Bentley Motors Limited ក្រុមហ៊ុនផលិតរថយន្តដ៏ធំមួយ ដែលបានបង្កើតឡើងដោយវិស្វករជនជាតិអង់គ្លេសម្នាក់ឈ្មោះថា Walter Owen Bentley និងបងប្អូនប្រុសរបស់គាត់នៅក្នុងឆ្នាំ 1919។ នៅក្នុងគោលបំណងក្នុងការបង្វែរទៅលើអាជីវកម្មផ្នែកម៉ាស៊ីននៅលើរថយន្ត។ រយៈពេលមិនយូរប៉ុន្មានពួកគេក៏បង្កើតនូវឈ្មោះមួយសម្រាប់ខ្លួនឯងគឺរថយន្ត Grand Tourers ដែលបង្ហាញខ្លួននៅក្នុងព្រឹត្តិការណ៍នៃការប្រណាំងជាច្រើនដូចជា LeMans 24 Hours។
ស្របពេលជាមួយគ្នា គឺនៅពេលដែលក្រុមហ៊ុនមើលឃើញចំណែកភាគហ៊ុនរបស់ខ្លួនមានការឡើង និងចុះជាមួយនឹងម្ចាស់ជាច្រើននាក់នោះ បានធ្វើអោយលោក W.O. Bentley បង្កើតនូវរថយន្តដែលមានល្បឿនលឿន រថយន្តដែលល្អមួយ និងល្អបំផុតក្នុងការប្រើប្រាស់។ ដើម្បីធ្វើការអបអរសាទរនូវប្រវត្តិសាស្រ្តដ៏អស្ចារ្យនេះ សម្រាប់រថយន្ត Bentleys ក្នុងឆ្នាំ 2019 ទាំងអស់នឹងប្រើប្រាស់នូវមុខងារ និងលក្ខណៈពិសេសជាច្រើនទៀត។
នៅក្នុងការប្រើប្រាស់នូវស្លាកសញ្ញា Centenary នោះ គឺមានការប្រើប្រាស់នូវកៅអីប្លែកភ្នែកស្រស់ស្អាត ជាមួយនឹងផ្ទាំងកញ្ចក់ 1919-2019 display និងមុខងារជាច្រើនដែលធ្លាប់ប្រើប្រាស់នៅលើរថយន្តទាំងអស់តាំងពីខែមករាដល់ខែធ្នូ ឆ្នាំ 2019 នេះ។ សម្រាប់ចង្កូតរថយន្ត ហ្គែរនឹងមានការរចនាខុសប្លែក ពីជំនាន់មុនបន្តិចជាលក្ខណៈ Centenary Gold ដែលនឹងប្រើប្រាស់នៅលើឡូហ្គូ និងផ្នែកជាច្រើនទៀត។ សម្រាប់ពណ៌នេះ ធ្លាប់ប្រើប្រាស់នៅលើរថយន្ត Bentleys កាលពីពេលមុននេះ ដូចជារថយន្ត EXP 2 នៅក្នុងឆ្នាំ 1919 និងរថយន្តប្រណាំងដ៏ល្បីឈ្មោះ 1929 Birkin Blower។
បន្ទាប់ពីអវត្តមានអស់រយៈពេលជាច្រើនទសវត្ស៍នោះ នៅទីបំផុតក្រុមហ៊ុន Bentley ក៏បានចូលរួមនៅក្នុងខ្សែសង្វាក់ Blancpain Endurance Series ឡើងវិញហើយ។ បើយើងត្រឡប់ទៅកាន់ឆ្នាំ 1920s លោក W.O. Bentley បានប្រើប្រាស់នូវបរិយាកាសនៃការប្រណាំងដ៏តានតឹងបំផុតនៅក្នុងការបង្កើតនូវម៉ូដែលប្រណិតៗជាច្រើន ក្នុងនោះរួមមានដូចជារថយន្ត ‘Bentley Boys’ ផងដែរ។ នៅក្នុងការឈ្នះការប្រកួត Le Mans រយៈពេល 5 ដងនោះ រថយន្ត Bentley ក៏ធ្លាប់ឈ្នះពានរង្វាន់នៅក្នុងការប្រកួត Brooklands, Indianapolis និង Isle of Man ផងដែរ៕