កន្លងមក គ្រប់គ្នាប្រាកដជាបានស្គាល់ហើយថា ក្រុមហ៊ុន Lexus គឺជាផ្នែកមួយរបស់ក្រុមហ៊ុន Toyota ដែលផលិតចេញនូទំនើបៗជាច្រើនប្រភេទសម្រាប់ទីផ្សារពិភពលោក។ នៅក្នុងប៉ុន្មានឆ្នាំនេះ ក្រុមហ៊ុន LEXUS ធ្វើការពង្រឹងទៅលើផ្នែកខាងក្រៅពីរថយន្ត ជាមួយនឹងការពង្រីកនូវអ្វីដែលពួកគេជឿជាក់ថា ជាបទពិសោធន៍ដ៏ប្រណិតដែលក្រុមហ៊ុន LEXUS គួរតែមានសំរាប់ពេលអនាគតនោះ។
ជាមួយនឹងចក្ខុវិស័យរបស់លោក Yoshihiro Sawa ដែលអគ្គនាយករបស់ក្រុមហ៊ុន LEXUS បានបញ្ជាក់យ់ាងដូច្នេះថា ក្រុមហ៊ុន កំពុងតែចង់ស្វែងរកនូវវិធីថ្មីជាច្រើន នៅក្នុងការចែកចាយនូវបទពិសោធន៍ថ្មី និងអស្ចារ្យសម្រាប់អតិថិជនរបស់ពួកគេ។ ជាលទ្ធផល យានជំនិះ Lexus LY650 គឺជានាវាដ៏ប្រណិតបំផុត ដែលមិនធ្លាប់មានពីមុនមកនោះទេ។ នៅក្នុងការប្រែក្លាយនូវគំនិតនេះ ទៅជាការពិត គឺជាការងាររបស់ក្រុមហ៊ុន Marquis-Larson Boat Group ។
LY650 គឺជាមានការជម្រុញពីគំនិតពីរថយន្ត Lexus Sport Yacht Concept ដែលយើងបានឃើញនៅក្នុងឆ្នាំ 2017 នោះ។ សម្រាប់ម៉ូដែលនេះ ប្រើប្រាស់នូវម៉ាស៊ីន 5.0-liter Lexus V8s ប៉ុន្តែវានៅមិនទាន់មានការបង្ហាញអំពីកម្លាំងម៉ាស៊ីនរបស់នាវានេះនៅឡើយទេ។ ទោះជាយ៉ាងណាក៏ដោយ នាវានេះ គឺមានការប្រើប្រាស់នូវមុខងារដ៏ទាក់ទាញជាច្រើននៃគំនិតរបស់នាវានេះ ហើយ LY650 នឹងក្លាយជានាវាដឹកទំនិញដំបូងបំផុតរបស់ក្រុមហ៊ុន LEXUS។
ខុសប្លែកពីគំនិតមុននេះ សម្រាប់ម៉ូដែលថ្មីនេះ ត្រូវបានកំណត់រួចហើយនៅការការផលិតចេញ។ ក្រុមហ៊ុន Marquis-Larson នឹងផលិតលក់ និងផ្តល់នូវសេវាកម្មជាច្រើនសម្រាប់ LY650។ យោងតាមការបញ្ជាក់របស់ក្រុមហ៊ុននេះ បានមអោយដឹងថានាវា Lexus LY650 ជំនាន់ថ្មី អាចនឹងបញ្ចប់ការផលិតជាសា្ថពរនៅក្នុងឆមាសទី 2 ឆ្នាំ 2019 ហើយវានឹងបង្ហាញខ្លួនទៅកាន់ពិភពលោកនៅចុងឆ្នាំនោះផងដែរ៕
