Toyota bZ5 ដែលជាឡានអគ្គិសនី SUV ផលិតនៅក្នុងប្រទេសចិន ត្រូវបានក្រុមហ៊ុន Toyota ចាប់ផ្តើមធ្វើការប្រគល់ជូនដល់អតិថិជនរបស់ខ្លួនដែលបានបញ្ជាទិញមុន នៅក្នុងទីក្រុងចំនួន 100 នៅទូទាំងប្រទេសចិនហើយ។ សូមជំរាបថា ឡានអគ្គិសនីថ្មីនេះ ត្រូវបានក្រុមហ៊ុនជប៉ុនមួយនេះ ប្រកាសលក់ជាមួយតម្លៃចាប់ពី 129,800 យ៉ន់ ដែលប្រហែលជា 18,075 ដុល្លារ។ Toyota bZ5 ដំណើរការដោយអាគុយ BYD អាចរត់បានចម្ងាយ 630km តាមរយៈម៉ូទ័រកម្លាំង 200kW (268 សេះ)។
.jpg)
Toyota bZ5 ដែលជាឡានអគ្គិសនី fastback crossover ត្រូវបានក្រុមហ៊ុនដាក់សម្ពោធជាផ្លូវការណ៌នៅលើទីផ្សារប្រទេសចិនកាលពីថ្ងៃទី 10 ខែមិថុនាកន្លងទៅនេះ។ ឡានអគ្គិសនីថ្មីនេះ គឺជាសមិទ្ធិផលថ្មីមួយដែលអភិវឌ្ឍឡើងដោយការចាប់ដៃគ្នារវាងក្រុមហ៊ុន FAW និងក្រុមហ៊ុន Toyota។ បន្ថែមនៅលើរថយន្តនេះ ក៏មានការប្រើប្រាស់បច្ចេកវិទ្យារបស់ BYD ដែលមានការរួមបញ្ចូកនូវអាគុយ LFP battery របស់ FinDreams ថែមទៀតផង។ bZ5 ត្រូវបានគេនិយាយថា នឹងក្លាយជាគូរប្រជែងដ៏ខ្លាំងជាមួយនិង Tesla Model Y, Deepal S07 ហើយនឹង Leapmotor C10 នៅលើទីផ្សារប្រទេសចិន។
សូមជំរាបថា bZ5 មាន 4 ជម្រើសដូចជា 550 Joy, 550 Pro, 550 Pro Smart Edition និង 630 Pro។ សម្រាប់ម៉ូដែលប្រើប្រាស់នូវអាគុយទំហំ 65.28 kWh និង 73.984 kWh គឺមានសមត្ថភាពអាចរត់បានចម្ងាយ 550 km និង 630 km តាមស្តង់ដារ CLTC។ រថយន្តទាំង 4 នេះ គឺមានការប្រើបប្រាស់នូវម៉ូទ័រអគ្គិសនីខាងមុខដែលមានលេខម៉ូដែល TZ200XS003 motor និងមានការគាំទ្រដោយថាមពល Fudi Power មានកម្លាំង 200 kW និងមានកម្រិតរមួល 330Nm។ រថយន្តនេះ មានការគាំទ្រដោយឆ្នាំងសាកកម្លាំង 90 kW fast charging ដែលសាកពី 30% ទៅ 80% ប្រើប្រាស់ពេលត្រឹមតែ 27 នាទីប៉ុណ្ណោះ។
សម្រាប់ការឌីស្សាញរូបរាងវិញ bZ5 គឺមានការឌីស្សាញផ្នែកខាងមុខដូចត្រីឆ្លាម “hammerhead shark” ទាំងខាងមុខ និងទាំងក្រាយមានស្តើង ហើយនិងមានដៃទ្វាលាក់ជិត។ ឡាននេះ មានប្រវែង 4780mm និងទទឹង 1866mm ហើយនិងកំពស់ 1510mm ខណៈដែលគម្លាតកង់មុខក្រោយប្រវែង 2880mm។ ឡាននេះប្រើប្រាស់នូវកង់ទំហំ 21 អ៊ីង។
និយាយពីការឌីស្សាញខាងក្នុងវិញ គឺមានអេក្រង់នៅកណ្តាលទំហំ 15.6-អ៊ីង ហើយនិងមានដំបូលកញ្ចក់ Panoramic sunroof ទំហំ 1.44 ម៉ែត្រ រួមនិងអំពូលខាងក្នុង 256 ពណ៌ ambient lighting ដែលអាចប្តូរបាន 4 “nap modes.” ព្រមទាំងពោងសុវត្ថិភាពដក់ទៅ 9 គ្រាប់។
នៅលើឡាននេះ មានមុខងារ Momenta 5.0 L2 urban advanced driving assistance system និងមានការគាំទ្រដោយសិនស័រ 33 គ្រាប់ ហើយនិងមុខងារជំនួយការបើកបរ និងមុខងារជំនួយការចូលចតផងដែរ។ នៅលើរថយន្តនេះ ក៏មានការប្រើប្រាស់នូវប្រព័ន្ធជំនួយការបើកបរស្វ័យប្រវត្តិ និងប្រព៌ន្ធចូលចំណត ក៏ដូចជាប្រព័ន្ធជំនួយសុវត្ថិភាពរបស់ Totyota ទៀតផង។
