ថ្មីៗនេះ ក្រុមហ៊ុន Ford ទើបតែបង្ហាញនូវការបំពាក់បន្ថែមនូវប្រព័ន្ធ Trail Control សម្រាប់រថយន្ត Raptor នៅក្នុងការធ្វើដំណើរនៅក្នុងស្ថានភាពផ្លូវដែលពិបាកៗ ដោយក្នុងមោះ ក៏មានការប្រើប្រាស់ជាមួយនឹងប្រព័ន្ធ Cruise Control ដែលមានលក្ខណៈស្រដៀងគ្នាជាមួយនឹងនឹងបច្ចេកវិទ្យា Off-Road Progress Control របស់ក្រុមហ៊ុន Land Rover ដែលប្រកាសបង្ហាញនៅក្នុងប៉ុន្មានឆ្នាំនេះដែរ។ ដូច្នេះ នេះគឺជាព័ត៌មានល្អសម្រាប់អ្នកដែល ទិញរថយន្តស៊េរីថ្មី Ford Raptor 2019 ថ្មីនេះ នឹងទទួលបាននូវមុខងារថ្មីៗ នៅពេលដែលrរថយន្តនេះបង្ហាញខ្លួនជាផ្លូវការនៅក្នុងហាងលក់ Showrooms នាពេលដ៏ខ្លីនេះ។
តាមការបញ្ជាក់របស់ក្រុមហ៊ុន Ford បានអោយដឹងថា ប្រព័ន្ធ System នេះ អាចធ្វើការគ្រប់គ្រងទៅលើចរន្តអគ្គិសនី និងប្រព័ន្ធហ្វ្រាំងនៅពេលដែលអ្នកធ្វើដំណើរនៅលើផ្លូវដែលពិបាកៗពិសេសនៅពេលដែលចតនោះ។ សម្រាប់មុខងារ Trail Control អាចដំណើរការបាននៅក្នុងល្បឿនចាប់ពី 1mph ទៅដល់ 20 mph ដែលអ្នកអាចប្រើប្រាស់នូវ Mode ជាពិសេសនេះនៅក្នុង Raptor’s 4x4 Settings។ សម្រាប់ខួរក្បាលនៃប្រព័ន្ធនេះ ក៏មានការពង្រឹងសម្រាប់ដោះស្រាយទៅលើបញ្ហាប្រឈមជាច្រើន និងឧបសគ្គតូចចង្អៀតដោយស្វ័យប្រវត្តិដោយប្រើប្រាស់នូវប្រព័ន្ធហ្វ្រាំងក្នុងការនាំរថយន្ត Truck នេះចុះចំណោទនោះ។
នៅពេលនេះ រថយន្ត Ford Raptor ស៊េរី 2019 នេះ ត្រូវបានក្រុមហ៊ុនប្រើប្រាស់នូវម៉ាស៊ីនទំហំ 3.5-liter V6 EcoBoost ដែលមានកម្លាំងដល់ទៅ 450 សេះ ជាមួយនឹងចង្កឹះលេខស្វ័យប្រវត្តិ 10 វគ្គ ជាមួយនឹងប្រព័ន្ធ High-Low Transfer Case និង Four-Wheel Drive ។ ក្រុមហ៊ុន Ford បាននិយាយទៀតថា ប្រព័ន្ធ Trail Control នេះ នឹងអាចដំណើរការបាននៅគ្រប់រថយន្តស៊េរីថ្មីរបស់រថយន្ត Ford Ranger 2019 នៅក្នុងការនាំយកនូវរថយន្តនេះ ទៅកាន់ហាងលក់រាយជាច្រើននៅដើមឆ្នាំក្រោយនេះ។ សម្រាប់ការ Upgrade ទៅលើរថយន្ត Ford F-150 Raptor 2019 នឹងដំណើរការបាននៅចុងឆ្នាំ 2018 នេះ៕