យើងនិយាយជាច្រើនឆ្នាំមកហើយ ប្រព័ន្ធព័ត៌មានរបស់ក្រុមហ៊ុន Mazda តែងតែបានធ្វើការ Update ស្របពេលរថយន្តរបស់ខ្លួនមួយចំនួន នៅមិនទាន់អាចទ្រទ្រង់ជាមួយនឹងប្រព័ន្ធ Apple Carplay ឬ Android Auto បាននោះ។ រហូតដល់ពេលនេះ ក្រុមហ៊ុនផលិតរថយន្ត Mazda បានខិតខំប្រឹងប្រែងធ្វើការ Update ដើម្បីប្រកួតប្រជែងនៅក្នុងទីផ្សារផងដែរ។ ថ្មីៗនេះ យើងទទួលបានព័ត៌មានថា រថយន្តជាច្រើនម៉ូដែលរបស់ក្រុមហ៊ុន Mazda ដែលភ្ជាប់ជាមួយនឹងប្រព័ន្ធ MZD Connect នឹងអាចប្រើប្រាស់បានជាមួយនឹងប្រព័ន្ធ Android Auto និង Apple CarPlay ហើយ។
នៅក្នុងពេលនេះ ក្រុមហ៊ុនផលិតរថយន្តនេះ បានបញ្ជាក់អំពីគម្រោងជាច្រើនក្នុងការធ្វើការ Update ទៅលើរថយន្ត Mazda 6 របស់ខ្លួននៅក្នុងសហរដ្ឋអាមេរិក ចាប់ពីដើមខែកញ្ញានេះ ម្ចាស់រថយន្ត 2018 Mazda 6 ដែលជាប្រភេទ Sedan នេះ នឹងអាចធ្វើការតម្លើងនូវកម្មវិធី Android Auto និង Apple CarPlay upgrade ដោយមិនគិតថ្លៃនោះទេ។ ប្រសិនបើអ្នកទិញរថយន្ត Sport វិញនោះ អ្នកមិនអាចធ្វើការតម្លើងនូវប្រព័ន្ធនេះបាននោះទេ។ សម្រាប់ផ្នែក hardware និង software updates គឺមានរយៈពេលប្រមាណជា 2 ម៉ោងក្នុងការតម្លើងនោះ។ បន្ថែមពីការតម្លើងនូវប្រព័ន្ធ Apple CarPlay និង Android Auto នោះ ការ Upgrade ទៅលើរថយន្តម៉ូដែល Mazda6 នេះ នឹងមានថាមពលខ្លាំងជាងមុន ការបញ្ចូលនូវ -charging 2.1-amp USB លឿនជាងមុន និងការប្រើប្រាស់នូវជំនាន់ចុងក្រោយបំផុតនៃប្រព័ន្ធព័ត៌មាន Mazda Connect infotainment system ថែមទៀត។
ចាប់ពីខែវិច្ឆិកាតទៅ ប្រព័ន្ធ Apple CarPlay និង Android Auto នឹងផ្តល់ជូនសម្រាប់រថយន្ត Mazda 6 ឆ្នាំ 2018 ដែលមានជាប្រភេទ Touring, Grand Touring, Grand Touring Reserve និង Signature trim។ រថយន្ត Mazda6 បានដាក់លក់នៅក្នុងសហរដ្ឋអាមេរិកនៅដើមឆ្នាំនេះ។ សម្រាប់តម្លៃចាប់ផ្តើមរបស់រថយន្តនេះគឺ $21,950 សម្រាប់ប្រភេទធម្មតាដែលមានការប្រើប្រាស់នូវកង់ទំហំ 17-inch alloy ភ្លើងមុខ និងក្រោយប្រភេទ LED ប្រព័ន្ធ infotainment system និងប្រព័ន្ធគ្រប់គ្រងសីតុណ្ហភាព dual-zone climate control ថែមទៀត។ សម្រាប់ប្រភេទ Signature trim គឺមានតម្លៃចាប់ផ្តើម $34,750 ដែលមានការ Update ទៅលើផ្នែកខាងក្រៅ កាមេរ៉ា 360 ដឺក្រេ និងជាច្រើនទៀត។
រថយន្ត Mazda 6 ឆ្នាំ 2018 មានជម្រើសនៃម៉ាស៊ីនពីរ គឺប្រភេទទំហំ 2.5-liter ដែលមានកម្លាំងម៉ាស៊ីន 187 hp និងកម្លាំងរមួល 186 lb-ft ហើយសម្រាប់ម៉ាស៊ីនប្រភេទ turbocharged 2.5-liter មានកម្លាំង 250 hp និងកម្លាំងរមួល 310 lb-ft ផងដែរ៕