រថយន្ត Ford Ranger ដែលដាក់លក់នៅទីផ្សារបរទសនាពេលបច្ចុប្បន្ននេះ គឺមានផ្តល់នូវមុខងារថ្មីៗ ជាច្រើនសម្រាប់ការបើកបរនៅលើផ្លូវរបស់អ្នកកាន់តែមានសុវត្ថិភាពជាងមុន ប៉ុន្តែលោកអ្នកនៅតែត្រូវការរថយន្តប្រភេទនេះ សម្រាប់ធ្វើការសណ្តោងភ្ជាប់ឥវ៉ាន់ ឬទូកជាដើម។ រថយន្ត Ford Ranger 2019 ដាក់លក់នៅក្នុងទីផ្សាររបស់សហរដ្ឋអាមេរិក នឹងមានពង្រីកប្រើប្រាស់នូវប្រព័ន្ធ Blind Spot Information (BLIS) system ដែលអ្នកអាចមើលឃើញនូវផ្នែកខាងក្រោយរបស់រថយន្តនោះ ដោយនឹងមានការផ្លាស់ប្តូរទាំងអស់។
តាមការបញ្ជាក់របស់ក្រុមហ៊ុន Ford នោះ ប្រព័ន្ធរ៉ាដា ដែលស្ថិតនៅផ្នែកខាងក្រោយនៃរថយន្តនេះ នឹងធ្វើការគ្រប់គ្រងទៅលើផ្នែកទីងងឹតទៅលើផ្នែកខាងក្រោយទាំងអស់ ដែលមានការតភ្ជាប់សណ្តោងនោះ។ ប្រព័ន្ធថ្មីនេះ នឹងធ្វើការជូនដំណឹងទៅកាន់អ្នកបើកបរប្រសិនបើរថយន្តនេះ ធ្វើដំណើរជាប់កៀកជាមួយនឹងអ្វីដែលសណ្តោងនៅខាងក្រោយនេះ។
សម្រាប់រថយន្ត XLT និង Lariat trims គឺនឹងប្រើប្រាស់នូវប្រព័ន្ធផ្តាច់មុខ BLIS system ដែលធ្វើការតម្លើងនៅលើប្រភេទស្តង់ដារខណៈពេលដែលរថយន្ត XL trim នឹងមានជំរើសមួយផ្សេងទៀត។ មុខងារជាច្រើនដូចជា adaptive cruise control និង lane keep assist នឹងដាក់ដំណើរការអោយប្រើប្រាស់រួមជាមួយនឹងប្រព័ន្ធ emergency braking ស្វ័យប្រវត្តិក៏មានការប្រើប្រាស់នៅលើរថយន្តស្តង់ដារនេះផងដែរ។
ក្រៅពីការបន្ថែមនូវមុខងារសុវត្ថិភាពទាំងនេះ រថយន្ត Ranger 2019 ក៏មានលក្ខណៈពិសេសជាច្រើនទៀត គឺការប្រើប្រាស់នូវម៉ាស៊ីន 2.3-liter EcoBoost turbocharged engine រួមជាមួយនឹងការប្រើប្រាស់នូវចង្កឹះលេខ 10 វគ្គអូតូ ដែលភ្ជាប់រួចជាស្រេចនៅលើរថយន្ត F-150 ដែលអាចដំណើរការយ៉ាងងាយស្រួលនៅលើស្ថានភាពផ្លូវដែលពិបាកៗ ហើយវាក៏មានការប្រើប្រាស់នូវប្រព័ន្ធគ្រប់គ្រងតំបន់កម្រិតខ្ពស់ (advanced terrain management system) សម្រាប់ធ្វើការប្រកួតប្រជែងជាមួយនឹងរថយន្តជាច្រើនទៀត ដែលនឹងដាក់លក់នៅឆ្នាំក្រោយនេះផងដែរ៕