no-alternative title
no-alternative title
no-alternative title

ការលក់រថយន្ត Ford នៅទីផ្សារសហរដ្ឋអាមេរិកក្នុងត្រីមាសទី 2 កន្លងទៅនេះ មានការកើនឡើងជាងគូរប្រជែង

ក្រុមហ៊ុន Ford Motor Company ត្រូវបានគេមើលឃើញមានការកើនឡើងគួរឱ្យកត់សម្គាល់សម្រាប់ការលក់រថយន្តនៅទីផ្សារសហរដ្ឋអាមេរិកក្នុងត្រីមាសទីពីរ ឆ្នាំ 2024 នេះ។ ចំពោះប្រភេទរថយន្តដែលការលក់កើនឡើងមានដូចជារថយន្តប្រភេទ Pickup Trucks, Vans, Hybrids,និង Electric។ ចំនែករថយន្ត F-Series របស់ Ford នៅតែជាប្រភេទរថយន្ត Pickup Truck ដែលលក់ដាច់បំផុតនៅអាមេរិក ដោយមានទីផ្សារលក់ល្អប្រសើរជាងគូប្រជែងដូចជា Silverado និង RAM ជាដើម។ ចំនែករថយន្តកូនកាត់ម៉ាក Maverick និង Maverick Hybrid របស់ Ford ក៏បានបង្កើតកំណត់ត្រាថ្មីសម្រាប់ឆមាសទីមួយនៃឆ្នាំនេះផងដែរ។

 

រូបភាពពាណិជ្ជកម្ម
no-alternative title

ក្នុងរបាយការណ៍បង្ហាញថា ការលក់រថយន្តកូនកាត់ ឬ Hybrid របស់ Ford បានកើនឡើង 56% ដែលជាកំណត់ត្រាថ្មីប្រចាំត្រីមាសជាចំនួនលក់សរុប 53,822 គ្រឿង។ សម្រាប់ Ford Maverick Hybrid បាននាំមុខការលក់ដោយលក់បាន 40,420 គ្រឿងក្នុងឆមាសទីមួយនៃឆ្នាំនេះ។ គួរកត់សម្គាល់ថា មានប្រហែល 60% នៃអ្នកទិញម៉ូដែល Ford Maverick Hybrid ដែលបានប្តូរមកពីការប្រើម៉ាកផ្សេង។ ដោយឡែកសម្រាប់ Ford F-150 Hybrid លក់បានចំនួន 33,674 គ្រឿងគិតត្រឹមខែមិថុនា ដែលការលក់កើនឡើង 38%។ 

 

សម្រាប់ការលក់រថយន្តអគ្គិសនី (EV) របស់ Ford បានកើនឡើង 61% នៅត្រីមាសទីពីរដោយលក់បានចំនួន 23,957 គ្រឿង។ ក្នុងឆមាសទីមួយនៃឆ្នាំនេះ ការលក់រថយន្តអគ្គិសនីរបស់ Ford សរុបបានឈានដល់ 44,180 គ្រឿង។ បច្ចុប្បន្ន Ford Mustang Mach-E និង F-150 Lightning កំពុងទាក់ទាញអតិថិជនថ្មីមកកាន់ក្រុមហ៊ុន Ford  ក្នុងនោះមាន 62% នៃអ្នកទិញ F-150 Lightning និង 54% នៃអ្នកទិញ Mustang Mach-E គឺជាអតិថិជនថ្មី។

 

ការលក់ Ford Mustang Mach-E មានការកើនឡើង 46% នៅត្រីមាសទីពីរឆ្នាំនេះ បើប្រៀបធៀបទៅនឹងឆ្នាំមុន និងកើន 58% ក្នុងការលក់ពីមួយឆ្នាំទៅមួយឆ្នាំ។ ចំនែក Ford F-150 Lightning នៅតែជាឡានអគ្គិសនីលក់ដាច់បំផុតក្នុងសហរដ្ឋអាមេរិក ដោយលក់បានចំនួន 15,645 គ្រឿងគិតត្រឹមខែមិថុនា។

 

សម្រាប់ម៉ូដែល Ford Transit បន្តគ្រប់គ្រងក្នុងនាមជារថយន្តដែលលក់ដាច់បំផុតនៅអាមេរិក ដោយលក់បានចំនួន 82,164 គ្រឿងនៅឆមាសដំបូងឆ្នាំនេះ ការលក់កើនឡើង 28% ដែលចំនួននៃការលក់នេះគឺបញ្ចូលជាមួយចំនួននៃការលក់ម៉ូដែល E-Transit Series។ ។ លើសពីនេះទៀត ការជាវកម្មវិធី Ford Pro Intelligence បានកើនឡើងប្រហែល 33% ចាប់តាំងពីឆ្នាំមុនមក។ Ford E-Transit មានដំណើរការលក់ល្អខ្លាំងនៅឆមាសទី 1 ឆ្នាំនេះ ដោយការលក់កើនជាងទ្វេដងបើប្រៀបធៀបទៅនឹងឆ្នាំមុន។ ដោយការលក់រថយន្តអគ្គិសនីនេះ បានកើនឡើង 96%  នៅក្នុងការលក់ប្រចាំត្រីមាសទីពីរ។

ងាកមករថយន្តប្រភេទ SUV របស់ Ford វិញ ក៏បានបំបែកកំណត់ត្រាលក់ក្នុងឆមាសទីមួយដែរដោយការលក់បានកើនឡើង 3% ជាមួយចំនួនលក់បានសរុប 406,467 គ្រឿង។ ក្នុងនោះម៉ូដែល Ford Explorer ដែលជាប្រភេទរថយន្ត SUV កៅអីបីជួរបានលក់ដាច់បំផុតនៅទីផ្សារអាមេរិកដោយលក់បានសរុបចំនួន 104,803 គ្រឿង។ ម៉ូដែល Ford Escape និង Expedition ក៏ការលក់មានការកើនឡើងផងដែរ ។ ចំនែក Ford Lincoln ក៏ការលក់កើនឡើងគួរឲ្យកត់សំគាល់ដែរជាមួយម៉ូដែលថ្មី Nautilus SUV ដែលការលក់បានកើនឡើង 19%។ ការលក់រថយន្តសរុបរបស់ Ford មានការកើនឡើង 1% ធៀបការលក់ពីមួយឆ្នាំទៅមួយឆ្នាំសម្រាប់ត្រីមាសទីពីរឆ្នាំនេះ ខណៈការលក់រថយន្តប្រភេទ Pickup Truck មានការកើនឡើងប្រមាណ 5% បើធៀបនឹងឆ្នាំមុន៕

 

ព័ត៌មានពាណិជ្ជកម្ម