បន្ទាប់ពីមានការដាក់បំរាមរយៈពេលជាង 5 ខែមក ទីបំផុតពេលនេះ iPhone 16 series មានដាក់លក់នៅក្នុងប្រទេសឥណ្ឌូនេស៊ីហើយ ដោយស្មាតហ្វូនជំនាន់ថ្មីរបស់ក្រុមហ៊ុនបច្ចេកវិទ្យាអាមេរិកាំងមួយនេះ មានដូចជា iPhone 16, 16 Plus, 16 Pro, 16 Pro Max ហើយនិង iPhone 16e ដែលទើបនឹងមានការប្រកាសចេញនៅលើទីផ្សារនាពេលថ្មីៗនេះផងដែរ។ ដូច្នេះ អ្នកប្រើប្រាស់ទាំងអស់នៅក្នុងប្រទេសនេះ អាចធ្វើការជាវនូវ iPhone 16 series នៅជិតខ្លួនដូចជា Digimap និង iBox ដែលជាដៃគូរផ្លូវការណ៌របស់ Apple ហើយ។
គួរបញ្ជាក់ថា ក្រុមហ៊ុន Apple ត្រូវបានរដ្ឋាភិបាលនៃប្រទេសឥណ្ឌូនេស៊ី ដាក់បំរាមមិនអោយលក់ស្មាតហ្វូន iPhone 16 Series ជំនាន់ថ្មីរបស់ខ្លួនអស់រយៈពេល 166 ថ្ងៃមកហើយ ដោយសារតែក្រុមហ៊ុននេះមិនបានបំពេញតាមការសន្យារបស់ខ្លួនលើការវិនិយោគ ហើយនិងបណ្តុះបណ្តាលនៅក្នុងប្រទេសដែលមានប្រជាជនច្រើនជាងគេបំផុងក្នុងតំបន់អាស៊ានមួយនេះ។ នៅពេលនេះ ក្រុមហ៊ុន Apple បានបំពេញនូវកាតព្វកិច្ចរបស់ខ្លួននៅក្នុងកិច្ចសន្យានេះហើយ ដោយបានធ្វើការវិនិយោគនៅក្នុងប្រទេសនេះជាមួយនិងទំហំទឹកប្រាក់។
យោងតាមរបាយការណ៌ចុងក្រោយនេះ បានបង្ហាញថា ក្រុមហ៊ុន Apple បានធ្វើការវិនិយោគទឹកប្រាក់ចំនួន $300 លានដុល្លារ ដោយមានការបង្កើតរោចក្រផលិត Apple AirTag trackers នៅក្នុងប្រទេសនេះ រួមជាមួយនិងឧករណ៌ប្រើប្រាស់ជាមួយផលិតផល Apple មួយចំនួនទៀតផងដែរ។ ក្រុមហ៊ុនបច្ចេកវិទ្យាយក្សដែលមានមូលដ្ឋាននៅ Cupertino ក៏ត្រូវបានគេរាយការណ៌ថា នឹងមានការបន្ថែមនូវមជ្ឈមណ្ឌល សិក្សាស្រាវ និងអភិវឌ្ឍនៅទីនោះ សម្រាប់ជួយដល់និស្សិតរបស់ឥណ្ឌូនេស៊ីផងដែរ។
