no-alternative title
no-alternative title
no-alternative title
no-alternative title
no-alternative title
no-alternative title
no-alternative title

បែកធ្លាយរូបភាពរថយន្តស៊េរីថ្មី Lexus ស៊េរី LX Black Edition S 2019 មុនពេលការបង្ហាញវត្តមានជាផ្លូវការ

ក្រុមហ៊ុន Lexus បានត្រៀមខ្លួនក្នុងការបង្ហាញនូវរថយន្តជំនាន់ថ្មីរបស់ខ្លួនប្រភេទ LX SUV ស្របពេលដែលពេលនេះ ស្រាប់តែមានរូបភាពបែកធ្លាយជាច្រើនដែលបង្ហោះនៅលើទំព័ររបស់ Instagram ចេញពីគណនីមួយដែលមានឈ្មោះថា hamad1two3 ដែលបានបង្ហាញនូវរថយន្ត Lexus LX 570 Black Edition S 2019 ជំនាន់ថ្មីនេះ។ 

រូបភាពនេះ ហាក់ដូចជាបង្ហាញនៅក្នុងកម្រិតភាពច្បាស់ទាប ប៉ុន្តែអ្នកអាចមើលឃើញនូវម៉ូដែលប្រភេទពិសេសជាមួយនឹងការរចនាកាន់តែប្រណិតសម្រាប់អំពូលភ្លើងខាងមុខ និងភ្លើងខាងក្រោយ កញ្ចក់ ដៃកាន់ទ្វារ និងកង់រថយន្តផងដែរ។ដែលធ្វើឱ្យរថយន្ត SUV នេះ ប្រណិតបំផុតក្នុងការប្រើប្រាស់។ រថយន្តស៊េរីថ្មីនេះ គឺផ្អែកទៅលើរថយន្ត Lexus LX Superior ដែលលក់ផ្តាច់មុខនៅក្នុងប្រទេសរុស្សី ហើយរថយន្ត LX 570 ប្រភេទ Black Edition ក៏អាចលក់នៅក្នុងសហរដ្ឋអាមេរិកផងដែរ។

រថយន្តទំនើបមួយនេះ ទំនងប្រហែលជាធ្វើការផលិតនៅក្នុងចំនួនកំណត់ប៉ុណ្ណោះ គឺត្រឹមតែប៉ុន្មានរយគ្រឿងប៉ុណ្ណោះ។ សម្រាប់ម៉ាស៊ីនរបស់ Lexus LX Black Edition S 2019 នេះ ក៏ទំនងជាមានការផ្លាស់ប្តូរផងដែរ ដែលអាចនឹងប្រើប្រាស់នូវម៉ាស៊ីន 5.7-liter V8 ដូចគ្នាទៅនឹងម៉ូដែលស្តង់ដារ ដែលមានកម្លាំងដល់ទៅ 383 សេះ។

ជាមួយនិងការទម្លាយនូវរថយន្ត Lexus LX 570 Black Edition S ថ្មីនេះ នៅលើទំព័ររបស់ Instagram ក៏មានការទម្លាយនូវរូបភាពជាច្រើនសន្លឹករបស់រថយន្ត  Toyota Land Cruiser 2019 ផងដែរ។ សម្រាប់រថយន្ត Land Cruiser ស៊េរីថ្មីនេះ នឹងបង្ហាញខ្លួននៅប៉ុន្មានឆ្នាំខាងមុខនេះ ដូចនេះ ក្រុមហ៊ុន Toyota នឹងបន្តនូវការ Updates របស់ខ្លួនជាបន្តទៀត។ សម្រាប់រថយន្ត Toyota Land Cruiser GXR 2019 គឺនឹងមានលក់តែនៅតំបន់មជ្ឈឹមបូព៌ាប៉ុណ្ណោះ៕

 

 

 

 

no-alternative title
ព័ត៌មានពាណិជ្ជកម្ម