កាលពីម្សិលមិញនេះ ក្រុមហ៊ុន vivo បានប្រកាសចេសចេញជាផ្លូវការនូវកំពូលស្មាតហ្វូនជំនាន់ថ្មីម៉ូដែល vivo X100 Ultra នៅលើទីផ្សារប្រទេសចិន ដែលម៉ូដែលថ្មីនេះ ត្រូវបានក្រុមហ៊ុនផលិតស្មាតហ្វូនរបស់ប្រទេសចិនមួយេនេះធ្វើការពង្រឹងយ៉ាងខ្លាំងទាំងទៅលើប្រព័ន្ធកាមេរ៉ា និងផ្នែកមួយចំនួនទៀត។ កំពូលស្មាតហ្វូនលំដាប់ថ្នាក់ប្រណិតមួយនេះ គឺមានការបំពាក់នូវសិនស័រកម្រិត 1-អ៊ីង និងមានការប្រើប្រាស់នូវសិនស័រកាមេរ៉ា Sony LYT-900 និងមានអមដំណើរដោយគ្រាប់ទីពីរទំហំ 200MP ដែលជា Periscope ឡែន គាំទ្រដោយសិនស័រ 1/1.4 អ៊ីងISOCELL HP9។
ស្មាតហ្វូនជំនាន់ថ្មី vivo X100 Ultra ត្រូវបានក្រុមហ៊ុននេះប្រកាសដាក់លក់ជាមួយតម្លៃចាប់ពី CNY6,499 ($900) ប៉ុន្តែមិនទាន់មានការបញ្ជាក់ពីការដាក់លក់នៅលើទីផ្សារសកលនៅឡើយទេ គឺមានលក់ផ្តាច់មុខតែនៅក្នុងទីផ្សារប្រទេសចិនតែមួយប៉ុណ្ណោះ។ ថ្មីៗនេះមានការទម្លាយថា ក្រុមហ៊ុន vivo នឹងមិនបង្ហាញវត្តមានស្មាតហ្វូននេះ នៅលើទីផ្សារសកលនោះទេ។ សូមជំរាបថា កាលពីឆ្នាំ 2022 កន្លងទៅនេះ បន្ទាប់ពីការប្រកាសចេញនៅលើទីផ្សារប្រទេសចិនរួចរាល់ ក្រុមហ៊ុននេះក៏បានបង្ហាញវត្តមាន vivo X80 Pro នៅលើទីផ្សារសកលផងដែរ។
ជាមួយនិងការដាក់លក់ស្មាតហ្វូននេះ ក្រុមហ៊ុន vivo នឹងប្រកាសលក់ជាផ្លូវការនៅលើទីផ្សារប្រទេសចិន ចាប់ពីថ្ងៃទី 28 ខែឧសភាខាងមុខនេះហើយ។ ស្មាតហ្វូន X100 Ultra ថ្មីនេះ មានជម្រើសពណ៌ Titanium, White និង Grey ហើយនិងមានតម្លៃចាប់ពី CNY 6,499 ($898) សម្រាប់ទំហំ 12GB+256GB និងតម្លៃ CNY 7,999 ($1,105) សម្រាប់តម្លៃ 16GB+1TB។
