no-alternative title
no-alternative title
no-alternative title

សហភាពអ៊ឹរ៉ុប គ្រោងនឹងប្តឹង Apple ពីបទបំពានទៅលើច្បាប់ទីផ្សារឌីជីថល

យោងតាមការបញ្ជាក់របស់សារព័ត៌មាន Financial Times បានអោយដឹងថា គណៈកម្មាធិកាអ៊ឺរ៉ុប មានគម្រោងក្នុងការចោទប្រកាន់ក្រុមហ៊ុន Apple ពីបទបំពានទៅលើច្បាប់ទីផ្សារឌីជីថល (Digital Markets Act) បន្ទាប់ពីក្រុមហ៊ុនផលិតស្មាតហ្វូន iPhone នេះ មិនបានគោរពតាមកាតព្វកិច្ចដែលអនុញ្ញាតអោយអ្នកអភិវឌ្ឍកម្មវិធី (App Developers) អាចផ្តល់នូវកម្មវិធីរបស់ខ្លួនទៅកាន់អ្នកប្រើប្រាស់ដោយមិនចាំបាច់ដាក់នៅក្នុង App Store។ 

 

រូបភាពពាណិជ្ជកម្ម
no-alternative title

នៅពេលនេះ មានការបង្ហាញថា សហភាពអ៊ឺរ៉ុប កំពុងតែមានបញ្ហាជាមួយនឹងបច្ចេកវិទ្យា Apple's Core Technology Fee ប៉ុន្តែការចោទប្រកាន់ជាក់លាក់ជាមួយនឹងក្រុមហ៊ុន Apple នៅមិនទាន់ច្បាស់នោះទេ។ ក្រុមហ៊ុន Apple អាចនឹងប្រឈមទៅនឹងការពិន័យដោយសារតែការមិនអនុលោមតាមច្បាប់ដល់ទៅ 5% នៃប្រាក់ចំណូលសរុបប្រចាំថ្ងៃទូទាំងពិភពលោក ដែលមានតម្លៃលើសពី 1 ពាន់លានដុល្លារផងដែរ។

 

របាយការណ៍ខាងលើនេះ បាននិយាយថា ការរកឃើញរបស់សហភាពអ៊ឹរ៉ុប គឺស្ថិតនៅក្នុងដំណាក់កាលបឋម ដូចនេះ ក្រុមហ៊ុន Apple នៅតែមានពេលវេលាក្នុងការផ្លាស់ប្តូរទៅលើ iOS របស់ខ្លួន មុនពេលដែលការចោទប្រកាន់នេះ ត្រូវចេញជាផ្លូវការដោយក្រុមនិយ័តករផ្នែកច្បាប់នោះ។ បើតាមការរបាយការណ៌ខាងលើនេះ បន្តថា សហភាពអ៊ឺរ៉ុប អាចនឹងមានការចោទប្រកាន់ទៅលើក្រុមហ៊ុន Apple នៅក្នុងពេលជាច្រើនសប្តាហ៍ខាងមុខ ហើយនិងមានប្រកាសដោយគណៈកម្មាធិកាអ៊ឺរ៉ុបថែមទៀតផង ។

 

ក្រុមហ៊ុន Apple បានធ្វើការផ្លាស់ប្តូរដ៏ធំមួយនៅលើ App Store, Apple Pay, Safari និងជាច្រើនទៀតនៅលើ iPhone នៅក្នុងសហភាពអ៊ឹរ៉ុបដែលជាផ្នែកមួយនៃការប្រកាសបង្ហាញវត្តមានរបស់ប្រព័ន្ធប្រតិបត្តិការ iOS 17.4 កាលពីដើមឆ្នាំនេះ។ ក្រុមហ៊ុន Apple ពេលនេះ ក៏បានធ្វើការផ្លាស់ប្តូរទៅលើ marketplaces របស់ខ្លួនផងដែរ ប៉ុន្តែវាក៏នៅតែបន្តគិតថ្លៃទៅលើ Core Technology Fee ផងដែរ។ ក្រុមហ៊ុន Apple ក៏បានប្រកាសនូវ Default Web Browser Selection Screen ទៅលើកម្មវិធី Safari ដែលមិនអនុញ្ញាតអោយ Web Browsers ភាគីទី 3 ដែលអាចប្រើប្រាស់នូវ Web engines ជាជាងការប្រើប្រាស់នូវ WebKit Engine នៅលើ iPhone ផងដែរ៕

 

ព័ត៌មានពាណិជ្ជកម្ម