no-alternative title
no-alternative title
no-alternative title

Apple នឹងនាំយកនូវកាមេរ៉ា 5x Telephoto បំពាក់នៅលើ iPhone 16 Pro

ស្មាតហ្វូនស៊េរីថ្មី iPhone 16 Pro របស់ក្រុមហ៊ុន Apple នឹងបំពាក់នូវកាមេរ៉ា  tetraprism periscope ជាមួយនឹងមុខងារ 5x optical zoom ដែលបង្ហាញខ្លួនកាលពីឆ្នាំមុននេះនៅលើស្មាតហ្វូន e iPhone 15 Pro Max នាពេលកន្លងមក នេះបើតាមការបញ្ជាក់នៅលើរបាយការណ៍របស់ DigiTimes។ ជាមួយនិងការបញ្ជាក់ខាងលើនេះ ក្រុមហ៊ុនផលិត Lens របស់តៃវ៉ាន់ Largan Precision និង Genius Electronic Optical (GSEO) នឹងក្លាយជាអ្នកផ្គត់ផ្គង់ផ្តាច់មុខទៅលើកាមេរ៉ា  tetraprismនៅលើស្មាតហ្វូន iPhone 16 Pro។

 

រូបភាពពាណិជ្ជកម្ម
no-alternative title

សូមជំរាបថា ថ្មីៗនេះ មានប្រភពជាច្រើនដែលពាក់ព័ន្ធទៅនឹងរឿងនេះ ធ្លាប់បញ្ជាក់ថា ក្រុមហ៊ុន Largan និង GSEO ពេលនេះ ក៏បានបង្កើនទៅលើការផលិតសម្រាប់ការត្រៀមប្រកាសបង្ហាញវត្តមានរបស់ស្មាតហ្វូន  iPhone 16 នេះ ផងដែរ។ គួរបញ្ជាក់ថា ក្រុមហ៊ុន Largan គឺជាក្រុមហ៊ុនដែលផ្គត់ផ្គង់នូវ periscope lenses សម្រាប់ស្មាតហ្វូន iPhone 15 Pro Max ដែលចេញលក់នៅលើទីផ្សារ ហើយពេលនេះ មានការរំពឺងថា ក្រុមហ៊ុននេះ នឹងទទួលបាននូវការបញ្ជាទិញច្រើនជាងមុន។ 

 

តាមការបញ្ជាក់ពីលោក Adam Lin ដែលជាអគ្គនាយករបស់ក្រុមហ៊ុន Largan បានអះអាងថា ការកើនឡើងទៅលើការលក់គឺឈានដល់ចំណុចខ្ពស់ចាប់ពីខែកញ្ញាដល់ខែវិច្ឆិកានេះគឺស្របទៅនឹងពេលវេលានៃការប្រកាសបង្ហាញនូវស្មាតហ្វូន  iPhone 16 Pro។ សម្រាប់ក្រុមហ៊ុន GSEO ក៏ធ្វើការអភិវឌ្ឍទៅលើ periscope lenses ដែលការផលិតគឺចាប់ផ្តើមពីពាក់កណ្តាលខែកក្កដានេះជាមួយនឹងការធ្វើតេស្តជាច្រើនដំណាក់កាលផងដែរ។ 

ជាមួយយនិងកាមេរ៉ា tetraprism periscope lens ដែលមាននៅលើស្មាតហ្វូន  iPhone 15 Pro Max កន្លងមក មានការប្រើប្រាស់នូវមុខងារហ៊្សូមបាន 5x optical zoom និង  25x digital zoom ដែលមានការពង្រឹងសមត្ថភាពខ្លាំងជាងម៉ូឌែលជំនាន់មុននេះ។ បន្ថែមពីនេះទៀតនោះ កាមេរ៉ា  periscope lens នេះ ក៏នឹងមានការពង្រឹងទៅលើមុខងារ image stabilization និងការថតនៅពេលដែលមានពន្លឺទាបថែមទៀតផង៕

 

ព័ត៌មានពាណិជ្ជកម្ម