យោងតាមព័ត៌មានរបស់ Carbuzz បានបញ្ជាក់ថា ក្រុមហ៊ុន Tesla មានបំណងចង់ធ្វើការបង្កើននូវតួរលេខនៃការលក់របស់រថយន្តស៊េរីថ្មី Model 3 មុនពេលដល់ចុងត្រីមាសទី 3 នេះ។ មានន័យថា រថយន្តស៊េរីថ្មីនេះ នឹងទៅដល់ដៃរបស់អតិថិជន អោយបានលឿនបំផុតតាមអ្វីដែលអាចធ្វើបាន។ ដើម្បីសម្រេចនូវគោលដៅមួយនេះ ក្រុមហ៊ុននេះ បានចាប់ផ្តើមធ្វើការដឹកជញ្ជូនភ្លាមៗទៅលើរថយន្ត EVs របស់ខ្លួនជាមួយនឹងពាក្យថា “អ្នកមកមុន-ទទួលបានមុន!”
សម្រាប់ព័ត៌មានថ្មីនេះ គឺក្រុមអ្នកតាមដាន ទើបតែបានទទួលពីវេបសាយ Electrek ដែលបានសរសេរថា ក្រុមហ៊ុន Tesla ផ្ញើរអ៊ីម៉ែលទៅកាន់អ្នកកក់ទិញរថយន្តម្នាក់ដោយប្រាប់ពួកគេថា មានចំនួនរថយន្ត Model 3 នៅក្នុងចំនួនកំណត់ណាមួយដែលអាចធ្វើការដឹកជញ្ជូនបានភ្លាមៗ។ ក្រុមហ៊ុន បាននិយាយទៀតថា “នៅក្នុងនាមជាអ្នកកក់មុនគេបំផុតនោះ អ្នកត្រូវអញ្ជើញអោយទទួលបាននូវអត្ថប្រយោជន៍មកមុនគេ និងទទួលបានមុនគេ។ យើងចាប់ធ្វើការពង្រីកនូវការអញ្ជើញនេះ សម្រាប់អ្នកកក់រថយន្ត Model 3 ចាប់ថ្ងៃច័ន្ទទី 10 ខែកញ្ញានេះ។”
នៅមិនទាន់ដឹងថា នឹងមានរថយន្ត Model 3s Tesla ប៉ុន្មាននោះទេ ដែលអាចផ្តល់ជូននៅពេលនេះ ប៉ុន្តែ មានការកត់សម្គាល់ផងដែរថា ក្រុមហ៊ុននេះ នឹងចាប់ផ្តើមធ្វើការផលិតនូវរថយន្ត RWD ដែលមិនទាន់ទាក់ទាញអតិថិជនខ្លាំងនៅឡើយទេ។ ក្រុមហ៊ុននេះ មានក្តីសង្ឃឹមថា អ្នកដែលកក់រថយន្តស៊េរីថ្មីនេះ អាចទទួលបានរថយន្ត Model 3 ហើយពួកគេ ក៏អាចសាកល្បងរថយន្តនេះ ជាមួយនឹងបទពិសោធន៍ដ៏អស្ចារ្យបំផុតផងដែរ។
សម្រាប់អ៊ីម៉ែលទាំងនេះ គឺបានបង្ហាញថា អ្នកដែលទទួលយកនូវរថយន្តតម្លៃ $35,000 នេះ នឹងទទួលបានរថយន្តនេះ នៅក្នុងឆ្នាំក្រោយនេះ។ ក្រុមហ៊ុន Tesla មានគោលដៅក្នុងការផលិតនូវរថយន្ត Model 3s ចំនួន 50,000 – 55,000 គ្រឿងនៅក្នុងត្រីមាសទី 3 នេះ។ ត្រឡប់ទៅកានខែកក្កដាវិញនោះ គឺមានការរាយការណ៍ថា ផលិតកម្មមានការកើនឡើងសម្រាប់រថយន្តពីរផ្សេងទៀតរបស់ក្រុមហ៊ុនជាលើកដំបូងបំផុត។ នៅក្នុងត្រីមាសទី 2 នេះ នៅទីបំផុតក្រុមហ៊ុនសម្រេចគោលដៅក្នុងការផលិតរថយន្ត Model 3 sedans ចំនួន 5000 គ្រឿងនៅក្នុងសប្តាហ៍នេះ៕
