Porsche Panamera ត្រូវបានគេចាត់ទុកថា គឺជាកំពូលរថយន្តដែលមានកម្លាំងខ្លាំងក្លា និងថាមពលដ៏អស្ចារ្យនៅក្នុងការប្រើប្រាស់ប្រចាំថ្ងៃសម្រាប់អ្នកដែលមាន ធន់ធាន។ សម្រាប់រថយន្ត Panamera នេះ គឺមានកម្លាំងម៉ាស៊ីន 330 សេះ ជាមួយនឹងម៉ាស៊ីន 3.0-liter turbocharged V6 និងមួយម៉ូដែលទៀត គឺ Turbo S E-Hybrid ដែលមានកម្លាំងម៉ាស៊ីនរហូតដល់ទៅ 680 សេះ ជាមួយនឹងម៉ាស៊ីនទំហំ 4.0-liter twin-turbo V8 មានផ្សំជាមួយនឹងម៉ូទ័រអេឡិចត្រូនិក អាចបង្កើននូវអានុភាពខ្លាំងបំផុត។
រវាងរថយន្តទាំងពីរនេះ ប្រសិនបើលោកអ្នកគិតថា រថយន្ត Panamera គឺមានល្បឿនយឺតពេកនៅក្នុងការប្រើប្រាស់នោះ លោកអ្នកអាចជ្រើសរើសយករថយន្តស៊េរីថ្មី Turbo S E-Hybrid ក៏បានដែរ ប៉ុន្តែរាងខ្ពស់បន្តចិ គឺ 190,000 ដុល្លាសហរដ្ឋអាមេរិក។
នៅពេលនេះ ដើម្បីធ្វើអោយអ្នកប្រើប្រាស់មានភាពងាយស្រួលនៅក្នុងជ្រើសរើសនោះ Porsche បាននាំមកនូវរថយន្តប្រភេទ Panamera ចំនួនពីរម៉ូដែល ដែលល្អ និងសក្តិសមបំផុតក្នុងការប្រើប្រាស់ នោះគឺជារថយន្តស៊េរីថ្មី Panamera GTS និង Panamera GTS Sport Turismo។ សម្រាប់ម៉ូដែលនៃរថយន្ត GTS នេះ គឺជាអ្វីដែលអ្នកប្រើប្រាស់ចង់បាន ដោយសារតែរថយន្តនេះ ស្ថិតនៅចន្លោះរថយន្ត Panamera S និង Panamera Turbo។
សម្រាប់ Versions ទាំងពីរនៃរថយន្ត GTS នេះ ប្រើប្រាស់នូវម៉ាស៊ីន 4.0-liter twin-turbo V8 ដូចគ្នាទៅនឹងម៉ូដែល Turbo ដែរ ប៉ុន្តែវាមានកម្លាំងដល់ទៅ 453 សេះ និងកម្លាំងរមួល 457 lb-ft of torque។ កម្លាំងនេះ គឺតូចជាងរថយន្ត Turbo ដែលមានកម្លាំងម៉ាស៊ីនដល់ទៅ 550 សេះ ប៉ុន្តែវាមានកម្លាំងខ្លាំងជាងមុនដល់ទៅ 20 សេះ បើធៀបជាមួយនឹងរថយន្ត Panamera GTS ជំនាន់មុននេះ។
រថយន្តទាំងពីរនេះ ត្រូវបានបញ្ចូលនូវថាមពលទៅកាន់ប្រព័ន្ធ Porsche Traction Management (PTM) all-wheel-drive system តាមរយៈចង្កឹះលេខ PDK transmission ចំនួន 8 វគ្គ ដែលអាចធ្វើការបង្កើនល្បឿនដល់ទៅ 60 mph នៅក្នុងរយៈពេលត្រឹមតែ 3.9 វិនាទីប៉ុណ្ណោះ។ រថយន្ត GTS មានល្បឿន អតិបរិមាដល់ទៅ 181 សេះ និងរថយន្ត GTS Sport Turismo មានល្បឿនអតិបរិមា 179 សេះ។
រថយន្តប្រភេទ GTS trim នេះ គឺមានផ្តល់នូវមុខងារស្តង់ដារជាច្រើនដែលត្រូវប្រើប្រាស់ជាជម្រើសសម្រាប់រថយន្ត S Trim ដែលមានមានប្រព័ន្ធ dynamic chassis systems ជាមួយនឹងកញ្ចប់ Sport Chrono package និងការប្រើប្រាស់នូវ Alcantara interior trim នៅខាងក្នុង។ ក៏មានការប្រើប្រាស់នូវប្រព័ន្ធ Sport Exhaust ជាមួយនឹងកង់ទំហំ 20-inch Panamera Design wheels ផងដែរ។
ក្រុមហ៊ុន Porsche បាននិយាយថា រថយន្តម៉ូដែល GTS ជាច្រើន អាចធ្វើការកម្មង់ទិញបានចាប់ពីពេលនេះ ជាមួយនឹងតម្លៃ $128,300 សម្រាប់រថយន្ត Panamera GTS និងតម្លៃ $134,500 សម្រាប់រថយន្តម៉ូដែល GTS Sport Turismo។ រថយន្តទាំងពីរម៉ូដែលនេះ អាចនឹងធ្វើការរកទិញបាន នៅតាមហាងចែកចាយនៅក្នុងឆមាសទី 2 ឆ្នាំក្រោយនេះ៕