Xiaomi ត្រូវបានគេរាយការណ៌ថា នឹងមានការបញ្ចេញជាផ្លូវការណ៌នូវស្មាតហ្វូនជំនាន់ថ្មីម៉ូដែល Xiaomi 15 Ultra របស់ខ្លួននៅចុងខែនេះហើយ។ យោងតាមការបែកធ្លាយថ្មីនៅលើ Weibo នាពេលនេះ បានបង្ហាញចេញនូវរូបភាពផ្សព្វផ្សាយថ្មីទៅលើស្មាតហ្វូនជំនាន់ថ្មីម៉ូដែល Xiaomi 15 Ultra នេះហើយថែមទាំងមានការបញ្ជាក់ពីថ្ងៃនៃការប្រកាសចេញនៅលើទីផ្សារប្រទេសចិនថែមទៀតផង។ បន្ថែមពីនេះអ្នកទម្លាយរូបនេះក៏បានបញ្ចេញនូវរូបភាព hands-on video ដែលបញ្ជាក់ពីការឌីស្សាញផ្នែកខាងក្រោយរបស់ស្មាតហ្វូននេះផងដែរ។
បើមើលទៅលើរូបភាពដែលបានចែកចាយខាងលើនេះ គឺបង្ហាញថា ស្មាតហ្វូន Xiaomi 15 Ultra នឹងមានការសម្ពោធជាផ្លូវការណ៌នៅថ្ងៃទី 26 ខែកុម្ភៈវេលាម៉ោង 7pm (ម៉ោងនៅប្រទេសចិន)។ ស្មាតហ្វូនថ្មីនេះ ក៏ត្រូវបានគេទម្លាយថា នឹងមានវត្តមាននៅក្នុងព្រឹត្តិការណ៌ MWC 2025 សម្រាប់ទីផ្សារសកលើងដែរ។ សម្រាប់ព្រឹត្តិការណ៌ MWC 2025 ខាងមុខនេះ គឺនឹងអាចធ្វើឡើងចាប់ពីថ្ងៃទី 3 ខែមីនា ដល់ថ្ងៃទី 6 ខែមីនា នៅក្នុងទីក្រុងបាសេឡូណា នាប្រទេសអេស្ប៉ាញ។ នៅក្នុងវីដេអូនេះ គឺមានការបង្ហាញពីការ ឌីស្សាញរូបរាងទាំងស្រុងរបស់ស្មាតហ្វូន Xiaomi 15 Ultra នេះ។ ស្មាតហ្វូននេះមានកាមេរ៉ា 4 គ្រាប់ និងមានការគាំទ្រដោយបច្ចេកវិទ្យាកាមេរ៉ា Leica ហើយនិងមានការអមដោយ Pill-Shaped LED flash ផងដែរ
យោងតាមរបាយការណ៌មុននេះបាននិយាយថា Xiaomi 15 Ultra នឹងមានការប្រើប្រាស់សិនស័រគោលទំហំ 1 អ៊ីង គាំទ្រដោយកាមេរ៉ាទំហំ 50-Megapixel LYT-900 មានមុខងារ OIS។ ជាមួយគ្នានេះក៏នូវមានគ្រាប់ទីពីរទំហំ 50-megapixel Samsung JN5 ultra-wide lens និងគ្រាប់ទីបីមានទំហំ 50-megapixel Sony IMX858 telephoto ហ៊្សូមបាន 3x optical zoom ហើយនិងអាចថត macro shooting ទៀតផង។ សម្រាប់គ្រាប់ទីបួនមានទំហំ 200-Megapixel Samsung HP9 ជាប្រភេទ periscope telephoto ហ៊្សូមបាន 4.3x optical។ ចំពោះកាមេរ៉ាមុខទំហំ 32-Megapixel OmniVision OV32B។
Xiaomi 15 Ultra ទំនងជានឹងមានការបំពាក់នូវអេក្រង់ទំហំ 6.8-អ៊ីង AMOLED LTPO panel ឌីស្សាញជាមួយគែម micro-quad-curved design ហើយអាចនឹងមានកម្រិត 2K resolution ល្បឿន 120Hz refresh rate, រួមជាមួយនិងការគាំទ្រដោយសិនស័រស្កែនម្រាមដៃ ultrasonic ផងដែរ។ ស្មាតហ្វូននេះ នឹងរត់នៅលើឈីបជំនាន់ថ្មី Snapdragon 8 Elite ហើយនិងស្បែក HyperOS 2.0 ផ្អែកលើ Android 15។ ខណៈលើទីផ្សារប្រទេសចិនប្រើរ៉េម 16GB LPDDR5x និងអង្គចងចាំ 1TB UFS 4.0 នោះ សម្រាប់ទីផ្សារសកលអាចនឹងមានម៉ូដែលទំហំ 16GB+512GB តែប៉ុណ្ណោះ។ ស្មាតហ្វូននេះនឹងមានថ្មទំហំ 6,000mAh គាំទ្រដោយកម្លាំងសាក 90W wired និង 50W wireless charging។
