ការលក់ស្មាតហ្វូន Huawei នៅលើទីផ្សារប្រទេសចិន បានហក់ឡើង 44.5% នៅត្រីមាសទី 2 ឆ្នាំ 2024

យោងតាមការចេញផ្សាយព័ត៌មានថ្មីរបស់ HuaweiCentral បានបង្ហាញចេញថា ការលក់ស្មាតហ្វូនរបស់ក្រុមហ៊ុន Huawei នៅលើទីផ្សារប្រទេសចិនបានបន្តកើនឡើង សម្រាប់ត្រីមាសទី 2 ឆ្នាំ 2024 នេះ បន្ទាប់ពីការប្រកាសចេញស្មាតហ្វូន Pura 70 series ដែលជាស្មាតហ្វូនម៉ូដែលប្រណិតនៅលើទីផ្សារ ដែលមានការអាប់ដែតទៅលើមុខងារកាមេរ៉ា និងការឌីស្សាញរូបរាងថ្មី ហើយនិងមានមុខងារ AI ទៀតផង។

ផ្អែកតាមរបាយការណ៌របស់ Counterpoint បានបង្ហាញថា ការលក់ស្មាតហ្វូនជំនាន់ថ្មីនៅត្រីមាសទី 2 ឆ្នាំ 2024 បានបង្ហាញថា ទីផ្សារស្មាតហ្វូននៅលើទីផ្សារប្រទេសចិន មានការកើនឡើង 6% សម្រាប់ត្រីមាសទី 2 នេះ។ នៅក្នុងរបាយការណ៌ខាងលើនេះ មានការបង្ហាញចេញនូវក្រុមហ៊ុនធំៗចំនួន 6 ដែលរាប់ទាំង Vivo, Apple និង Huawei ដែលឈរនៅលើកំពូលតារាងខាងលើនេះ និងមានការលក់កើនឡើង។

Huawei បានគ្រប់គ្រងចំណែលទីផ្សារស្មាតហ្វូនប្រទេសចិនចំនួន 15.4% ដោយឈរនៅលេខរៀងទី 3។ បើទោះបីជាមិនទាន់មានលទ្ធផលល្អដូចប៉ុន្មានឆ្នាំក៏ដោយ តែក្រុមហ៊ុន Huawei ធ្វើបានល្អខ្លាំងហើយបើទោះបីជាស្ថិតក្រោមទណ្ឌកម្មពីអាមេរិកក៏ដោយ។ ទិន្នន័យខាងលើនេះ បានបញ្ជាក់បន្ថែមទៀត ការលក់ស្មាតហ្វូន Huawei បានហក់ឡើង 44.5% នៅលើត្រីមាសទី 2 ឆ្នាំ 2024 បន្ទាប់ពីការបង្ហាញខ្លួន Pura 70 series និង Nova 12 series។ 

សូមជំរាបថា Pura 70 បានបង្ហាញខ្លួនកាលពីខែមេសា ដែលមានការបំពាក់នូវបច្ចេកវិទ្យាថ្មីៗជាច្រើន ប្រៀបធៀបជាមួយនិងស្មាតហ្វូន Huawei P Series ដែលចេញលក់កន្លងមក។ ស្មាតហ្វូននេះ ក៏មានការតម្លើងនូវបច្ចេកវិទ្យា AI ហើយនិងមានប្រព័ន្ធ Satellite communication ផងដែរ។ ចំណែកឯ Nova 12 series គឺជាស្មាតហ្វូនថ្នាក់កណ្តាលជំនាន់ថ្មីនេះវិញ ក៏ជាម៉ូដែលថ្មី ដែលអាប់ដែរតខ្លាំងជាងមុនដូចគ្នា។