អស់រយៈពេលជាច្រើនឆ្នាំមកហើយ នាយកប្រតិបត្តិ CEO របស់ក្រុមហ៊ុន Toyota ត្រូវបានគេដឹងថា បានធ្វើការច្រើនណាស់ដើម្បីនាំយកនូវពណ៌ថ្មីកាន់តែអស្ចារ្យសម្រាប់រថយន្តស៊េរីថ្មីរបស់ខ្លួន ផ្តល់នូវភាពរីករាយបំផុត និងជឿជាក់បំផុត។ ចាប់តាំងពីលោក Akio Toyoda បានក្លាយជាប្រធានរបស់ក្រុមហ៊ុន Toyota ក្រុមហ៊ុននេះ ធ្វើការសហការជាមួយនឹងដៃគូសហការចំនួន 86 ជាមួយនឹង Subaru ដែលធ្វើការអភិវឌ្ឍទៅលើ Supra ថ្មីជាមួយនឹងរថយន្ត BMW នៅក្នុងការបង្កើតនូវរថយន្ត Gazoo Racing Masters of Nurburgring ដែលជាប្រភេទរថយន្តប្រណាំង LMP1-hybrid racecar។
យោងតាមការបញ្ជាក់របស់ Japanese Nostalgic Car បានអោយដឹងថា ក្តីសុបិន្តរបស់លោក Akio គឺជាអ្វីមួយដែលមិនធម្មតានោះទេ ក្រោយពេលដែលក្រុមហ៊ុន Toyota បានបង្ហាញនូវរថយន្ត Century ជំនាន់ទី 3 នៅក្នុងព្រឹត្តិការណ៍ 2017 Tokyo Auto Salon កាលពីខែតុលាឆ្នាំមុននេះ។ មានអ្នកគាំទ្រ បានសួរសំណួរថា តើក្រុមហ៊ុនផលិតរថយន្តរបស់ជប៉ុននេះ នឹងផលិតចេញនូវជារថយន្តដ៏ល្អឥតខ្ចោះថែមទៀតទេនៅពេលខាងមុខ? គាត់បានឆ្លើយតបថា អ្វីដែលគាត់ចង់បាន គឺការធ្វើអោយលេចចេញនូវរថយន្ត Century ដោយក្រុមការងារ GRMN។
នៅក្នុងខណៈពេលនោះ មនុស្សគ្រប់គ្នា បានគិតថា នេះ គឺគ្រាន់តែជារឿងកំប្លែងដែលគួរអោយអស់សំណើចសម្រាប់ការធ្វើម៉ូដែលនេះឡើងវិញ ដោយសារតែរថយន្ត Century នេះ គឺបានបង្ហាញខ្លួនដំបូងបំផុតនៅក្នុងឆ្នាំ 1967 នោះ។ សម្រាប់រថយន្ត Century GRMN ក្លាយជាការពិតហើយ។ ពេលនេះ រថយន្តស៊េរីថ្មី គឺមានគំរូពណ៌សយ៉ាងស្រស់ស្អាត។ ផ្នែកគែមខាងមុខ ខាងឆ្វេង និងខាងក្រោយរបស់រថយន្ត Sedan នេះគឺពិតជាស្រស់ស្អាតមែនទែន។ រថយន្តនេះ ប្រើប្រាស់នូវម៉ាស៊ីនទំហំ 5.0-liter hybrid V8 និងការប្រើប្រាស់នូវគន្លាស់ ‘GRMN’ ផងដែរ៕
