ការកកស្ទះចរាចរណ៍ក្នុងក្រុងតែងធ្វើឲ្យការបើកបរក្នុងក្រុងមានភាពធុញទ្រាន់ និងចំនាយពេលវេលាយូរ។ យ៉ាងណាមិញ ការជ្រើសរើសរថយន្តសម្រាប់បើកបរក្នុងក្រុងវាពិតជាមានសារៈសំខាន់ណាស់។ ថ្ងៃនេះយើងសូមណែនាំនូវរថយន្តខ្នាតតួចមួយប្រភេទគឺរថយន្ត Ford Fiesta ជារថយន្តដែលមានរាងតូចតែឆ្លាតធ្វើឲ្យការបើកបរកាន់តែមានភាពរីករាយ និងធានាបាននូវផាសុកភាពសម្រាប់អ្នកបើកបរ រួមជាមួយនឹងសមត្ថភាពមិនចាញ់រថយន្តធំៗនោះទេ ម៉្យាងដោយសារវាមានរាងតូចធ្វើឲ្យការបើកបរក្នុងទីក្រុងកាន់តែមានភាពងាយស្រួល។
និយាយទៅថ្វីត្បិតតែរថយន្ត Ford Fiesta ត្រូវបានក្រុមហ៊ុន Ford បំពាក់នូវកម្រិតម៉ាស៊ីន 1.0L ក៏ដោយ ក៏រថយន្តតូចនេះ នៅតែមានកម្លាំងខ្លាំង ដោយសាររថយន្តនេះ គឺមានប្រើប្រភេទម៉ាស៊ីន Ecoboost ដែលមានទំហំ 125 សេះ ដែលមិនត្រឹមតែធ្វើឲ្យ Ford Fiesta មានកម្លាំងខ្លាំង ជួយសន្សំសំចៃប្រេងប៉ុណ្ណោះទេ គឺថែមទាំងអាចជួយកាត់បន្ថយទៅដល់ការប៉ះពាល់បិរស្ថានទៀតផង។
Ford Fiesta 2018 ត្រូវបានគេដឹងថា សាកសមបំផុតជាមួយអ្នកដែលចូលចិត្តរថយន្តខ្នាតតូចតែមានបច្ចេកវិទ្យាទំនើបៗ ជាច្រើនជួយសម្រួលដល់ការបើកបរប្រចាំថ្ងៃ។ ជាមួយរូបរាងតូចស្រស់ស្អាតគួរឲ្យទាក់ទាញ Ford Fiesta ភ្ជាប់មកជាមួយចង្កៀងមុខដែល បិទបើកពន្លឺដោយស្វ័យប្រវត្តិដែលផ្ដល់ភាពងាយស្រួលមែនទែនសម្រាប់ការបើកបរនៅទីងងឹត។
Ford Fiesta ត្រូវបានរចនាឡើងបែបស្ព័រដែលមើលទៅមានភាពស្រស់ស្អាតមែនទែន។ មិនតែប៉ុណ្ណោះ នៅផ្នែកខាងក្រោយរថយន្ត Ford Fiesta ក៏មានបំពាក់ទៅដោយសេនសឺខាងក្រោយចំនួន 4 គ្រាប់សម្រាប់ជំនួយក្នុងការចូលចតផងដែរ។ ថ្វីត្បិតតែរថយន្តនេះ មានរាងតូចពិតមែនតែផ្នែកខាងក្នុងធំទូលាយអាចដាក់ឥវ៉ាន់បានច្រើន មិនដូចរថយន្តខា្នតតូចដទៃនោះទេ។
រថយន្ត Fiesta ប្រើសោរប្រភេទ Smart Key ដែលអាចបញ្ឆេះរថយន្តដោយពុំចាំបាច់ប្រើសោរ និងប្រើចង្កូតបូមអេឡិចត្រូនិចធូរងាយស្រួលបើកបរ ធ្វើឲ្យមានភាពកាន់តែងាយស្រួលនៅពេលបត់បែនជាពិសេសគឺសម្រាប់នារីៗតែម្ដង។ លើសពីនេះ Fiesta បំពាក់ដោយបច្ចេកវិទ្យា Ford SYNC ដែលអាចបញ្ជាដោយសម្លេង អាចជួយសម្រួលការទទួលនិងហៅទូរសព្ទចេញពេលកំពុងបើកបរ រួមនឹងងាយស្រួលភ្ជាប់ជាមួយការកម្សាន្ត និងតន្ត្រីពីស្មាតហ្វូនផងដែរ។ កាន់ឆ្លាតវៃជាមួយផ្លិតទឹកអូតូដែលធ្វើឲ្យរថយន្តនេះអាចបក់យឺតឬលឿនអាស្រ័យលើកម្រិតទឹកភ្លៀង។
Fiesta 2018 ក៏មានបំពាក់ប្រព័ន្ធដោយចាប់ហ្រ្វាំងបន្ទាន់ ABS និង EBA ប្រព័ន្ធទប់លំនឹងពេលបើកបរលើផ្លូវកោងនិងរអិល និងបញ្ចៀសការក្រឡាប់ ESP និងបច្ចេកវិទ្យា Hill Launch Assistជំនួយពេលឡើងចំណោតមិនឲ្យរថយន្តរអិលមកក្រោយរយៈពេល ៣វិនាទីទោះមិនជាន់ហ្រ្វាំង។ ដូចនេះយើងឃើញថា Ford Fiesta គឺជាជម្រើសរថយន្តមួយដ៏ល្អ និងស័ក្ដសមបំផុតសម្រាប់ការបើកបរសម្រាប់ស្ថានភាពក្នុងទីក្រុង។