នៅក្នុងរយៈពេលប៉ុន្មានឆ្នាំនេះ ក្រុមហ៊ុនើផលិតរថយន្តជាចច្រើន មានការបោះជំហានយ៉ាងខ្លាំង ជាមួយនឹងរថយន្តប្រភេទ Hybrids និងរថយន្តអគ្គិសនី។ ជាក់ស្តែងនៅពេលនេះ ក្រុមហ៊ុនផលិតរថយន្ត Toyota ក៏បានក្លាយជាក្រុមហ៊ុនមួយក្នុងចំណោមក្រុមហ៊ុនទាំងអស់នេះផងដែរ ដែលធ្វើបាននឹងកំពុងតែរឿងនេះ។ បច្ចេកវិទ្យា Hybrid ត្រូវបានប្រកាសនៅក្នុងទ្វីបអ៊ឺរ៉ុបដោយក្រុមហ៊ុន Toyota នៅក្នុងឆ្នាំ 2000 ហើយនៅក្នុងរយៈពេល 18 ឆ្នាំនេះ ក្រុមហ៊ុនផលិតរថយន្តរបស់ជប៉ុននេះ បានលក់រថយន្តនេះបានដល់ទៅ 2 លានគ្រឿងឯណោះ។
រថយន្តស៊េរីថ្មី Toyota C-HR Hybrid ដែលមានលេខរៀងទី 2 លាននេះ គឺត្រូវបានលក់ទៅកាន់លោកស្រី Magdalena Sobolewska-Bereza ដោយក្រុមហ៊ុនចែកចាយមួយ នៅក្នុង Warsaw នៃប្រទេសប៉ូឡូញ ។ លោកស្រី ត្រូវបានក្រុមហ៊ុនផ្តល់នូវការប្រើប្រាស់ប្រេងឥន្ធនៈរយៈពេលមួយឆ្នាំឥតគិតថ្លៃផងដែរ។ ប្រសិនបើរថយន្ត C-HR Hybrid គឺជារថយន្តដែលលក់ដាច់បំផុតនៃរថយន្ត Toyota hybrid នៅក្នុងតំបន់អ៊ឺរ៉ុបនោះ ការប្រើប្រាស់នូវប្រេងឥន្ធនៈ គឺមិនមែនជាជម្រើសល្អនោះទេ។
ជាមួយនឹងការបោះជំហានថ្មីរបស់ក្រុមហ៊ុន Toyota គឺមានគោលដៅកាត់បន្ថយនូវការប្រើប្រាស់ប្រេងឥន្ធនៈ អោយបាន 90% នៅក្នុងឆ្នាំ 2050។ ដោយពេលនេះ Toyota បានពង្រីកនូវសក្តានុពលរបស់ខ្លួនតាមរយៈការបញ្ចេញនូវរថយន្ត Prius Hybrids ដំបូងបំផុតរបស់ខ្លួននៅក្នុងឆ្នាំ 1997។ ហើយក្រុមហ៊ុននេះ បានលក់រថយន្ត Hybrid ចំនួន 1.2 លានគ្រឿង ជាមួយនឹងរថយន្ត Hybrid ចំនួន 34 ប្រភេទផ្សេងគ្នា ដែលបានដាក់លក់ច្រើនជាង 90 ប្រទេសនៅលើពិភពលោក។
សព្វថ្ងៃនេះ រថយន្ត Hybrid ដែលលក់ដាច់បំផុតនៅក្នុងសហរដ្ឋអាមេរិក គឺជារថយន្ត Toyota Prius Liftback ស្របពេលដែលរថយន្ត RAV4 គឺជារថយន្ត Hybrid Crossover ដែលពេញនិយមបំផុតក្នុងការប្រើប្រាស់នោះ។ នៅក្នុងការចំណាយទៅលើរថយន្តប្រើប្រាស់ប្រេងឥន្ធនៈនោះ ក្រុមហ៊ុន Toyota ក៏ចំណាយពេលមួយផ្នែករបស់ខ្លួននៅក្នុងការអភិវឌ្ឍទៅលើរថយន្ត Hybrid ដែលមានតម្លៃសមរម្យ រថយន្តអេឡិចត្រូនិក និងបច្ចេកវិទ្យា នៃការប្រើប្រាស់កោសិកាប្រេងផងដែរ។
នៅក្នុងរយៈ ពេលប៉ុន្មានឆ្នាំនេះ វិស័យនៃការផលិតរថយន្តនេះ គឺមានការផ្លាស់ប្តូរយ៉ាងលឿន ហើយក៏មានការបោះជំហានកាន់តែខ្លាំងទៅលើផ្នែករថយន្តអេឡិចត្រូនិចផងដែរ។ នៅក្នុងរយៈពេល 10 ឆ្នាំ ក្រុមហ៊ុន Toyota លក់រថយន្ត Hybrid នេះបាន 1 លានគ្រឿង និង 8 ខែទៀត គឺលក់បានរថយន្ត 1 លានគ្រឿងទៀត៕