ដើម្បីអបអរដល់ខួប 50 ឆ្នាំចាប់តាំងពីរថយន្ត COPO Camaro ដំបូងបំផុតបង្ហាញខ្លួន ក្រុមហ៊ុន Chevrolet ក៏នាំយកនូវរថយន្ត COPO Camaro ស៊េរីថ្មីឆ្នាំ 2019 ដែលមានការរចនារូបរាងយ៉ាងប្រណិតនៅក្នុងព្រឹត្តិការណ៍ SEMA Show នៅក្នុងទីក្រុង Las Vegas ថ្មីៗនេះ។ COPO ឬ Central Office Production Order គឺជាឈ្មោះ ដែលប្រើប្រាស់ដំបូងឡើយនៅលើរថយន្ត COPO Camaro នៅក្នុងឆ្នាំ 1969 ហើយសម្រាប់រថយន្តស៊េរីថ្មី 2019 COPO នឹងធ្វើការលាបពណ៌ពិសេសបំផុតសម្រាប់អបអរខួបនេះ ជាមួយនឹងពណ៌ Blue Metallic ស្របពេលដែលរថយន្តដំបូងបំផុតប្រើប្រាស់នូវពណ៌ Laguna Blue ។
លោក Jim Campbell អនុប្រធានផ្នែកកម្លាំងម៉ាស៊ីនរថយន្តរបស់ក្រុមហ៊ុន GM នៅក្នុងសហរដ្ឋអាមេរិកនេះនិយាយថា “ក្រុមហ៊ុន Chevrolet មានមោទនភាពក្នុងការអបអរខួប 50 ឆ្នាំនៃរថយន្តស៊េរីថ្មី COPO Camaro ។ នេះគឺជារថយន្តមួយដែលមានអាយុកាលយូរអង្វែងហើយវាជារថយន្តប្រណាំងដែលមានសមត្ថភាពខ្លាំងក្លាតាំងពីអតីតកាល និងបន្តទៅកាន់អនាគត។”
ជាមួយនឹងវត្តមានរថយន្តថ្មីនេះ ក្រុមហ៊ុន ក៏មាននូវកញ្ចប់ 50th Anniversary Engine Appearance Package សម្រាប់ប្រើប្រាស់នៅលើរថយន្តនេះផងដែរ។ សម្រាប់កម្លាំងម៉ាស៊ីនរបស់រថយន្តស៊េរីថ្មី 2019 COPO Camaro គឺជាប្រភេទ Version មួយដែលច្នៃចេញពីម៉ាស៊ីន supercharged 350 5.7-liter របស់ម៉ូដែល LSX ។ សម្រាប់រថយន្តនេះបំពាក់នូវម៉ាស៊ីន 2.65L Magnuson supercharger និង 4.9-liter ។ រថយន្ត COPO Camaro នេះគឺមានចំនួនផលិតត្រឹមតែ 69 គ្រឿងតែប៉ុណ្ណោះ៕