ការប្រើប្រាស់ចង្កឹះលេខដៃសម្រាប់រថយន្តស៊េរីទំនើប BMW M គឺផ្តល់នូវការគ្រប់គ្រងកាន់តែងាយស្រួល

រថយន្តស្ព័រ ត្រូវបានគចាត់ទុកថា គឺជារថយន្តដែលស្រស់ស្អាតជាងគេ ដោយសារតែរយន្តប្រភេទនេះ គឺតែងតែមានការផ្លាស់ប្តូរជាច្រើន ទាំងនៅផ្នែកខាងក្នុង និងផ្នែកខាងក្រៅ ហើយរថយន្តស្ព័រ គឺមានល្បឿនលឿន និងមានភាពងាយស្រួលក្នុងការបើកបរ ដោយការសារតែការប្រើប្រាស់ចង្កេះលេខដៃ ហើយអ្វីដែលកាន់តែពិសេសនោះទៀត គឺផ្នែកកម្លាំងម៉ាស៊ីនខ្លាំង។ ជាក់ស្តែងដូចជាប្រភេទម៉ូដែល M រថយន្តស៊េរីទំនើបរបស់ក្រុមហ៊ុន BMW នេះអញ្ចឹង។ រថយន្តនេះ ប្រើប្រាស់ចង្កឹះលេខដៃ ដែលផ្តល់នូវភាពងាយស្រួលនៅក្នុងការបញ្ជាគ្រប់គ្រងបំផុត។ 

លោក Frank van Meel ដែលជាប្រធានផ្នែកផលិតរថយន្ត BMW M បានអះអាងថា ការប្រើប្រាស់ចង្កឹះលេខដៃសម្រាប់រថយន្តនេះ គឺជាអាវុធមួយដ៏ខ្លាំងក្លាសម្រាប់រថយន្ត M ជំនាន់ក្រោយជាច្រើនទៀត។ នេះគឺជាដំណឹងដ៏អស្ចារ្យសម្រាប់អ្នកដែលចូលចិត្តរថយន្តស្ព័រដែលមានល្បឿនលឿននោះ។ ទោះជាយ៉ាងណាក៏ដោយ លោក van Meel នៅតែអះអាងថា នៅទីបំផុតការប្រើប្រាស់ចង្កឹះលេខដៃនេះ នឹងសម្លាប់ដោយការប្រើប្រាស់ចង្កឹះលេខអូតូផងដែរ។

ពេលនេះ មនុស្សជាច្រើនក៏និយមប្រើប្រាស់រថយន្តដែលមានចង្កឹះលេខអូតូ ហើយក្រុមហ៊ុនជាច្រើនពេលនេះ ក៏ងាកទៅលើការផលិតរថយន្ត ដែលអាចបើកបរដោយខ្លួនឯងផងដែរ។ ការប្រើប្រាស់នូវចង្កឹះលេខដៃនេះ ត្រូវបានគេបោះបង់ចោលនៅក្នុងប្រព័ន្ធសុវត្ថិភាព autonomous safety systems សម្រាប់ Subaru ស្របពេលដែលប្រព័ន្ធ EyeSight system មិនដំណើរការជាមួយនឹងការប្រើប្រាស់ចង្កឹះលេខដោយដៃនោះទេ។

លោក Van Meel បាននិយាយថា រថយន្តស្វ័យប្រវត្តិនេះ នឹងបញ្ចប់នូវវត្តមានរបស់ការប្រើប្រាស់ចង្កឹះលេខដោយ ដៃផងដែរ។ ប៉ុន្តែលោក Van Meel បានបន្ថែមថា នៅក្នុងសហរដ្ឋអាមេរិរថយន្ត M2 គឺមានចំនួនប្រមាណជាជាង 50% ដែលកំពុងតែប្រើប្រាស់ចង្កឹះលេខដោយដៃ៕