នៅពេលនេះ រថយន្តស៊េរីថ្មី Mustang ដែលមានកម្លាំងខ្លាំងជាងគេនោះ គឺម៉ូដែល GT350 ដែលមានកម្លាំងដល់ទៅ 526 សេះ ជាមួយនឹងកម្លាំងរមួល 429 lb-ft។ ជាមួយនឹងកម្លាំងថាមពលខ្លាំងនេះ រថយន្ត GT350 ក៏ត្រូវគេចាត់ទុកថា នៅមិនទាន់អាចប្រកួតប្រជែងជាមួយនឹងរថយន្ត Dodge Challenger SRT Hellcat បាននោះទេ ដោយសារតែវាមានកម្លាំងដល់ទៅ 707សេះ។ សម្រាប់រថយន្ត Mustang Shelby GT500 ឆ្នាំ 2020 ត្រូវបានគេដឹងថា នឹងមានកម្លាំងម៉ាស៊ីនដល់ទៅ 720 សេះ និងកម្លាំងរមួលដល់ទៅ 650 lb-ft។
រថយន្តស៊េរីថ្មី Mustang Roush Stage 3 ឆ្នាំ 2019 ត្រូវបានក្រុមហ៊ុន Ford ធ្វើការបំពាក់បន្ថែមនូវម៉ាស៊ីនផ្ទុកថាមពលអគ្គិសនី Eaton R2650 Supercharger ជាមួយនឹងម៉ាស៊ីនដ៏ខ្លាំងក្លា Mustang’s 5.0-liter V8 ដែលមានកម្លាំងដល់ទៅ 710 សេះ និងកម្លាំងរមួល 610 lb-ft ឯណោះ។ បើធ្វើការប្រៀបធៀបជាមួយនឹងរថយន្ត Mustang នោះ រថយន្ត Mustang Roush Stage 3 គឺមានកម្លាំងខ្លាំងជាង។ មួយវិញទៀត ដើម្បីជួយអោយរថយន្តស៊េរីថ្មីនេះ អាចធ្វើការប្រកួតប្រជែងនៅលើទីផ្សារបាននោះ រថយន្តជំនាន់ថ្មីនេះ ត្រូវបានគេដាក់អោយប្រើប្រាស់នូវកង់ទំហំ 20-inch និងប្រព័ន្ធ Adaptive exhaust system សម្រាប់ជួយថាមពលអោយខ្លាំងក្លាថែមទៀតសម្រាប់ការបើកបរ។
ជាមួយនឹងកម្លាំងម៉ាស៊ីន 5.0-liter Mustang រថយន្ត RS3 នឹងចាប់ផ្តើមជាមួយនឹងតម្លៃ $22,925 ជាមួយនឹងការធានារយៈពេល 3 ឆ្នាំសម្រាប់ការធ្វើដំណើរ 36,000-mile។ សម្រាប់រថយន្ត Mustang GT នឹងមានតម្លៃ $58,115 ដែលពិតជាថ្លៃខ្ពស់ជាងរថយន្ត Shelby GT350 ខ្លាំងមែនទែន៕