ស្របពេលដែលសហរដ្ឋអាមេរិក និងចិន បានចាក់សោរនៅក្នុងសង្គ្រាមពាណិជ្ជកម្ម ក្រោយពីលោកប្រធានាធិបតី Donald Trump ចូលកាន់ដំណែងកាលពីពីរឆ្នាំមុននេះ។ សង្គ្រាមពាណិជ្ជកម្មនេះ ធ្វើឱ្យវាមានការអនុវត្តពន្ធគយកម្រិតខ្ពស់ទៅលើទំនិញជាច្រើនដែលក្នុងនោះ ក៏មានរថយន្តផងដែរ ដែលត្រូវបានគេរំពឹងថា នឹងចំណាយទឹកប្រាក់ជិតដល់ 340 លានដុល្លារក្នុងឆ្នាំនេះ។ ដែលលជាហេតុធ្វើអោយក្រុមហ៊ុន BMW ជាប់រវល់យ៉ាងខ្លាំងជាមួយនឹងការវិនិយោគដ៏ធំមួយនៅក្នុងរោងចក្រនៅ Spartanburg ក្នុងតំបន់ South Carolina ដើម្បីបង្កើនការផលិតរបស់ខ្លួន។
រហូតមកដល់ពេលនេះ ក្រុមហ៊ុនផលិតរថយន្ត BMW នៅតែបន្តនូវការបញ្ចេញញនូវរថយន្តជាច្រើនស៊េរីរបស់ខ្លួន ដោយសារតែតម្រូវការនៅលើទីផ្សារមានការកើនឡើងឥតឈប់ឈរ។ នៅក្នុងកិច្ចពិភាក្សានៅក្នុងទីក្រុងប៉ារីស លោក Nicolas Peter ប្រធានផ្នែកហិរញ្ញវត្ថុរបស់ក្រុមហ៊ុន BMW បានរំលឹកឡើងវិញថា ក្រុមហ៊ុនរបសលោក គឺបានផ្តោតទៅលើការរំពឹងទុកនៃទីផ្សារ។
លោក Peter បានបង្ហាញអំពីក្តីសង្ឃឹមយ៉ាងជឿជាក់ថា “នៅទីបំផុតទាំងបុរស និងស្រី្តអាចដឹងថា” សង្គ្រាមពាណិជ្ជកម្មនៅក្នុងពេលនេះ និងការកើនឡើងនៃការអនុវត្តទៅលើតម្លៃពន្ធគយ គឺមិនមែនជារឿងល្អសម្រាប់ប្រជាជននោះទេ។លោកបន្តអះអាងថា ពួកគេមិនជ្រើសរើសទីកន្លែងក្នុងការវិនិយោគផ្អែកទៅលើបញ្ហានៃការអនុវត្តពន្ធគយ និងបញ្ហាពាណិជ្ជកម្មនោះទេ ប៉ុន្តែវាគឺផ្តោតសំខាន់ទៅលើទីផ្សារណាដែលមានការកើនឡើង។
ចាប់តាំងពីខែកក្កដាមក ក្រុមហ៊ុន BMW ជួបប្រទះនូវការយកពន្ធគយដល់ទៅ 40% សម្រាប់រថយន្ត SUVs ដែលធ្វើការដឹកជញ្ជូនទៅកាន់ប្រទេសចិន ដែលចេញពីរោងចក្រនៅក្នុងអាមេរិក។ ក្រុមហ៊ុនផលិតរថយន្តរបស់អាល្លឺម៉ង់នេះ បានធ្វើការផលិតនូវរថយន្ត X3 SUV នៅក្នុងប្រទេសចិន រួចរាល់ហើយជាមួយនឹងប្រភេទរថយន្ត Sedans ជាច្រើនដូចជាប្រភេទរួមដូចជា X1-, X3- និង X5-Series ជាដើម ។
ក្រុមហ៊ុន BMW បានសម្រេចចិត្តអំពីការចាប់ផ្តើមការផលិតរថយន្តម៉ូដែលផ្សេងទៀត នៅក្នុងប្រទេសចិន ដើម្បីជៀសវាងនូវការបង់ពន្ធគយយ៉ាងច្រើនសម្រាប់ម៉ូដែល ដែលមានការពេញនិយមខ្លាំង។ ប៉ុន្តែទោះជាយ៉ាងណាក៏ដោយ លោក Peter បានអះអាងថា ក្រុមហ៊ុន BMW នឹងបន្តនូវការវិនិយោគជាមួយនឹងរោងចក្ររបស់ខ្លួនជាមួយនឹងទឹកប្រាក់ $600 លានដុល្លារអាមេរិកសម្រាប់រោងក្រនៅ Spartanburg នៅ South Carolina ដែលនេះ គឺជារោងចក្រធំបំផុតរបស់ក្រុមហ៊ុន BMW ដែលនឹងបង្កើននូវការផលិតដល់ទៅ 450,000 ជារៀងរាល់ឆ្នាំ៕
