realme 16 Pro Series បង្ហាញខ្លួនជាមួយអេក្រង់ 144Hz AMOLED កាមេរ៉ា 200MP និងថ្ម 7,000mAh

ថ្មីៗនេះ ក្រុមហ៊ុន realme បានប្រកាសជាផ្លូវការនូវស្មាតហ្វូនស៊េរីថ្មី realme 16 Pro និង realme 16 Pro+ នៅក្នុងទីផ្សារប្រទេស ឥណ្ឌា ដោយស្មាតហ្វូនទាំងពីរនេះ មានអេក្រង់ល្បឿន 144Hz AMOLED មានថាមពលថ្ម 7,000mAh ដែលគាំទ្រជាមួយបច្ចេក វិទ្យាសាកថ្មល្បឿនលឿន 80W fast charging រួមនិងកាមេរ៉ាកម្រិតខ្ពស់ថែមទៀតផង។ ស្មាតហ្វូននេះ គឺមានការផ្តោតទៅលើសមត្ថភាពខ្លាំងក្លា និងភាពធន់ក្នុងការប្រើប្រាស់ ជាមួយនិងថាមពលថ្មប្រើប្រាស់បានយូរ នឹងជាជម្រើសដ៏ល្អបំផុតសម្រាប់ស្មាតហ្វូនថ្នាក់កណ្តាល កម្រិតខ្ពស់ ដែលមានមុខងារពិសេសៗជាច្រើន។

ទៅលើលក្ខណៈសម្បត្តិស្មាតហ្វូនជំនាន់ថ្មី realme 16 Pro និង 16 Pro+ នេះ គឺមានអេក្រង់ប្រភេទ AMOLED panels ជាមួយនឹងល្បឿនកម្រិត 144Hz refresh rate គាំទ្រកម្រិតពណ៌ 1.07 ពាន់លានពណ៌ និងមាន Contrast ratio 5,000,000:1។ សម្រាប់អេក្រង់ស្មាតហ្វូន realme 16 Pro មានទំហំ 6.78-អ៊ីងប្រភេទ AMOLED រាបស្មើរ ខណៈស្មាតហ្វូន  16 Pro+ មានអេក្រង់ទំហំ 6.8 អ៊ីង AMOLED ដូចគ្នាតែមានគែមកោង។ ហើយសម្រាប់កម្រិត Brightness របស់ស្មាតហ្វូន Pro+ គឺ 6,500 nits ខណៈស្មាតហ្វូន Pro មានកម្រិត Brightness ត្រឹមតែ 1,800 nits ប៉ុណ្ណោះ។ អេក្រង់ស្មាតហ្វូនទាំងពីរនេះទ្រទ្រង់នូវ  DCI-P3 colour ដូចគ្នា។

និយាយពីកម្លាំងវិញ ស្មាតហ្វូន realme 16 Pro មានការប្រើប្រាស់នូវបន្ទះឈីប MediaTek Dimensity 7300 Max ខណៈស្មាតហ្វូន realme 16 Pro+ ដំណើរការនៅលើបន្ទះឈីប Snapdragon 7 Gen 4 ហើយបន្ទះឈីបទាំងពីរនេះ គឺជាប្រភេទ 4nm គាំទ្រជាមួយរ៉េម 12GB LPDDR5x RAM និង 14GB dynamic RAM ជាមួយនឹង UFS 3.1 storage ទំហំ 256GB សម្រាប់ម៉ូដែល Pro និងទំហំ 512GB សម្រាប់ម៉ូដែល Pro+។ ស្មាតហ្វូនថ្មីនេះ មានថាមពលថ្មទំហំ 7,000mAh និងទ្រទ្រង់បច្ចេកវិទ្យាសាកថ្ម 80W fast charging តាមរយៈ USB Type-C port ។

ស្មាតហ្វូនជំនាន់ថ្មី realme 16 Pro នេះមានកាមេរ៉ាគោល 200MP Samsung HP5 main ទ្រទ្រង់ជាមួយនឹងមុខងារ OIS, និងគ្រាប់ទីពីរមានទំហំ 8MP ultra-wide ខណៈស្មាតហ្វូន realme 16 Pro+ មានកាមេរ៉ា 50MP Periscope Telephoto ទ្រទ្រង់ជាមួយនឹងមុខងារ 3.5x optical zoom និងកាមេរ៉ាគោលទំហំ 200MP OIS រួមនិងគ្រាប់ទីបី  8MP ultra-wide lens។ ស្មាតហ្វូនទាំងពីរនេះ មានកាមេរ៉ាខាងមុខទំហំ 50MP ថតវីដេអូកម្រិត 4K ដូចគ្នា។

ស្មាតហ្វូន realme 16 Pro series នេះ ប្រើប្រាស់នូវ Android 16 ផ្អែកជាមួយនឹង realme UI 7។ បន្ថែមពីនេះ ស្មាតហ្វូននេះ អាចធ្វើការអាប់ដេត OS បាន 3 ឆ្នាំ និងការអាប់ដេតសុវត្ថិភាពបាន 4 ឆ្នាំផងដែរ។ សម្រាប់មុខងារជាច្រើនទៀត នៅលើស្មាតហ្វូននេះ មានដូចជា សិនស័រស្កែនម្រាមដៃលើអេក្រង់, infrared remote control, stereo audio, Wi-Fi 6, Bluetooth 5.4, extensive 5G band និង IP66/IP68/IP69 សម្រាប់ការពារទឹក និងធូលី។ 

សម្រាប់់់ការលក់នៅលើទីផ្សារឥណ្ឌា ស្មាតហ្វូន realme 16 Pro នេះមាន 3 ទំហំគឺ 8GB+128GB មានតម្លៃ Rs 31,999, 8GB+256GB មានតម្លៃ Rs 33,999 និងទំហំ 12GB+256GB មានតម្លៃ Rs 36,999។ ស្មាតហ្វូននេះមានជម្រើសពណ៌  Pebble Grey, Orchid Purple និង Master Gold។ ចំពោះស្មាតហ្វូន realme 16 Pro+ មាន 2 ទំហំគឺ 8GB+256GB មានតម្លៃ Rs 41,999 និងទំហំ 12GB+512GB មានតម្លៃ Rs 44,999។ ស្មាតហ្វូននេះ មានពណ៌ Pebble Grey, Camellia Pink និង  Master Gold ។ ពេលនេះ ស្មាតហ្វូនទាំងពីរនេះ មានលក់ហើយនៅលើ Flipkart, realme.com និងហាងលក់រាយជាច្រើនទៀតនៅក្នុងប្រទេសឥណ្ឌា៕