កាលពីពេលថ្មីៗនេះ នៅក្នុងព្រឹត្តិការណ៍នៃការសម្ពោធរថយន្ត RAV4 2019 ក្រុមហ៊ុនផលិតរថយន្ត Toyota បានទម្លាយចេញនូវគំរូរថយន្ត Corolla ស៊េរីឆ្នាំ 2020 ដែលមើលទៅ គឺពិតជារថយន្ត Hatchback ដ៏ទាក់ទាញ និងជារថយន្តដែលមានអានុ ភាពខ្លាំងក្លាផងដែរ។ ជាមួយនឹងរូបរាងថ្មី យើងពិតជាចូលចិត្តនូវអ្វីដែលយើងបានឃើញជាក់ជាមិនខាន។សម្រាប់រថយន្ត Corolla 2020 គឺផ្អែកទៅលើរចនាសម្ព័ន្ធ Toyota's New Global Architecture (TNGA) ដែលជាមូលដ្ឋានគ្រឹះនៃការផលិតរថយន្តប្រភេទ Toyota និង Lexus នាពេលកន្លងមក។
Platform ថ្មីនេះ គឺមានការរចនាឡើងវិញទៅលើប្រព័ន្ធហ្វ្រាំងដែលនឹងពង្រឹងបន្ថែមទៅលើសុវត្ថិភាពបានកាន់តែខ្លាំងថែមទៀត។ អ្វីដែលគួរអោយចាប់អារម្មណ៍នោះ រថយន្តប្រភេទ L, LE និង XLE នឹងប្រើប្រាស់នូវម៉ាស៊ីន 2.0-liter four-cylinder engine ដែលធ្លាប់បានប្រើប្រាស់នៅលើរថយន្តជំនាន់មុននេះជាមួយនឹងកម្លាំងខ្លាំងក្លា និងប្រសិទ្ធិភាពបំផុត។ សម្រាប់រថយន្ត SE និង XSE Trim នេះនឹងប្រើប្រាស់នូវម៉ាស៊ីន 2.0-liter engine គឺប្រើប្រាស់នៅលើរថយន្ត Hatchback ជាមួយនឹងកម្លាំង 169hp និងកម្លាំងរមួលដល់ទៅ 151 lb-ft ថែមទៀត។
ដូចគ្នាទៅនឹងរថយន្ត Hatchback នេះ កម្លាំងម៉ាស៊ីនរបស់រថយន្តនេះគឺផ្អែកទៅលើកង់មុខរបស់តាមរយៈការប្រើប្រាស់នូវចង្កឹះលេខដៃ 6 វគ្គ ឬ CVT នោះ។ វាក៏មានការអភិវឌ្ឍថ្មីទៅលើ manual transmission ដែលអភិវឌ្ឍនៅលើរថយន្ត Corolla hatchback និងមុខងារជាច្រើនទៀត។ សម្រាប់ CVT ក៏ជារឿងថ្មីផងដែរ។ ជាមួយនឹងវត្តមានរថយន្តនេះ ក្រុមហ៊ុនផលិតរថយន្ត Toyota បានសន្យាថា ក្រុមហ៊ុន បានផលិតនូវរថយន្តដែលគួរអោយធុញទ្រាន់ជាច្រើនរួចមកហើយ ពេលនេះ ក្រុមហ៊ុននឹងធ្វើការសម្រេចចិត្តដ៏ត្រឹមត្រូវក្នុងការនាំយកនូវរូបរាងថ្មីសម្រាប់រថយន្ត Corolla ដែលពិតជាស្រស់ស្អាតជាងម៉ូដែលមុនៗទាំងអស់។ បើទោះបីជារថយន្តនេះមានវិមាត្រនៃតួខ្លួនត្រឹមតែ 106.3-inch នេះ ទំហំខាងក្នុងរបស់រថយន្តនេះគឺធំជាងមុនថែមទៀត។
សម្រាប់ម៉ូដែល SE និង XSE គឺមានលក្ខណៈពិសេសទាក់ទាញបំផុតជាមួយនឹងតួខ្លួនដ៏ទាក់ទាញរលើបរលោង ភ្លើងចង្កៀង LED និងការផ្លាស់ប្តូរជាច្រើនទៀត។ នេះគឺជារថយន្តដំបូងបំផុតដែលរថយន្ត Corolla ដែលប្រើប្រាស់នូវកង់ដែលមានទំហំ 18-inch wheels សម្រាប់ម៉ូដែល SE និង XSE ថែមទៀត ស្របពេលដែលរថយន្ត Trim ផ្សេងទៀតគឺប្រើប្រាស់នូវកង់ដែលមានទំហំ 16-inch wheels។ បើពិនិត្យទៅលើផ្នែកខាងក្នុងរបស់រថយន្តនេះ Corolla 2020 គឺពិតជាមានលក្ខណៈពិសេសជាប់ពាក់ព័ន្ធទៅនឹងរថយន្ត hatchback 2019 ផងដែរ។
Corolla 2020 មានភ្ជាប់ជាមួយនឹងអេក្រង់ទំហំ 8-Inch Touchscreen ជាមួយនឹងប្រព័ន្ធ Toyota Entune 3.0 ដែលនឹងប្រើប្រាស់នៅលើរថយន្ត Trim ទាំងអស់លើកលែងតែប្រភេទ L ដែលមានអេក្រង់ទំហំ 7-inch នោះ។ សម្រាប់ប្រព័ន្ធ Entune 3.0 នេះគឺមាន Apple CarPlay និង Amazon Alexa បើទោះបីជាប្រព័ន្ធ Android Auto គឺមិនមានវត្តមាននោះទេ។
សម្រាប់ អេក្រង់ផ្តល់ព័ត៌មាន infotainment display បង្ហាញនៅលើអេក្រង់ទំហំ 4.2-inch ឬនៅលើអេក្រង់ 7 -inch multi-information display ។ ក្រុមហ៊ុន Toyota និយាយថា រថយន្ត Corolla ថ្មីនេះគឺមានទំហំធំជាងរថយន្តជំនាន់មុននេះដោយសរតែការប្រើប្រាស់នូវកៅអីអង្គុយដែលទាបជាងមុននោះ។ រថយន្តនេះមានកម្លាំងម៉ាស៊ីនស្ងាត់ ហើយវាក៏មានភ្ជាប់ជាមួយនឹងម៉ាស៊ីនត្រជាក់ដែលអាចការពារមិនអោយមានភាពស្រអាប់ជាប់នៅលើកញ្ចក់រថយន្តថែមទៀត។
ក្រុមហ៊ុន Toyota និយាយថា រថយន្ត Corolla 2020 គឺបំពាក់នូវស្តង់ដារនៃប្រព័ន្ធសុវត្ថិភាពច្រើន។ វាមានភ្ជាប់ជាមួយនឹងប្រព័ន្ធ Toyota Safety Sense 2.0 និងការបញ្ចូលនូវប្រព័ន្ធការពារឆ្លងភ្លើង pre-collision avoidance, ប្រព័ន្ធរ៉ាដា radar cruise control , ប្រព័ន្ធជូនដំណឹងពេលចូលចំណត lane departure warning, ប្រព័ន្ធបើកបរនៅលើគន្លង lane tracing assist, ការបើកភ្លើងដោយស្វ័យប្រវត្តិautomatic high beams, និងការជូនដំណឹងអំពីសញ្ញាតាមផ្លូវ road sign assist ផងដែរ។ សម្រាប់មុខងារការមើលទៅទីងងឹត Blind spot monitoring គឺជាលក្ខណៈស្តង់ដារមួយសម្រាប់រថយន្តនេះ។
យ៉ាងណាមិញ តម្លៃរបស់រថយន្ត និងកាលបរិច្ឆេទនៃការដាក់លក់របស់វានៅមិនទាន់ដឹងនៅឡើយទេ។ យើងរំពឹងថា រថយន្ត Corolla 2020 នឹងមានតម្លៃខ្ពស់ជាងបន្តិចប៉ុណ្ណោះបើធៀបជាមួយនឹងរថយន្ត hatchback 2019 ដែលមានតម្លៃ $19,990 សម្រាប់ប្រភេទ SE Trim និងតម្លៃ $24,090 សម្រាប់ប្រភេទ Top Models។ សម្រាប់រថយន្ត Sedan នេះ នឹងមានតម្លៃថោកជាងរថយន្ត Hatchback នៅពេលដែលវាដាក់លក់នៅក្នុងឆ្នាំ 2019 នោះ៕