ក្រុមហ៊ុន OnePlus ត្រូវបានគេរាយការណ៍ថា បានត្រៀមខ្លួននៅក្នុងការប្រកាសចេញនូវស្មាតហ្វូនជំនាន់ថ្មី OnePlus 15 របស់ខ្លួននៅក្នុងពេលឆាប់ៗនេះហើយ។ ថ្មីៗនេះបើយោងតាមអ្នកទម្លាយ Digital Chat Station បានទម្លាយចេញនូវលក្ខណៈសម្បត្តិជាច្រើនរបស់ស្មាតហ្វូននេះថែមទៀតហើយ ដែលក្នុងនោះក៏មានការបំពាក់នូវប្រព័ន្ធកាមេរ៉ា Imaging System ថ្មីផងដែរ។ តាមការបញ្ជាក់ចេញពីប្រភពខាងលើនេះ បានអោយដឹងថា ស្មាតហ្វូនម៉ូដែលថ្មីនេះ នឹងក្លាយជាស្មាតហ្វូន OnePlus ដំបូងគេ ដែលនឹងបំពាក់នូវម៉ាកយីហោកាមេរ៉ារបស់ក្រុមហ៊ុនផ្ទាល់តែម្តង ដែលនេះ គឺជាការផ្លាស់ប្តូរមួយសម្រាប់យុទ្ធសាស្រ្តកាមេរ៉ារបស់ក្រុមហ៊ុននេះ។
នៅក្នុងការបែកធ្លាយនេះ បានបន្ថែមថា ស្មាតហ្វូន OnePlus 15 នេះ នឹងក្លាយជាស្មាតហ្វូនដំបូងបំផុតរបស់ក្រុមហ៊ុននេះ ដែលមានម៉ាកយីហោកាមេរ៉ារបស់ក្រុមហ៊ុននេះតែម្តង។ នេះគឺជាយុទ្ធសាស្រ្តរបស់ក្រុមហ៊ុននេះ ដែលផ្លាស់ប្តូរពីទម្លាប់ដែលក្រុមហ៊ុននេះ តែងតែសហការជាមួយនឹងដៃគូរជាច្រើន នៅក្នុងការពង្រឹងសមត្ថភាពនៃកាមេរ៉ា និងវីដេអូកាន់តែប្រសើរជាងមុននោះ។
ប្រព័ន្ធកាមេរ៉ាថ្មីនេះ នឹងមានកាមេរ៉ាទំហំ 50-Megapixel ដែលមានកាមេរ៉ាគោល, ultra-wide lens និង 3x periscope telephoto។ ការផ្លាស់ប្តូរថ្មីនេះបញ្ជាក់ថា ក្រុមហ៊ុន OnePlus អាចនឹងបោះបង់នូវកិច្ចសហការជាមួយនឹងក្រុមហ៊ុន Hasselblad ។ ក្រៅពីការ upgrade ទៅលើកាមេរ៉ានេះ ស្មាតហ្វូន OnePlus 15 នេះនឹងមានអេក្រង់រាបស្មើទំហំ 6.78-អ៊ីង ដែលជាអេក្រង់រាបស្មើរ គាំទ្រជាមួយនឹងកម្រិតភាពច្បាស់ 1.5K resolution។ អេក្រង់នេះ ក៏ប្រើប្រាស់នូវបច្ចេកវិទ្យា LIPO screen packaging technology ដែលធ្វើអោយស្មាតហ្វូននេះមានគែម bezels ស្តើងក្នុងការប្រើប្រាស់ទៀតផង។
ស្មាតហ្វូន OnePlus 15 នេះ បំពាក់នូវបន្ទះឈីប Snapdragon 8 Elite 2 នឹងមានថាមពលថ្មទំហំ 7,000mAh ទ្រទ្រង់ជាមួយនឹងបច្ចេកវិទ្យាសាកថ្មល្បឿនលឿន 100W wired និងកម្លាំងសាក 50W wireless charging។ នៅលើស្មាតហ្វូននេះ ក៏មានការប្រើប្រាស់នូវសិនស័រស្កែនម្រាមដៃ ultrasonic in-screen fingerprint sensor ហើយនិងបច្ចេកវិទ្យា IP68/69 សម្រាប់ការពារទឹក និងធូលីថែមទៀតផង។ ស្មាតហ្វូនថ្មីនេះនឹងបង្ហាញខ្លួននៅក្នុងខែតុលាខាងមុខនេះ៕
