កាលពីម្សិលមិញនេះ ក្រុមហ៊ុន vivo បានប្រកាសនៅលើវិបសាយផ្លូវការណ៌របស់ខ្លួនថា ស្មាតហ្វូនជំនាន់ថ្មីម៉ូដែលពិសេស X90 Pro+ គឺមានការបង្ហាញវត្តមានជាមួយនិងបន្ទះឈីបជំនាន់ថ្មី Snapdragon 8 Gen 2 SoC តែប៉ុណ្ណោះ ប៉ុន្តែមិនបញ្ជាក់ពីបន្ទះឈីបផ្សេងទៀតនោះទេ។ កន្លងមកមានការទម្លាយព័ត៌មានជាច្រើនថា នឹងមានក្រុមហ៊ុនធំៗជាច្រើន បង្ហាញចេញនូវស្មាតហ្វូនដែលប្រើប្រាស់បន្ទះឈីបនេះ។
នៅទីបំផុតស្មាតហ្វូន Vivo X90 Pro+ បានក្លាយជាម៉ូដែលប្រណិតថ្មីមួយដែលបានបំពាក់នូវបន្ទះឈីបនេះមុនគេ បន្ទាប់ពីសម្ពោធជាផ្លូវការណ៌កាលពីថ្ងៃទី 22 វិច្ឆិកាកន្លងទៅ។ ហើយនៅពេលនេះក្រុមហ៊ុនបានប្រកាសថា ស្មាតហ្វូននេះ នឹងដាក់ជាផ្លូវការណ៌នៅថ្ងៃទី 6 ខែធ្នូនេះ ដោយក្នុងនោះក្រុមហ៊ុននេះក៏បានបញ្ជាក់ថា X90 Pro+ គឺមានការប្រើប្រាស់នូវបច្ចេកវិទ្យាឈីប 4nm TSMC។
X90 Pro+ មានអេក្រង់ទំហំ 6.78 អ៊ីង OLED display កម្រិត 2K resolution ល្បឿន 120Hz refresh rate, និងពន្លឺ 1,300 nits ព្រមទាំងមានការគាំទ្រដោតមុខងារ HDR10+ ថែមទៀតផង។ អេក្រង់នេះក៏មានការបំពាក់នូវប្រព័ន្ធស្កែនម្រមដៃកលើអេក្រង់ផងដេរ។ ហើយអ្វីដែលររឹតតែពិសេសនោះ គឺនៅលើស្មាតហ្វូននេះមានអាវក្រោះការពារទឹក IP68 certified តែម្តង។ សម្រាបការថតរូបវិញស្មាតហ្វូននេះមានកាមេរ៉ា 4 គ្រាប់ គឺមានទំហំ 50MP+48MP+50MP+64MP ខណៈដែលកាមេរ៉ាមុខទំហំ 32-Megapixel selfie shooter។
