ម៉ូតូធំ ដែលបំពាក់នូវបច្ចេកវិទ្យាអេឡិចត្រូនិក LiveWire របស់ក្រុមហ៊ុន Harley-Davidson ដែលបានធ្វើការអភិវឌ្ឍអស់រយៈពេល 4 ឆ្នាំរហូតមកទល់ពេលនេះ គឺបានត្រៀមខ្លួនរួចរាល់ហើយសម្រាប់អ្នកដែលចូលចិត្តជិះម៉ូតូធំៗ។ នៅក្នុងព្រឹតិ្តការណ៍ EICMA Motorcycle Show នៅក្នុងទីក្រុង Milan ក្រុមហ៊ុននេះ បានបង្ហាញអំពីចក្ខុវិស័យនៅក្នុងការផលិត និងលក្ខណៈសម្បត្តិមួយចំនួនទៀត។ បើតាមព័ត៌មានខាងលើនេះ បានបញ្ជាក់ថា សម្រាប់អ្នកដែលជាវ នឹងទទួលបាននូម៉ូតូថ្មីនេះ ជាមួយនឹងឆ្នាំងសាកបញ្ចូលថ្មដែលអាចបញ្ចូលថាមពលថ្ម បានលឿនជាងមុន។ ចំពោះហាងចែកចាយរបស់ក្រុមហ៊ុន Harley ទាំងអស់ នឹងដាក់លក់ម៉ូតូនេះ ជាមួយនឹង Level 2 DC fast chargers នៅលើគេហទំព័ររបស់ពួកគេ។
ម៉ូតូស៊េរីទំនើប LiveWire នេះ មាន Modes នៃការជិះដល់ទៅ 7 តាមរយៈការប្រើប្រាស់នូវហ្វ្រាំង Showa Suspension និងកម្មវិធីបើកបរអេឡិចត្រូនិក ដែលអ្នកអាចបញ្ជាជ្រើសរើសដោយខ្លួនឯង។ ម៉ូតូនេះ ក៏មានហ្វ្រាំងប្រភេទ anti-lock brakes និងប្រព័ន្ធគ្រប់គ្រង traction-control system ដែលជាស្តង់ដារមួយជាមួយនឹងសមត្ថភាពនៃការផ្លាស់ប្តូរពណ៌ជាច្រើននៅលើអេក្រង់ Touchscreen សម្រាប់ការប្រើប្រាស់នូវប្រព័ន្ធ navigation តន្រី្ត ការតភ្ជាប់ Bluetooth និងជាច្រើនទៀត។ ដូចគ្នាទៅនឹងកង់ EVs ជាច្រើនទៀតដែរ សម្រាប់កង់មួយនេះ អាចធ្វើការកែប្រែល្បឿននៃការបើកបានយ៉ាងងាយ។
ក្រុមហ៊ុន Harley បាននិយាយថា “ម៉ូតូស៊េរីទំនើប LiveWire នេះ គឺមានកម្លាំងខ្លាំងក្លា និងសំលេងស្ងាត់ថែមទៀត។” ក្រុមហ៊ុន Harley-Davidson បានបញ្ជាក់ថា ម៉ូតូស៊េរីទំនើប LiveWire នេះ នឹងបង្ហាញខ្លួននៅឆ្នាំក្រោយនេះ ហើយតម្លៃ និងការកម្មង់កក់ទិញមុននឹងទម្លាយនៅក្នុងខែមករា ឆ្នាំ 2019។ សង្ឃឹមថា យើងនឹងអាចដឹងអំពីលក្ខណៈសម្បត្តិជាច្រើនទៀតរបស់ម៉ូតូនេះនាពេលឆាប់ៗ៕