នៅទីបំផុត ថេប្លេត MatePad Pro 12.2 ដែលជាម៉ូដែល Flagship របស់ក្រុមហ៊ុន Huawei បានបង្ហាញខ្លួននៅលើវេទិកាអ្នកប្រើប្រាស់ហើយ ដោយនៅលើថេប្លេតនេះ ត្រូវបានគេបញ្ជាក់ថា គឺមានការបំពាក់មកជាមួយនឹងអេក្រង់ Dual-Layer OLED ហើយនិងមានលក្ខណៈសម្បត្តិអស្ចារ្យជាច្រើនក្នុងការប្រើប្រាស់។ ជាមួយការបង្ហាញខ្លួននេះ ក្រុមហ៊ុន Huawei ក៏បានបំពាក់នូវបច្ចេកវិទ្យា AI ជាច្រើន និងសមត្ថភាពកាន់តែខ្លាំងក្លាបំផុត ដើម្បីបង្កើនទៅលើបទពិសោធន៍ថ្មីនៃការប្រើប្រាស់ទៅលើថេប្លេតនេះ។
នៅលើថេប្លេតនេះ មានមុខងារពិសេសៗជាច្រើន រួមមានដូចជា អេក្រង់ Dual-Layer OLED, ការប្រើប្រាស់ពណ៌ថ្មី និងការឌីស្សាញរូបរាងថ្មី, ការប្រើប្រាស់ជាមួយនឹងកម្មវិធី Draw Stable App Version, មុខងារ AI ជាច្រើនដ៏សម្បូរបែប និងមានថាមពលថ្មប្រើប្រាស់បានយូរថែមទៀតផង។ ថេប្លេត Huawei MatePad Pro 12.2 មានការឌីស្សាញរូបរាងយ៉ាងប្រណិត និងមាន 3 ពណ៌សម្រាប់ធ្វើការជ្រើសរើស រួមមានដូចជា ពណ៌មាស ពណ៌ស និងពណ៌ខ្មៅ។
នៅលើថេប្លេតនេះ ក៏មានម៉ូឌុលកាមេរ៉ាមូលនៅផ្នែកខាងក្រោយ និងមានភ្ជាប់ជាមួយនូវ lens ដ៏ឆ្លាតវៃនៅផ្នែកខាងមុខថែមទៀតផង។ ថេប្លេតនេះ មានវិមាត្រ 128.53x271.25x5.5mm និងទម្ងន់ 508g។
អេក្រង់
ថេប្លេត Huawei MatePad Pro 12.2 នេះ មានអេក្រង់ប្រភេទ Dual-layer ទំហំ 12.2-អ៊ីង OLED cloud-clear soft light panel ដែលបច្ចេកវិទ្យានេះ អាចផ្តល់ពន្លឺបានខ្ពស់ និងមានកម្រិត Contrast ខ្ពស់នៅលើអេក្រង់ថែមទៀតផង។ ការប្រើប្រាស់នូវ Dual-layer OLED នៅលើថេប្លេត Huawei MatePad Pro 12.2 នេះ ក្រុមហ៊ុនក៏មានការតម្លើងនូវមុខងារ Anti-glare, Anti-Fingerprint និង Anti-Reflection មកជាមួយផងដែរ។ បន្ថែមពីនេះ អេក្រង់ថ្មីនេះ ថែមទាំងអាចបង្ហាញរូបភាពបានច្បាស់ បើទោះបីជាប្រើប្រាស់នៅក្រោមព្រះអាទិត្យក៏ដោយ។
អេក្រង់ថេប្លេតថ្មីនេះ មានសមត្ថភាពអាចបង្ហាញចេញបាន 2800x1840pixels resolution មានទំហំ 92% ធៀបនិងតួខ្លួន ហើយនិងមានកម្រិតពន្លឺ 2000000:1 contrast រួមនិងពន្លឺ 2000nits brightness ព្រមទាំងមានការគាំទ្រនូវការលាយពណ៌ បាន 1.07 ពាន់លានពណ៌ ដែលទ្រទ្រង់ជាមួយនិងបច្ចេកវិទ្យាចាក់ពណ៌ P3 wide color gamut ក៏ដូចជាកម្រិត ΔE < 1 professional color accuracy ថែមទៀតផង។ អេក្រង់ថេប្លេតថ្មីនេះ ក៏ផ្តល់នូវភាពរលូនក្នុងការប្រើប្រាស់ជាមួយនឹងប៊ិច 3rd-gen M-Pencil stylus ផងដែរ។ សម្រាប់ការប្រើប្រាស់នូវ ultra-low latency ក៏ផ្តល់នូវភាពរលូនក្នុងការប្រើប្រាស់ដូចគ្នា។
Accessories
ក្រៅពីការភ្ជាប់ជាមួយនឹងប៊ិច M-Pencil stylus នេះ នៅលើថេប្លេត Huawei MatePad Pro 12.2 នេះ ក៏មានការទ្រទ្រង់នូវ keyboard ថ្មីដែលមានការឌីស្សាញរូបរាងស្តើង និងមានទំហំសម្រាប់ដាក់នូវប៊ិចបានថែមទៀតផង។ អ្នកប្រើប្រាស់អាចប្រើទៅលើប៊ិចនេះ បានគ្រប់ពេលវេលា និងគ្រប់ទីកន្លែង។ ថេប្លេតនេះក៏មាន Glide Keyboard ដែលមានទម្ងន់ 420g និងកម្រ៉ាស់ 5.15mm ដែលពិតជាស្រាល និងងាយស្រួលក្នុងការយកតាមខ្លួន។
កាមេរ៉ា
ថេប្លេត Huawei MatePad Pro 12.2 នេះ មានកាមេរ៉ាក្រោយភ្លោះ Dual-Lens ដែលមានកាមេរ៉ាគោលទំហំ 13MP (f/1.8 Aperture + Autofocus) ហើយនិងគ្រាប់ទីពីរមានទំហំ 8MP (f/2.2 Aperture + Fixed focus) wide-angle។ សម្រាប់ផ្នែកខាងមុខរបស់ថេប្លេតនេះ ក៏មានកាមេរ៉ាទំហំ 8MP ដែលជាប្រភេទ Smart Perception Lens (f/2.0 Aperture + Fixed Focus) សម្រាប់ខលវីដេអូ និងកិច្ចប្រជុំអនឡាញថែមទៀតផង។
កម្មវិធី Software
ថេប្លេត MatePad Pro 12.2 នេះ ត្រូវបានក្រុមហ៊ុនធ្វើការតម្លើងមកជាស្រេចជាមួយនឹងប្រព័ន្ធប្រតិបត្តិការ HarmonyOS 4.2 ហើយក៏មានមុខងារ Celia App ជាមួយនឹងបច្ចេកវិទ្យា AI ថែមទៀតផង។ ជាមួយគ្នានេះថេប្លេតនេះ ក៏មានមុខងារ Smart Assistant ដែលងាយស្រួលសម្រាប់ការងារប្រចាំថ្ងៃដូចជាការកត់ត្រា (note-taking) និងជាច្រើនទៀតផង។
ថាមពលថ្ម និងបច្ចេកវិទ្យាសាកថ្ម
ថេប្លេត MatePad Pro 12.2 នេះ មានថាមពលថ្មទំហំ 5050mAh ហើយmanក៏ទ្រទ្រង់នូវបច្ចេកវិទ្យាសាកថ្មលឿន Turbocharging ហើយនិងមានភ្ជាប់ជាមួយនឹងឆ្នាំងសាក 100W ផងដែរ។ ថេប្លេតនេះ អាចសាកថ្មបានដល់ទៅ 85% នៅក្នុងពេល 40 នាទី និងការសាកថ្មពេញបានដល់ទៅ 55 នាទី។
តម្លៃ
ថេប្លេត MatePad Pro 12.2 នេះគឺមាន 7 ទំហំក្នុងការជ្រើសរើស។ ថេប្លេតនេះអាចធ្វើការ pre-order បានចាប់ពីថ្ងៃនេះជាមួយនឹងការកក់លុយត្រឹមតែ 100 យ៉ន់។ ការលក់ជាផ្លូវការគឺចាប់ផ្តើមពីថ្ងៃទី 13 ខែសីហាខាងមុខនេះ។
•MatePad Pro 12.2 (12GB+256GB) មានតម្លៃ 4299 យ៉ន់
•MatePad Pro 12.2 (12GB+512GB) មានតម្លៃ 4799 យ៉ន់
•MatePad Pro 12.2 (Papermatte Edition 12GB+256GB) មានតម្លៃ4899 យ៉ន់
•MatePad Pro 12.2 (Papermatte Edition 12GB+512GB) មានតម្លៃ 5399 យ៉ន់
•MatePad Pro 12.2 (Papermatte Edition 16GB+1TB) មានតម្លៃ6699 យ៉ន់
•MatePad Pro 12.2 (Papermatte Keyboard Edition 12GB+512GB) មានតម្លៃ6999 យ៉ន់
•MatePad Pro 12.2 (Gold Edition 16GB+1TB) មានតម្លៃ8299 យ៉ន់
•New Star Glide Keyboard មានតម្លៃ 1299 យ៉ន់
