នៅពេលនេះសម្រាប់ទីផ្សារស្មាតហ្វូនបត់បាន គឺមានតែក្រុមហ៊ុន Samsung ប៉ុណ្ណោះដែលមានចំណែកទីផ្សារធំជាងគេ។ ក្រុមហ៊ុនកូរ៉េខាងត្បូងមួយនេះ ត្រូវបានមើលឃើញថា គឺជាក្រុមហ៊ុនធំតែមួយគត់ដែលមានស្មាតហ្វូនប្រភេទនេះច្រើនជាងគេ។ ជាមួយនិងវត្តមានរបស់ Galaxy Z Flip 4 និង Galaxy Z Fold 4 កាលពីពេលថ្មីៗនេះ ក៏បានធ្វើអោយក្រុមហ៊ុននេះកាន់តែមានចំណែកទីផ្សារធំជាមុនថែមទៀត ដោសយសារតម្រូវការម៉ូដែលនេះ គឺមានការកើនឡើងខ្លាំង។
នៅថ្ងៃនេះបើតាមការទម្លាយចេញពី @IceUniverse គឺបាននិយាយថា ឆាប់ៗនេះ ក្រុមហ៊ុនកូរ៉េខាងត្បូងមួយនេះ គឺនឹងមានដៃគូថ្មីហើយ ដែលម្តងនេះមិនមែនតែនៅក្នុងទីផ្សារប្រទេសចិនប៉ុណ្ណោះទេ គឺថែមទាំងនៅលើទីផ្សារសកលថែមទៀតផង។ ក្រុមហ៊ុនថ្មីនេះ គឺក្រុមហ៊ុន OPPO។
នៅលើបណ្តាញ tweet អ្នកទម្លាយនេះ បាននិយាយថា OPPO Find N2 Flip នឹងបង្ហាញវត្តមានជាផ្លូវការណ៌នៅលើទីផ្សារ “all over the world” ដែលនឹងធ្វើការប្រជែញជាមួយនិង “puts pressure on Samsung”។ ស្មាតហ្វូនថ្មីរបស់ OPPO គឺមានការឌីស្សាញជាមួយរូបរាងដូចគ្រំអញ្ចឹង ហើយម៉ូដែលនេះ នឹងអាចធ្វើអោយ Samsung មានការបារម្ភផងដែរ។