នៅពេលនេះ កាលបង្ហាញវត្តមានរបស់ Xiaomi 13 Series នៅក្នុងប្រទេសចិន ត្រូវបានពន្យាពេលហើយក៏មិនទាន់មានការបញ្ជាក់ពីពេលវេលានៃការបង្ហាញខ្លួនសារជាថ្មីនោះដែរ។ ដូច្នេះការបែកធ្លាយនៅតែបន្តកើតឡើងសម្រាប់ស្មាតហ្វូនស៊េរីថ្មី Xiaomi 13 និង 13 Pro នេះ។ នៅថ្ងៃនេះដែរក្រុមហ៊ុនក៏បានទម្លាយចេញនូវព័ត៌មានថ្មីថែមទៀតហើយដែលនិយាយពីស្មាតហ្វូននេះ។ បើតាមការទម្លាចេញពី Ishan Agarwal ក៏មានការបង្ហាញពីទំហំរ៉េម និងអង្គចងចាំរបស់ Xiaomi 13 និង Xiaomi 13 Pro នេះដែរ ដោយការចែកចាយនេះ គឺបានដកស្រង់ពី PriceBaba។
នៅក្នុងរបាយការណ៌ខាងលើបានបន្តថា Xiaomi 13 នឹងមានទំហំរ៉េម និងអង្គចងចាំចាប់ពី 8GB+128GB, 8GB+256GB, 12GB+256GB និង 12GB+512GB។ ហើយក៏នឹងមានជម្រើសពណ៌ជាពិសេសដែរ។ ហើយសម្រាប់ម៉ូដែល Pro model គឺនឹងមានពណ៌ដូចគ្នា ប៉ុន្តែមិនមានការបញ្ជាក់ព័ត៌មានស៊ីជម្រៅនៅឡើយទេ។
សូមជំរាបថា ស្មាតហ្វូន Xiaomi 13 ទាំងពីម៉ូដែលនេះ គឺត្រូវបានបញ្ជាក់ហើយថា នឹងមានការប្រើប្រាស់នូវកញ្ចក់ E6 AMOLED display ខណៈដែលម៉ូដែលស្តង់ដារ គឺមានអេក្រង់រាបស្មើរ និងម៉ូដែល Pro មានគែមកោង។ ស្មាតហ្វូនទាំងពីរនេះ គឺមានគែមជុំវិញស្តើង ដែលត្រឹមតែ 1.61 mm ប៉ុណ្ណោះ។ ហើយសម្រាប់កាមេរ៉ាវិញ គឺប្រើប្រាស់បច្ចេកវិទ្យា Leica-branded cameras។ ក្រុមហ៊ុននេះបានបញ្ជាក់ថា ស្មាតហ្វូនម៉ូដែល Pro នឹងមានកាមេរ៉ា 50MP Sony IMX989 1-អ៊ីង primary sensor ហើយនឹងមានការប្រើប្រាស់កែវ 75mm telephoto cameras ជាមួយនិង f/2.0 aperture lens។
ស្មាតហ្វូន Xiaomi 13 series នឹងប្រើប្រាស់បន្ទះឈីប Snapdragon 8 Gen 2 រ៉េម LPDDR5x RAM និងអង្គចងចាំ UFS 4.0 storage technology។ ស្មាតហ្វូនម៉ូដែលស្តង់ដារ និងម៉ូដែល Pro គឺប្រើប្រាស់កម្លាំងសាក 67W និង 120W fast charging។