នៅថ្ងៃស្អែកនេះ ក្រុមហ៊ុន OPPO នឹងមានការប្រកាសចេញនូវស្មាតហ្វូនជំនាន់ថ្មីរបស់ខ្លួនម៉ូដែល Reno 12 series នៅលើទីផ្សារហើយ។ ស្មាតហ្វូនថ្មីនេះ មាន 3 ម៉ូដែលរួមមានដូចជា Reno 12, Reno 12 Pro និង Reno 12 FS 5G។ យោងតាមការទម្លាយព័ត៌មានថ្មី SpillSomeBeans ថ្ងៃនេះ គឺមានការបង្ហាញចេញនៅតម្លៃរបស់ស្មាតហ្វូនជំនាន់ថ្មី Reno 12 និង Reno 12 Pro ហើយ។
សម្រាប់ស្មាតហ្វូនម៉ូដែលស្តង់ដារ Reno 12 5G ដែលមានទំហំ 12GB+512GB មានតម្លៃ 499.99 យូរ៉ូ និងមានពណ៌ Astro Silver និង Black Brown។ ចំពោះម៉ូដែល Reno 12 Pro 5G គឺមានតម្លៃ 599.99 យូរ៉ូ សម្រាប់ស្មាតហ្វូនដែកមានទំហំ 12GB+512GB។ ម៉ូដែលនេះមានពណ៌ Nebula Black និង Nebula Silver។ សូមជំរាបថា ស្មាតហ្វូន Reno 12 ម៉ូដែលស្តង់ដារ គឺមានអេក្រង់ទំហំ 6.8-អ៊ីង 3D curved AMOLED ល្បឿន 120Hz refresh rate និងមានកម្រិតពណ៌ 10-bit color depth ហើយនិមានការពារដោយកញ្ចក់ Corning Gorilla Glass protection ថែមទៀតផង។
ស្មាតហ្វូនម៉ូដែលស្តង់ដារនេះ នឹងមានការប្រើប្រាស់នូវបន្ទះឈីប Dimensity 7300 Energy ដែលមានសមត្ថភាពខ្ពស់ជាងបន្ទះឈីប Dimensity 7300 ទាក់ទងនិងល្បឿន។ ជាមួយគ្នានេះក៍មានការភ្ជាប់នូវ LPD ផងដែរ។ ស្មាតហ្វូននេះមានកាមេរ៉ាគោលទំហំ 50MP Sony LYT600 មានមុខងារ OIS និងគ្រាប់ទីពីរ 8MP ultrawide lens ហើយនិងទីបី 2MP macro sensor។ ចំពោះកាមេរ៉ាមុខវិញ គឺមានទំហំ 32MP។ ស្មាតហ្វូននេះមានថ្មទំហំ 5000mAh គាំទ្រដោយកម្លាំងសាក 80W SuperVOOC charging។
ក្រឡេកមកស្មាតហ្វូនម៉ូដែល Pro វិញ គឺមានការប្រើប្រាស់នូវបន្ទះឈីប ថាមពលថ្ម កម្លាំងសាក រួមជាមួយនិងកាមេរ៉ា ដូចគ្នាជាមួយនិង Reno 12 អញ្ចឹងដែរ ខុសគ្នាត្រង់កាមេរ៉ា telephoto គឺមានទំហំ 50MP ISOCELL JN5។ ស្មាតហ្វូននេះមានអេក្រង់ទំហំ 6.7-អ៊ីង curved AMOLED panel គាំទ្រដោយកញ្ចក់ការពារ Gorilla Glass Victus 2។ សម្រាប់អ្វីៗផ្សេងទៀត គឺដូចគ្នាជាមួយនិង Reno 12 ទាំងអស់។
