ថ្មីៗនេះ ក្រុមហ៊ុនរថយន្ត Toyota ទើបតែបានប្រកាសចេញនូវព័ត៌មានលម្អិតជាច្រើនរបស់រថយន្តស៊េរីថ្មី Corolla Touring Sports ដែលនឹងបង្ហាញខ្លួនដំបូងបំផុតនៅក្នុងព្រឹត្តិការណ៍ Paris Motor Show នៅថ្ងៃទី 2 ខែតុលានេះ។ រថយន្តនេះនឹងបង្ហាញខ្លួនជាមួយនឹងរថយន្ត Corolla ធម្មតា និងរថយន្ត hatchback ស៊េរីថ្មី ដែលនឹងបង្ហាញខ្លួននៅឆ្នាំនេះផងដែរ។ លក្ខណៈខុសគ្នា គឺថារថយន្ត Touring Sports គឺពិតជាមានរូបរាងស្រស់ស្អាតមិនធម្មតានោះទេ។
រថយន្តនេះ ត្រូវបានក្រុមហ៊ុនធ្វើការអភិវឌ្ឍ និងផលិតឡើងនៅក្នុងតំបន់អ៊ឺរ៉ុប ដែលនៅមិនទាន់មានការប្រកាសចេញនូវវត្ត មាននៅក្នុងសហរដ្ឋអាមេរិកនោះទេ ដោយសារតែរថយន្តនេះ នឹងបង្ហាញខ្លួនផ្តាច់មុខនៅក្នុងទ្វីបអ៊ឺរ៉ុបនោះ។ រថយន្តស៊េរីថ្មីនេះនឹងប្រើប្រាស់នូវម៉ាស៊ីនដែលមានកម្លាំង 114 សេះ ប្រភេទ 1.2L turbo gas។ ក្នុងនោះ ក៏មានការប្រើប្រាស់នូវម៉ាស៊ីន Hybrid មួយគូផងដែរ។
ក្រុមហ៊ុន Toyota បាននិយាយថា ម៉ាស៊ីន 1.8L engine នេះ គឺជា Version ដែលមានការពង្រឹងទៅលើម៉ាស៊ីនបច្ចុប្បន្ននេះ។ សម្រាប់ម៉ាស៊ីន 2.0L unit គឺជាម៉ាស៊ីនថ្មីដែលមានសមត្ថភាពខ្លាំងក្លា។ ក្រុមហ៊ុន Toyota បានប្រើប្រាស់នូវ MacPherson សម្រាប់កង់ខាងមុខ និង All-New Rear Multilink System នៅខាងក្រោយ ហើយនេះ គឺជារថយន្ត Corolla ដំបូងបំផុតដែលប្រើប្រាស់នូវ Adaptive Variable Suspension។
អតិថិជនទាំងអស់អាចជ្រើសរើសនូវជំរើស Touring Sports ជាមួយនឹងបច្ចេកវិទ្យា 3D driver’s meter, premium HUD ដំបូងបំផុត និង JBL GreenEdge Premium sound, wireless phone charging និងប្រព័ន្ធ Toyota Touch multimedia system ផងដែរ។ អ្វីដែលគួរអោយស្តាយនោះ គឺមិនទាន់មានការចង្អុលបង្ហាញច្បាស់លាស់អំពីប្រព័ន្ធ 3D driver’s meter នោះទេ។ ក្រុមហ៊ុន Toyota នឹងផ្តល់នូវការប្រើប្រាស់នូវពណ៌ bi-tone color ចំនួន 4 សម្រាប់អោយស៊ីគ្នាទៅនឹងតួខ្លួនរបស់រថយន្តនេះ៕