដំណឹងពី iPhone 15 Series បណ្តើៗហើយនេះបើយោងតាមប្រភពជាច្រើនផ្សេងៗគ្នា។
ថ្មីៗនេះការទម្លាយថា ស្មាតហ្វូនជំនាន់ថ្មីរបស់ Apple ដែលចេញនៅឆ្នាំក្រោយនោះ គឺមាន 4 ម៉ូដែលរួមមានដូចជា iPhone 15, iPhone 15 Plus, iPhone 15 Pro និង iPhone 15 Ultra ហើយដំណឹងនេះក៏មានការបញ្ជាក់ពីប្រភពច្បាស់ការជាច្រើន ដែលមានដូចជា លោក Ming-Chi Kuo និង Mark Gurman ជាដើម។ អ្នកទាំងពីរបាននិយាយថា ម៉ូដែល Pro Max នឹងត្រូវដកចេញហើយ ដោយជំនួសមកវិញនៅម៉ូដែល Ultra ដែលជាសមាជិកថ្មី មានតម្លៃខ្ពស់ជាងគេនៅក្នុងចំណោម៉ូដែលស្មាតហ្វូនទាំងអស់ រួមទាំង iPhone Pro Max ផងដែរ។
បើតាមការបែកធ្លាយចេញ LeaksApplePro ដែលគេស្គាល់ថា គឺម្ចាស់គណនី Twitter insider នោះក៏បានទម្លាយចេញនូវព័ត៌មានមួយចំនួនរបស់សមាជិកថ្មី iPhone 15 Ultra នេះផងដែរ។ ម៉ូដែលថ្មីនេះ ត្រូវគេនិយាយថា អាចថតវីដេអូបាន 8K video recording។ ស្របពេលជាមួយគ្នានេះ Apple ក៏ត្រូវគេរាយការណ៌ថា កកំពុងតែធ្វើការនៅលើឯកសារ 8K recording នេះដូចគ្នា ដូច្នេះអាចនិយាយថា បច្ចេកវិទ្យាថ្មីនេះ នឹងមានប្រើនៅលើ iPhone 15 Ultra ជាក់ជាមិនខាន។ បន្ថែមពីនេះក៏មានការជឿជាក់ថា ការថត 8K នេះ ក៏នឹងមានប្រើប្រាស់នៅលើម៉ូដែល Pro ផងដែរ។