នាយកប្រតិបតិ្ត realme ប្រកាសថា P-Series នឹងមានការបង្ហាញនៅលើទីផ្សារសកល

កាលពីឆ្នាំមុននេះ ក្រុមហ៊ុន realme បានប្រកាសចេញនូវស្មាតហ្វូនជំនាន់ថ្មី P-series របស់ខ្លួន នៅលើទីផ្សារប្រទេសឥណ្ឌា ដែលមានដូចជា realme P1 និង P1 Pro។ ដោយសារតែមានការពេញនិយមខ្លាំងនៅលើទីផ្សារនោពេលនេះ realme CEO លោក Sky Li បានចេញមកបញ្ជាក់ជាផ្លូវការណ៌ថា ស្មាតហ្វូនជំនាន់ថ្មី P3 series គឺនឹងមានការប្រកាសចេញនៅលើទីផ្សារជាច្រើនទៀត ក្រៅពីប្រទេសឥណ្ឌា។ 

ដូច្នេះមានន័យថា ស្មាតហ្វូនជំនាន់ថ្មី realme P3 series រួមនិង P-series បន្តបន្ទាប់ទៀត នឹងមានការប្រកាសដាក់លក់នៅលើទីផ្សារតំបន់អឺរ៉ុប អាមេរិកឡាទីន រួមជាមួយនិងអាស៊ីអាគ្នេយ៌ផងដែរ។ លោកនាយកប្រតិបត្តិរូបនេះ បន្តបញ្ជាក់ថា ស្មាតហ្វូនជំនាន់ថ្មីនៃត្រកូល P-series គឺបាននាំចេញចំនួនជាង 2 លានគ្រឿងហើយសម្រាប់ទីផ្សារប្រទេសឥណ្ឌា ដោយស្មាតហ្វូននេះ ភាគច្រើននៃអ្នកប្រើប្រាស់ គឺជាយុវវ័យ។ 

យោងតាមលោក Li នៅពេលនេះ បានបញ្ជាក់បន្ថែមថា ក្រុមហ៊ុន realme នឹងបន្តធ្វើអភិវឌ្ឍន៌ទៅលើស្មាតហ្វូននៃត្រកូល P-series នេះ ទាំងទៅលើបន្ទះឈីប ទៅលើប្រព័ន្ធត្រជាក់ និងថាមពលថ្ម ក៏ដូចជាបច្ចេកវិទ្យាថ្មីនៃការលេងហ្គេម និងបច្ចេកវិទ្យា AI ផងដែរ។ ជាក់ស្តែងម៉ូដែល realme P3 Ultra ត្រូវបានគេមើលឃើញថា គឺជាស្មាតហ្វូនថ្មីមួយដែលមានកលក្ខណៈពិសេសបំផុត។ ស្មាតហ្វូននេះ គឺមានអេក្រង់ AMOLED display, បន្ទះឈីបDimensity 8350 និងមានថ្មទំហំ 6,000mAh គាំទ្រនូវកម្លាំងសាក 80W charging។