ក្រុមហ៊ុន Volvo បានបញ្ចេញរថយន្តស៊េរីថ្មី S60 ដែលមានរូបរាងស្រស់ស្អាតទាក់ចិត្តបំផុត

នៅពេលដែលអ្នកនិយាយអំពីប្រព័ន្ធសុវត្ថិភាព និងរថយន្តនោះ មនុស្សភាគច្រើនគិតដល់រថយន្ត Volvo។ ជាច្រើនទសវត្សន៍មកហើយនោះ ប្រព័ន្ធសុវត្ថិភាពនៅតែជារឿងចោទចម្បងមួយ។ នៅក្នុងពិភពលោកនេះ កំពុងតែមានការកើនឡើងនៃកំណើនរថយន្ត ម៉ូតូ កង់នៅក្នុងទីក្រុងនិងទីប្រជុំជនដែលបានធ្វើឱ្យរថយន្តជាច្រើន ត្រូវធ្វើការពង្រឹងទៅលើប្រព័ន្ធសុវត្ថិភាពក្នុងគោលដៅការពារគ្រោះថ្នាក់ដែលអាចកើតឡើងជាយថហេតុនោះ។

នៅក្នុងការការពារទៅលើប្រព័ន្ធសុវត្ថិភាពនេះ ក្រុមហ៊ុន Volvo គឺជាម៉ាករថយន្តដ៏ល្បីមួយរបស់អាល្លឺម៉ង់ ដែលទើបតែបញ្ចេញនូវរថយន្ត S60 sedan (និង V60 wagon) ដែលមានតម្លៃចាប់ពី $35,800 ដែលយកឈ្នះរថយន្ត 3 Series និង Audi A4 ថែមទៀត។ ដូចគ្នាទៅនឹងរថយន្ត XC40 SUV នេះ រថយន្ត S60 នេះអាចរកទិញបាននៅ Volvo's Care។ សម្រាប់រថយន្តស៊េរីថ្មីនេះ មានការធានាទៅលើការជួសជុល និងប្រព័ន្ធជំនួយនៅលើការធ្វើដំណើរនៅលើដងផ្លូវថែមទៀតដោយឥតគិតថ្លៃរយៈពេលមួយឆ្នាំ។ 

ក្រុមហ៊ុន Volvo និយាយថា ក្រុមហ៊ុនបានរៀនពីចំណុចខ្វះខាតនៅលើរថយន្ត XC40 ហើយបំពេញនូវចំណុចទាំងអស់នេះនៅលើរថយន្ត S60 របស់ខ្លួនវិញ។ S60 គឺជារថយន្ត Sedan ដ៏ប្រណិតដែលមានការរចនារូបរាងថ្មីយ៉ាងស្រស់ស្អាតប្រភេទ sedan។ រថយន្តនេះ ប្រើប្រាស់នូវភ្លើង Thor's Hammer LED សម្រាប់ភ្លើងមុខរបស់រថយន្ត។ ផ្នែកខាងក្នុងរបស់រថយន្តនេះគឺផលិតឡើងពីគ្រឿងសង្ហារឹមដ៏ប្រណិតមកពីស៊ុយអែត។ បន្ថែមពីនេះទៀតនោះ រថយន្តនេះ ក៏បន្ថែមនូវប្រព័ន្ធ Sensus System និងការអាប់ដេតទៅកាន់បន្ទះឈីប ថ្មីដែលមានល្បឿនលឿនជាងមុនដល់ទៅ 50% ផងដែរ។ 

ជាមួយគ្នានេះ ក្រុមហ៊ុន Volvo ក៏បានបង្ហាញនូវរថយន្តស៊េរីថ្មី V60 wagon ផងដែរ។ រថយន្តនេះមានការរចនារូបរាងប្រភេទជា R-Design ដែលនៅពេលដែលអ្នកធ្វើដំណើរជាមួយនឹងរថយន្តនេះ អ្នកនឹងមានអារម្មណ៍ថានេះ គឺជារថយន្ត SUV ដែលមានភាពទូលាយក្នុងការធ្វើដំណើរ។ រថយន្តទាំងអស់របស់ក្រុមហ៊ុន Volvo ប្រើប្រាស់នូវប្រព័ន្ធ driver's assistance suite, Pilot Assist និងប្រព័ន្ធ semi-autonomous system ផងដែរ។ ក្នុងនោះ ក្រុមហ៊ុន ក៏មានបន្ថែមនូវប្រព័ន្ធសុវត្ថិភាពជាច្រើនទៀតដូចជា lane-keep assist, adaptive cruise control (ACC) ផងដែរ៕