នៅពេលនេះ រថយន្តស្ព័រ Hilux GR Sport ត្រូវបានបង្ហាញខ្លួននៅក្នុងព្រឹត្តិការណ៍ São Paulo Motor Show ដែលនេះ គឺជារថយន្តដំបូងបំផុតនៃត្រកូល GR ដែលបានធ្វើការអភិវឌ្ឍ និងផលិតឡើង ដើម្បីទីផ្សារនៅក្នុងអាមេរិកខាងត្បូង។ នេះគឹជារថយន្ត GR ដំបូងបំផុត ដែលផ្តោតទៅលើការធ្វើដំណើរនៅលើផ្លូវ off-road ជាជាងការបើកបរនៅលើផ្លូវ On-road។
សម្រាប់អ្នករស់នៅក្នុងសហរដ្ឋអាមេរិក អ្នកប្រហែលជាមិនដែលបានលឺអំពីរថយន្ត Gazoo Racing របស់ក្រុមហ៊ុន Toyota នោះទេ។ ដូចគ្នាទៅនឹងរថយន្ត TRD នៅក្នុងទីផ្សាររបស់សហរដ្ឋអាមេរិកដែល រថយន្ត Gazoo Racing ឬ GR គឺជារថយន្តស៊េរីថ្មីរបស់ក្រុមហ៊ុន Toyota ដែលមានរូបរាងផ្តោតទៅលើរថយន្តស្ព័រយ៉ាងស្រស់ស្អាតបំផុត។
មានពាក្យចចាមអារ៉ាមជាច្រើន បានបញ្ជាក់ថា ក្រុមហ៊ុន Toyota កំពុងតែធ្វើការនៅលើរថយន្តប្រភេទ off-road version របស់រថយន្ត Hilux pickup truck ដែលអភិវឌ្ឍដោយ GR នោះ។ រថយន្ត GR Hilux ថ្មីនេះ ត្រូវបានគេដឹងថា នឹងក្លាយជាគូប្រកួតប្រជែងជាមួយនឹងរថយន្ត Ford Ranger Raptor។ រថយន្ត GR នេះ នឹងផ្តោតទៅលើរថយន្តប្រភេទ truck off-road ជាជាងរថយន្តដែលមានល្បឿនលឿននោះ។ រថយន្ត Hilux GR Sport នេះប្រើប្រាស់នូវម៉ាស៊ីនម៉ាស៊ូតទំហំ 2.8-liter diesel engine ជាមួយនឹងកម្លាំង 174 សេះ និងកម្លាំងរមួលដល់ទៅ 331 lb-ft ជាមួយនឹងចង្កឹះលេខអូតូ 7 វគ្គ។ បើធៀបជាមួយនឹងរថយន្ត Ranger Raptor គឺមានកម្លាំងត្រឹមតែ 210 hp និងកម្លាំងរមួល 369 lb-ft ។
នៅលើរថយន្ត GR គឺមានការផ្លាស់ប្តូរជាច្រើនទៅលើប្រព័ន្ធហ្វ្រាំង ដែលបានធ្វើអោយរថយន្ត Truck នេះ មានសមត្ថភាពកាន់តែខ្លាំងក្លា និងការរចនារូបរាងថ្មី។ សម្រាប់ការផ្លាស់ប្តូរជាច្រើនទៀត មានដូចជាការប្រើប្រាស់កង់រថយន្តពណ៌ខ្មៅទំហំ 17-inch wheels ភ្លើងកាត់អ័ព្ទ LED តួខ្លួនរឹងមាំ និងរូបរាងខាងក្រោយស្ព័រយ៉ាងស្រស់ស្អាតបំផុត៕