ក្រុមហ៊ុន realme ត្រូវបានគេរាយការណ៍ថា បានត្រៀមខ្លួនក្នុងការបង្ហាញស្មាតហ្វូន realme 16 series នៅក្នុងប្រទេសចិននាពេលឆាប់ៗនេះហើយបើមើលនៅក្នុងបញ្ជីរបស់ TENAA គឺបង្ហាញថា ស្មាតហ្វូនជំនាន់ថ្មី realme 16 Pro នេះនឹងបំពាក់នូវកាមេរ៉ាគោលដែលមានទំហំធំដល់ទៅ 200MP។ នៅថ្ងៃនេះ មានការបែកធ្លាយថ្មីមួយទៀត ដែលចេញពីអ្នកទម្លាយ Smart Pikachu បានទម្លាយថា ស្មាតហ្វូនជំនាន់ថ្មី Redmi Note 16 series របស់ Xiaomi ក៏នឹងមានការបំពាក់នូវកាមេរ៉ាគោលទំហំ 200MP ដូចគូរប្រជែងនេះដែរ។
បើតាមការបែកធ្លាយថ្មីៗនេះ បានអោយដឹងថា ក្រុមហ៊ុន realme និង Redmi បាននឹងកំពុងតែតេស្តទៅលើស្មាតហ្វូនថ្នាក់កណ្តាលជាច្រើនរបស់ខ្លួនដែលមានកាមេរ៉ាទំហំ 200MP ហើយ។ ស្មាតហ្វូន Redmi Note 16 គឺនឹងមានបំពាក់នូវកាមេរ៉ាទំហំ 200MP។ ហើយកាមេរ៉ា 200MP នេះ ប្រហែលជាមិនមាននៅលើស្មាតហ្វូនម៉ូដែល Standard នោះទេ គឺមានតែនៅលើស្មាតហ្វូនជំនាន់ថ្មី Note 16 Pro+ និង Note 16 Pro ប៉ុណ្ណោះ។
ស្មាតហ្វូន realme 16 Pro នេះនឹងមានកាមេរ៉ាភ្លោះដែលកាមេរ៉ាគោលមានទំហំ200MP និងមួយគ្រាប់ទៀតមានទំហំ 8MP។ ជាមួយគ្នានេះសម្រាប់ម៉ូដែលស្មាតហ្វូន realme 16 Pro+ វិញ គឺនឹងមានការបន្ថែមនូវកាមេរ៉ាមួយទៀតដែលជាឡែន Periscope Telephoto។ ក្រឡេកមកស្មាតហ្វូន Redmi Note 15 series វិញ គឺបានបង្ហាញខ្លួនកាលពីខែសីហាកន្លងទៅ ដូច្នេះនៅឆ្នាំក្រោយនេះ សម្រាប់ស្មាតហ្វូនម៉ូដែល Note 16 ត្រូវបានគេរំពឹងថ នឹងមានការបង្ហាញខ្លួននៅក្នុងខែដូចគ្នា ។
សូមជំរាបថា បើយោងតាមរបាយការណ៍ជាច្រើនមុននេះ បានបញ្ជាក់ថា ស្មាតហ្វូជំនាន់ថ្មីម៉ុដែល Pro របស់ Redmi នេះ អាចនឹងមានអេក្រង់កម្រិត 1.5K កញ្ចក់ OLED រាបស្មើរ និងមានថាមពលថ្មទំហំ 7,500mAh ហើយបើមើលនៅក្នុងវិញ្ញាបនបត្រ TENAA វិញ បានទម្លាយថា ស្មាតហ្វូនថ្មីនេះ អាចនឹងប្រកាសជាផ្លូវការនៅចុងខែនេះ ឬខែមករាឆ្នាំ 2026 ខាងមុខនេះ។ ស្មាតហ្វូននេះ អាចនឹងបង្ហាញខ្លួននៅទីផ្សារសកលនៅក្នុងខែមករាឆ្នាំ 2026 ផងដែរ៕
