កាលពីសប្តាហ៍មុននេះ អ្នកទម្លាយ Smart Pikachu បានបញ្ជាក់ថា ស្មាតហ្វូនជំនាន់ថ្មី OnePlus Ace 5 series នឹងមានការសម្ពោធជាផ្លូវការនៅខែវិច្ឆិកាខាងមុខនេះហើយនៅក្នុងនោះ លោកក៏បានបន្ថែមថា ស្មាតហ្វូនជំនាន់ថ្មី Ace 5 និង Ace 5 Pro នឹងក្លាយជាម៉ូដែលមួយនឹងមានការប្រកួតប្រជែងជាមួយនិងស្មាតហ្វូនជំនាន់ថ្មី Redmi K80 និង K80 Pro ដែលគេដឹងថា នឹងប្រកាសចេញនៅក្នុងពេលវេលាដូចគ្នា។ នៅថ្ងៃនេះ អ្នកទម្លាយ Digital Chat Station បានបង្ហោះនៅលើ Weibo ដោយមានការចែកចាយនូវព័ត៌មានមួយចំនួនរបស់ស្មាតហ្វូន OnePlus ជំនាន់ថ្មីទាំងពីរនេះផងដែរ។
យោងតាមការបែកកធ្លាយខាងលើនេះ បានបន្តថា ស្មាតហ្វូនជំនាន់ថ្មី Ace 5 នឹងមានការបំពាក់នូវបន្ទះឈីប Snapdragon 8 Gen 3 ខណៈដែលស្មាតហ្វូន Ace 5 Pro នឹងមានការបំពាក់នូវបន្ទះឈីប Snapdragon 8 Gen 4។ ដូច្នេះបើផ្អែកលើការលើកឡើងនេះ មានការបញ្ជាក់ថា ស្មាតហ្វូនជំនាន់ថ្មីទាំងពីរនេះ នឹងក្លាយជាដៃគូរប្រជែងជាមួយ Redmi K80 និង K80 Pro ហើយ ដោយសារតែស្មាតហ្វូនជំនាន់ថ្មីរបស់ Redmi ទាំងពីរនេះ គឺមានការបំពាក់នូវបន្ទះឈីបដូចគ្នាជាមួយនិង OnePlus Ace 5 Pro និង Ace 5។
OnePlus Ace 5 Pro និង Ace 5 ត្រូវបានគេនិយាយាថ នឹងមានការបំពាក់នូវថាមពលថ្មជំនាន់ថ្មី silicon battery ដែលមានទំហំធំដល់ទៅ 6,000mAh ហើយនៅលើស្មាតហ្វូននេះ ក៏នឹងមានការប្រើប្រាស់អេក្រង់ជំនាន់ថ្មី BOE X2 8T LTPO panel ដែលមានសមត្ថភាពអាចបង្ហាញចេញបានកម្រិត 1.5K ជាមួយនិងគែមអេក្រង់ស្តើងនៅគ្រប់ជ្រុងថែមទៀតផង។ OnePlus Ace 5 Pro និង Ace 5 នឹងមានការឌីស្សាញស៊ុមជុំវិញពីលោហៈដែលមានភាពរឹងមាំបំផុត។
OnePlus Ace 5 Pro និង Ace 5 ត្រូវបានគេបញ្ជាក់ថា នឹងមានកាមេរ៉ា 3 គ្រាប់ ដោយកាមេរ៉ាគោលមានទំហំ 50-Megapixel ប៉ុន្តែមិនមានឡែន periscope lens នោះទេ។ សម្រាប់ប្រព័ន្ធសុវត្ថិភាពវិញ នៅលើស្មាតហ្វូនថ្មីទាំងពីរនេះ គឺមានការប្រើប្រាស់នូវសិនស័រ ultra-thin optical fingerprint sensor។ កន្លងមកក៏មានការទម្លាយថា ស្មាតហ្វូន Ace 5 Pro នឹងមានការផលិតចេញពីសារ៉ាមិក ខណៈដែល OnePlus Ace 5 អាចជាម៉ូដែល Rebranded ចេញពី OnePlus 13R ដែលលក់នៅលើទីផ្សារសកល។ សម្រាប់ Ace 5 Pro អាចនឹងមានលក់នៅលើតែទីផ្សារចិនប៉ុណ្ណោះ។
