បើទោះបីជារថយន្ត Sedan ធុនស្រាលមានការធ្លាក់ចុះក៏ដោយ ថ្មីៗនេះ ក្រុមហ៊ុន Nissan នៅតែបញ្ចេញនូវរថយន្តស៊េរីថ្មីរបស់ខ្លួនស៊េរីថ្មីឆ្នាំ 2019 ដែលមានការប្រើប្រាស់នូវម៉ាស៊ីន 2.0-liter variable-compression turbo 4-ស៊ីឡាំង និងប្រព័ន្ធ AWD system ថែមទៀតផង។ នេះគឺជារថយន្ត Sentra ដែលមានការអាប់ឌែតថ្មីជាច្រើនមុនពេលដែលរថយន្តជំនាន់បន្ទាប់នឹងត្រៀមបង្ហាញខ្លួននៅក្នុងឆ្នាំក្រោយនេះ។
រថយន្តស៊េរីថ្មី 2019 Sentra នេះ មានតម្លៃ $17,790 ដែលមានតម្លៃថ្លៃជាងម៉ូដែលមុនដល់ទៅ $800។ សម្រាប់ប្រភេទស្តង់ដារ រថយន្ត Sentra នេះនៅតែភ្ជាប់ជាមួយនឹងរង្វង់កង់ 16-inch steel wheels ប្រព័ន្ធសំលេង 4 speaker audio system និងការតភ្ជាប់តាមរយៈប្រព័ន្ធ Bluetooth connectivity ផងដែរ។ សម្រាប់ម៉ូដែល Sentra S នេះក៏មានករភ្ជាប់ជាមួយនឹងអេក្រង់ផ្តល់ព័ត៌មាន NissanConnect infotainment system ទំហំ 7 អ៊ីង ដែលមានមុខងារ Android Auto និង Apple CarPlay ផងដែរ។
ជាមួយនឹងរថយន្ត Sentra SV ដែលមានតម្លៃចាប់ផ្តើម $18,480 គឺមានភ្ជាប់ជាមួយនឹងកញ្ចប់ពិសេស SV Special Edition Package ដែលមានរង្វង់កង់ 17-inch aluminum-alloy wheels ដំបូលកញ្ចក់ moonroof ហើយវាក៏មានការប្រើប្រាស់នូវសញ្ញា Special Edition badge និងប្រព័ន្ធ Blind Spot Warning, Rear Cross Traffic Alert រួមជាមួយនឹង Intelligent Cruise Control assists ផងដែរ។
សម្រាប់រថយន្ត Sentra SR វិញនោះ គឺមានតម្លៃ $20,590 ដែលមានរូបរាងស្ព័រជាមួយនឹងកង់រង្វង់ទំហំ 17-inch 10-spoke aluminum-alloy wheels ជាមួយនឹងការរចនារូបរាងខាងក្រៅយ៉ាងស្រស់ស្អាត និងការរចនាផ្នែកខាងក្រោយជាមួយនឹងភ្លើង LED ភ្លើងកាត់អ័ព្ទ និងជាច្រើនទៀត។ ប្រសិបើអ្នកចង់បាននូវម៉ូដែលកាន់តែប្រណិតជាងនេះទៀតនោះ អ្នកអាចសម្លឹងមើលរថយន្ត Santra SL ដែលមានតម្លៃ $23,020 ភ្ជាប់ជាមួយនឹងកៅអីស្បែក និងផ្នែកខាងក្នុងធ្វើពីស្បែកថែមទៀត។ រថយន្តនេ មានកញ្ចក់មើលក្រោយស្វ័យប្រវត្តិ និងមានដំបូល Moonroof ប្រព័ន្ធ HomeLink និងប្រព័ន្ធសំឡេង 8-speaker Bose audio system ផងដែរ។
សម្រាប់ម៉ូដែលកំពូលគឺ Sentra Nismo ដែលមានតម្លៃចាប់ផ្តើមពី $25,840 មានលក្ខណៈពិសេសទាំងពីផ្នែកខាងក្នុង និងផ្នែកខាងក្រៅរបស់វា។ វាភ្ជាប់ជាមួយនឹងប្រព័ន្ធ sport-tuned suspension ការពង្រឹងទៅលើចង្កូតរថយន្ត និងរង្វង់កង់ទំហំ 18-inch alloy wheels ផងដែរ។ រថយន្តជាច្រើនម៉ូដែលត្រកូល Sentra នេះប្រើប្រាស់នូវកម្លាំងម៉ាស៊ីនទំហំ 1.8-liter 4-cylinder engine ដែលមានកម្លាំង 124 សេះ និងប្រព័ន្ធ Xtronic transmission កម្រិតខ្ពស់ផងដែរ។ការប្រើប្រាស់ចង្កឹះលេខដៃ 6 វគ្គ គឺមាននៅលើរថយន្ត Sentra S។
ម៉ូដែលនេះមានកម្លាំងដល់ទៅ 130hp ។សម្រាប់រថយន្ត Sentra SR Turbo និង Sentra Nismo ប្រើប្រាស់ម៉ាស៊ីនទំហំ 1.6-liter Direct Injection Gasoline turbocharged engine ដែលមានកម្លាំង 188 សេះ និងរថយន្ត Sentra Nismo ពេលនេះមានចង្កឹះលេខដៃ 6 វគ្គ និងប្រព័ន្ធ Xtronic transmission ផងដែរ៕