Land Rover Discovery Sport ឆ្នាំ 2026 មានម៉ាស៊ីនសាំងសុទ្ធ និង Hybrid តម្លៃជាង 7 ម៉ឺនដុល្លារ

ក្រុមហ៊ុន Land Rover បានធ្វើការប្រកាសចេញលក់រថយន្តស៊េរីថ្មីម៉ូដែល Discovery Sport ឆ្នាំ 2026 ជាមួយជម្រើសចំនួន 3 Options ជាមួយនឹងការប្រើប្រាស់ម៉ាស៊ីនសាំងសុទ្ធ និងម៉ាស៊ីនកូនកាត់ Hybrid។ ដោយក្នុងនោះរួមមានម៉ូដែល Land Rover Discovery Sport Landmark P250 មានតម្លៃខ្ទង់ $78,454, ម៉ូដែល Landmark Plug-in-hybrid មានតម្លៃខ្ទង់ $91,502 និងម៉ូដែល Metropolitan P250 មានតម្លៃខ្ទង់ $91,955។ បញ្ជាក់តម្លៃទាំងនេះ គឺជាតម្លៃចេញពីរោងចក្រមិនទាន់គិតពន្ធ។

Land Rover Discovery Sport Series 2026 មានជម្រើសប្រើយ៉ាន់កង់ទំហំ 18-inch, 19-inch និង 20-inch ជាប្រភេទយ៉ាន់ Alloy Wheel។ ឡាន Compact Crossover ស៊េរីថ្មីនេះ មានដំបូលឌីស្សាញជា Fixed Panoramic Sunroof ជាមួយប្រព័ន្ធសោរ Smart key។ នៅផ្នែកខាងក្នុងមានបំពាក់នូវកៅអីស្បែកចំនួន 5 ដោយកៅអីជួរទីពីរអាចរំកឹលទៅមុខទៅក្រោយបាន រួមនឹងមុខងារកំនត់របៀបក្នុងការប្រើប្រាស់ 12 និង 10 ways adjustment សម្រាប់កៅអីអ្នករួមដំណើរ ហើយនិងកៅអីអ្នកបើកថែមទៀតផង។

បន្ថែមពីនេះ នៅផ្នែកខាងក្នុងមានម៉ាស៊ីនត្រជាក់ពីរតំបន់ Dual-zone climate control, អេក្រង់បង្ហាញព័ត៌មាន Digital Instrument Display និងអេក្រង់កម្សាន្តទំហំ 11.4-inch Pivi Pro Infotainment ដែលអាចភ្ជាប់មុខងារ Apple CarPlay និង Android Auto, កន្លែងសាកភ្លើងស្មាតហ្វូនមិនប្រើខ្សែ, មុខងារ auto-dimming interior mirror និងប្រព័ន្ធកាមេរ៉ា 360 ដឺក្រេជាដើម។

ចំពោះម៉ូដែល Land Rover Discovery Sport Landmark P250 បំពាក់នូវម៉ាស៊ីនចំណុំ 2.0-litre four-cylinder turbo petrol engine មានកម្លាំង 184kW និងកម្លាំងរមូល 365Nm ភ្ជាប់ដំណើរការដោយប្រព័ន្ធប្រអប់លេខស្វ័យប្រវត្តិ 9 វគ្គ និងដំណើរការដោយប៉ុងពីរ ឬ All-wheel-drive។ សម្រាប់ម៉ូដែល Landmark Plug-in-hybrid ប្រើប្រាស់ម៉ាស៊ីន Hybrid ដែលមានកម្លាំង 227kW និងភ្ជាប់ដំណើរការដោយប្រអប់លេខស្វ័យប្រវត្តិ 8 វគ្គ និងបំពាក់កញ្ចប់អាគុយដែលសាកភ្លើងពេញម្តងអាចជិះដោយប្រើថាមពលអគ្គិសនីសុទ្ធបានចម្ងាយ 66km តាមការធ្វើតេស្តស្តង់ដារ NEDC។

ចំនែកម៉ូដែល Land Rover Discovery Sport Metropolitan មានបំពាក់នូវយ៉ាន់កង់ទំហំ 20-inch, ប្រព័ន្ធចង្កៀងខាងមុខជាប្រភេទ  matrix LED headlights រួមជាមួយកៅអីស្បែកប្រភេទ Windsor leather ដែលគាំទ្រមុខងារកំណត់ការប្រើប្រាស់បាន 14 របៀបសម្រាប់កៅអីខាងមុខ រួមនឹងមុខងារក្តៅត្រជាក់ មានមុខងារបង្ហាញលើកញ្ចក់ដំបូលខាងមុខ Head Up Display, កញ្ចក់មើលក្រោយនៅខាងក្នុងជាប្រភេទ ClearSight interior mirror និង មានកាមេរ៉ាមួយគ្រាប់នៅខាងក្រោយផងដែរ៕