ក្រុមហ៊ុន Ford បានបញ្ជាក់យ៉ាងច្បាស់អំពីសារៈសំខាន់នៃរថយន្ត SUVs រសប់ខ្លួននៅក្នុងទីផ្សាររបស់សហរដ្ឋអាមេរិក នៅពេលដែលក្រុមហ៊ុននេះ បានប្រកាសថា រថយន្តគ្រប់ម៉ូដែលទាំងអស់ ដែលមិនមែនជាប្រភេទ SUV (លើកលែងតែរថយន្ត Mustang និង Focus Active) នឹងត្រូវគេសម្លាប់ជាក់ជាមិនខាន។ ទីផ្សារនៅក្នុងសហរដ្ឋអាមេរិក គឺមានការពេញនិយមយ៉ាងខ្លាំងទៅលើរថយន្ត SUV ប៉ុន្តែសម្រាប់ទីផ្សារនៅអ៊ឺរ៉ុប នៅតែមានការពេញនិយមទៅលើរថយន្ត sedans និង hatchbacks ។ នៅពេលនេះ មានសំណួរដ៏ធំមួយសួរថា តើក្រុមហ៊ុន Ford នឹងសម្រេចចិត្តដូចគ្នាក្នុងការផ្តោតទៅលើទីផ្សាររថយន្ត SUVs នៅក្នុងអ៊ឺរ៉ុបមែនទេ? សារព័ត៌មាន Automotive News បានធ្វើការរាយការណ៍ថា ក្រុមហ៊ុន Ford នឹងជ្រើសរើសនូវរថយន្ត SUVs គឺជាជម្រើសអាទិភាពខ្ពស់ជាងគេប្រសិនបើក្រុមហ៊ុននេះ ពិតជាចង់រកប្រាក់ចំណេញនៅក្នុងទ្វីបអ៊ឺរ៉ុបមែននោះ។
លោក Jim Hackett ដែលជានាយកប្រតិបត្តិរបស់ក្រុមហ៊ុន Ford បញ្ជាក់យ៉ាងច្បាស់ថា “យើងពិតជាមានការមមិនពេញចិត្តនោះទេជាមួយនឹងដំណើរការរបស់យើងនៅក្នុងទ្វីបអ៊ឺរ៉ុបនោះ។” ដោយសារតែរួមបញ្ចូលគ្នានៃ Brexit និងអ្នកប្រើប្រាសនោះ អាជីវកម្មរបស់ក្រុមហ៊ុន Ford នៅក្នុងអ៊ឺរ៉ុប គឺមានការធ្លាក់ចុះទឹកប្រាក់ 88 លានដុល្លារអាមេរិកកាលពីឆ្នាំមុននេះ និងការខាតបង់ទឹកប្រាក់ 73 លានដុល្លារអាមេរិកនៅក្នុងឆមាសទី 2 ឆ្នាំ 2018 នេះផងដែរ។ ក្រុមហ៊ុន Ford មានម៉ូដែលជាច្រើនស៊េរី ដែលមានការលក់ខាតបង់នៅក្នុងអ៊ឺរ៉ុប។
លោក Bob Shanks បាននិយាយថា “ការដំណើរការធ្លាក់ចុះនេះបង្ហាញអំពីការខាតបង់ប្រាក់ចំណូល ចំនួនរបស់យើងនៅក្នុងតំបន់។ រថយន្តដែលលក់យឺតមានជាប្រភេទរថយន្តតូច និងរថយន្ត C-Max ជាដើម។ ” លោក Shanks បាបបញ្ជាក់ថារថយន្តខ្លះក៏មានការលក់ទទួលបានប្រាក់ចំណេញផងដែររួមមានរថយន្ត Transit van, Kuga crossover, Ranger pickup និងរថយន្តដែលនាំចូល (សំដៅទៅលើរថយន្ត Mustang និង Edge)។ រថយន្តទាំងនេះ គឺស្មើទៅនឹងប្រាក់ចំណូល 200% របស់ក្រុមហ៊ុន Ford នៅអ៊ឺរ៉ុបខណៈពេលដែលវាទាបជាង 50% នៃការលក់របស់ក្រុមហ៊ុន Ford ទាំងអស់។ ក្រុមហ៊ុន Ford ត្រូវធ្វើការផ្តោតទៅលើយុទ្ធសាស្រ្តថ្មីឡើងវិញនៅក្នុងអ៊ឺរ៉ុប។ ក្រុមហ៊ុនប្រហែលជាលែងសូវផ្តោតទៅលើរថយន្តដែលមិនមែនជាប្រភេទ SUVs ទៀតនោះទេ ប៉ុន្តែនៅក្នុងទ្វីបអ៊ឺរ៉ុបក៏ប្រហែលជាមានលក្ខណៈដូចគ្នាទៅនឹងសហរដ្ឋអាមេរិកផងដែរ។
ដូច្នេះ តើវាមានន័យដូចម្តេចទៅសម្រាប់រថយន្តរបស់ក្រុមហ៊ុន Ford នៅអ៊ឺរ៉ុបនោះ? រថយន្ត C-Max អាចនឹងក្លាយជាម៉ូដែលមុនគេដែលត្រូវបិទ ហើយបន្ទាប់មកគឺរថយន្ត Mondeo ដែលត្រូវគេស្គាល់ថាជារថយន្ត Fusion នៅក្នុងសហរដ្ឋអាមេរិកនោះ។ ក្រុមហ៊ុន Ford ក៏បញ្ឈប់ការលក់រថយន្ត C-Max នៅក្នុងសហរដ្ឋអាមេរិក ហើយរថយន្ត Fusion ក៏ប្រហែលជាមិនយូរដែរនឹងធ្វើការបញ្ឈប់នៅទីនេះ។ រថយន្ត S-Max និង Galaxy minivans ប្រហែលជាផ្អាកនៅសហរដ្ឋអាមេរិក និងអ៊ឺរ៉ុបផងដែរ។ ប៉ុន្តែរថយន្ត Fiesta ST ស៊េរីថ្មីនេះ នៅតែមានការពេញនិយម៕
