តាមសេចក្តីរាយការណ៌នាពេលថ្មីៗនេះ បានបញ្ជាក់ថា ក្រុមហ៊ុន Samsung គ្រោងនឹងមានការប្រកាសចេញញនូវថេប្លេតFlagship ជំនាន់ថ្មីរបស់ខ្លួនក្នុងពេលឆាប់ៗនេះ។ បើតាមការចេញផ្សាយថ្មីនេះៗ បាននិយាយថា ថេប្លេត Galaxy Tab S10 series ទើបតែបង្ហាញខ្លួននៅលើវិញ្ញាបនបត្រជាច្រើនរួចមកហើយ ខណៈពេលនេះថេប្លេត Galaxy Tab S10+ ក៏បានបង្ហាញខ្លួននៅលើ platforms ចំនួន 2 ទៀតផងដែរ។
ប្រភពខាងលើនេះ បានបន្តថា ថេប្លេត Galaxy Tab S10+ របស់ក្រុមហ៊ុនបច្ចេកវិទ្យាយក្សរបស់កូរ៉េខាងត្បូងនេះ ត្រូវបានគេឃើញថា បានបង្ហាញខ្លួននៅលើវិញ្ញាបនបត្រ TDRA របស់ UAE និង UL Demco។ ថេប្លេត Tab S10+ នេះគឺជាម៉ូដែលប្រណិត និងជំនាន់ថ្មីរបស់ថេប្លេត Galaxy Tab S9។ នៅក្នុងបញ្ជីនៃ TDRA គឺមានលេខ SM-X820 សម្រាប់ម៉ូឌែល WIFI only និង SM-X826B សម្រាប់ 5G Version ។ វាក៏មានម៉ូឌែលទី ៣ លេខកូដ SM-X826N ផងដែរ។ នេះគឺជាម៉ូឌែលសម្រាប់ទីផ្សារនៅក្នុងប្រទេសកូរ៉េខាងត្បូង។
សម្រាប់ ថេប្លេត Galaxy Tab S10+ នេះក៏មានវត្តមាននៅលើ UL Demko certification ដែលមានការបញ្ជាក់ថា ថេប្លេតនេះ នឹងមានការទ្រទ្រង់នូវបច្ចេកវិទ្យាសាកថ្មលឿន 45W wired fast charging ថែមទៀតផង។ ការសាកថ្មរបស់ស្មាតហ្វូននេះ គឺដូចទៅនឹងស្មាតហ្វូន Galaxy S24 Ultra។ នៅលើទំព័ររបស់ Samsung ផ្លូវការនៅក្នុងចក្រភពអង់គ្លេសនេះក៏មានវត្តមានរបស់ស្មាតហ្វូន Galaxy Tab S10+ ផងដែរ។ ថេប្លេតនេះក៏មានវត្តមាននៅលើបញ្ជី FCC កាលពីសប្តាហ៍មុននេះផងដែរ។
សូមជំរាបថា កាលពីខែសីហានេះ ថេប្លេត Galaxy Tab S10 Ultra និង S10+ ក៏បានបែកធ្លាយជាមួយនឹងរូបភាពជាច្រើនដែលបង្ហាញអំពីការឌីស្សាញរូបរាងរបស់វាផងដែរ។ ថេប្លេត Galaxy Tab S10+ នេះមានពណ៌ទឹកប្រាក់ និងកាមេរ៉ាភ្លោះនៅខាងក្រោយ។ ក្រុមហ៊ុន Samsung អាចនឹងធ្វើការផ្លាស់ប្តូរទៅលើថេប្លេតប្រណិតថ្មីនេះផងដែរ។វានឹងមានបន្ទះឈីប MediaTek chipset សម្រាប់ថេប្លេតថ្មីនេះ។ យើងនៅមិនទាន់ច្បាស់នោះទេថា ថេប្លេតថ្មីនេះនឹងមានបន្ទះឈីប Dimensity 9300+ SoCឬ Snapdragon 8 Gen 3៕
