នៅពេលនេះ ក្រុមហ៊ុនផលិតរថយន្ត Land Rover បានបន្តនូវការបោះជំហានទៅមុខបន្ថែមទៀត និងការសហការជាមួយនឹងក្រុមហ៊ុន Hulu ក្នុងការបង្កើតនូវរថយន្តស៊េរីថ្មី Range Rover Sport សម្រាប់កម្មវិធី TV Show ថ្មីរបស់ខ្លួន។ រថយន្តស៊េរីថ្មី Range Rover Sport នឹងបង្ហាញខ្លួននៅក្នុងកម្មវិធី “The First” ដែលជាកម្មវិធីភាពយន្តប្រឌិតបែបវិទ្យាសាស្រ្តចេញពីអ្នកបង្កើត House of Cards ឈ្មោះថា Beau Willimon នៅលើសេវាកម្ម Hulu streaming service អំពីក្រុមអ្នកអវកាសដែលព្យាយាមក្លាយខ្លួនជាមនុស្សដំបូងបំផុតនៅលើភពព្រះអង្គារនោះ។
កម្មវិធីនេះក៏មានការចូលរួមពីតារាសម្តែង ដែលទទួលបានពានរង្វាន់ Academy Award ពីរលើកគឺលោក Sean Penn ស្របពេលដែលរថយន្តស៊េរីថ្មី Range Rover Sport នេះនឹងបើកបរដោយលោក Natascha McElhone ដែលដើរតួធ្វើជាអ្នកអវកាសក្នុងលំហរហៅថា Laz Ingram នោះ។ លោក Michael Curmi អគ្គនាយកផ្នែក Brand Experience របស់ក្រុមហ៊ុន Jaguar Land Rover និយាយថា “យើងពិតជាមានក្តីរីករាយណាស់ដែលបានសហការជាមួយនឹងក្រុមហ៊ុន Hulu សម្រាប់ការបង្កើតនូវកម្មវិធីស៊េរីដ៏អស្ចារ្យនេះ។
ជាមួយនឹងកម្មវិធី Show នេះនឹងធ្វើឡើងនៅក្នុងពេលអនាគតដ៏ខ្លីខាងមុខនេះ វាគឺជាការប្រកួតប្រជែងដ៏អស្ចារ្យក្នុងការធ្វើការជាមួយនឹងក្រុមហ៊ុន Westward Productions និង Hulu ក្នុងការបង្កើតនូវចក្ខុវិស័យសម្រាប់អ្វីដែលរថយន្ត Range Rover Sport នឹងមើលទៅស្រដៀងនៅក្នុងឆ្នាំ 2030s ហើយវានឹងមានវត្តមាននៅគ្រប់វគ្គស៊េរីទាំងអស់។” សម្រាប់មុខងារថ្មីៗជាច្រើនរបស់រថយន្តស៊េរីថ្មី Range Rover Sport នេះគឺមានការបន្ថែមបន្ទាប់ពីការផលិតនៅពេលក្រោយរួមមានបទពិសោធន៍នៃការបើកបរដោយស្វ័យប្រវត្តិ ការប្រើប្រាស់នូវ Smart Light Bar ខាងក្រៅដែលមានសេនស័រ 360 ដឺក្រេដែលធ្វើការពង្រឹងទៅលើបទពិសោធន៍នៃការទំនាក់ទំនងជាមួយនឹងរថយន្តកាន់តែងាយស្រួល។
ស្របពេលដែលចក្ខុវិស័យរបស់រថយន្តស៊េរីថ្មី Range Rover Sport នៅក្នុងឆ្នាំ 2030s របស់ក្រុមហ៊ុន Land Rover នេះមិនមានលក្ខណៈខុសប្លែកគ្នាខ្លាំងបើធៀបជាមួយនឹងម៉ូដែលនៅក្នុងពេលបច្ចុប្បន្ននោះទេ ក្រុមហ៊ុនផលិតរថយន្តនេះនិយាយថា ទម្រង់បែបបទ និងស្ទាយ៍ដ៏ស្រស់ស្អាតរបស់រថយន្ត SUV នេះគឺជាចក្ខុវិស័យសម្រាប់រថយន្ត Range Rover Sport ដែលកាន់តែឆ្លាតវៃ និងមានកម្លាំងខ្លាំងក្លាបំផុត។ Wraparound Privacy Glass ក៏អាចធ្វើការផ្ល់ាសប្តូរទៅលើភាពស្រអាប់នៃកញ្ចក់អេក្រង់ផងដែរ។
រថយន្តស៊េរីថ្មី Range Rover Sport ក៏មានការប្រើប្រាស់នូវទ្វារឆ្លាតវៃ និងផ្នែកខាងក្នុងកាន់តែទំនើបទាន់សម័យដែលមានប្រព័ន្ធសុវត្ថិភាពជាច្រើនរួមទាំងការទំនាក់ទំនង ការកម្សាន្ត និងមុខងារនៃការគ្រប់គ្រងទៅលើសីតុណ្ហភាព។ រថយន្ត Range Rover Sport នេះ ក៏មានប្រព័ន្ធភ្លើងអេឡិចត្រូនិក និងប្រព័ន្ធ suspension system ផងដែរ។ សម្រាប់ Episodes ទាំងអស់របស់ The First គឺអាចធ្វើការ Streaming នៅលើ Hulu ឬអ្នកអាចមើលរថយន្ត Range Rover Sport ថ្មីនេះនៅក្នុង Trailer របស់កម្មវិធី Show នេះថែមទៀតផង៕