ព្រឹត្តិការណ៍ពិពរណ៍ SEMA show នៅក្នុងឆ្នាំនេះ ដែលរៀបចំនៅ Las Vegas បានបង្ហាញអំពីការផ្លាស់ប្តូរជាច្រើនទៅលើរថយន្តស៊េរីថ្មីម៉ាក Mustangs ជាមួយនឹងការ Upgrades ទៅលើកម្លាំងម៉ាស៊ីនរបស់វា និងការរចនារូបរាងតូខ្លួនកាន់តែអស្ចារ្យមួយកម្រិតថែមទៀត។ ក្រុមហ៊ុន Vilner Garage នៅក្នុងសហភាពអ៊ឺរ៉ុប ទើបតែបានបញ្ចេញនូវការរចនាថ្មីទៅលើផ្នែកខាងក្នុងនៃរថយន្ត Mustang GT Convertibles 2015។
សម្រាប់រថយន្តនេះ គឺពិតជាមានភាពទាក់ទាញខ្លាំងមែនទែនដោយសារតែសម្ភារៈដែលយើងមកតម្លើងនៅលើរថយន្តនេះ គឺមិនមែនថោកនោះទេសម្រាប់រថយន្តត្រកូល Mustangs នេះ។ ប្រសិនបើអ្នកធ្លាប់បានលឺអំពីក្រុមហ៊ុន Vilner ពីមុនមកនោះ នេះគឺជាក្រុមហ៊ុនមួយដែលធ្វើការរចនាផ្នែកកៅអីរថយន្ត Mustang សម្រាប់អតិថិជន ដែលជាជនជាតិចិននោះ។ លោក Atanas Vilner អគ្គនាយករបស់ក្រុមហ៊ុននេះ បាននិយាយថា “ជាក់ស្តែង វាមានហេតុផលច្បាស់លាស់ណាស់សម្រាប់ពួកយើងក្នុងការបង្ហាញទៅកាន់អ្នកទាំងអស់គ្នានូវគម្រោងចំនួន 2 ដែលផ្អែកទៅលើម៉ូដែលរថយន្តតែមួយនេះ។ នេះ គឺជាការបង្ហាញអំពីអារម្មណ៍ផ្សេងគ្នាសម្រាប់ការរចនាទៅលើរថយន្តនេះ។”
សម្រាប់រថយន្ត Mustang ទីមួយនេះ ប្រើប្រាស់នូវពណ៌ខៀវជាមួយនឹងស្បែកខាងក្នុងពណ៌ខ្មៅលាយពណ៌សនឹងពណ៌ Alcantara ដើម្បី អោយស៊ីគ្នាជាមួយនឹងផ្នែកខាងក្រៅរបស់រថយន្តនេះ។ សម្រាប់ការប្រើប្រាស់នូវពណ៌ខ្មៅ និងពណ៌ខៀវនេះគឺប្រើប្រាស់នៅលើស្ទើរតែគ្រប់ផ្នែកខាងក្នុងរបស់រថយន្តនេះដែលរួមមានដៃបន្ទះទ្វារផងដែរ។ សម្រាប់រថយន្ត Mustang មួយទៀតនោះគឺមានពណ៌ខៀវលាយជាមួយនឹងឆ្នូតពណ៌សដែលមានភាពទាក់ទាញនៅផ្នែកខាងក្នុងរបស់វាបំផុតដែរ ដោយសារតែវាប្រើប្រាស់នូវ 3 ពណ៌ គឺពណ៌ក្រហម ពណ៌ស និងពណ៌ខ្មៅ។
សម្រាប់បន្ទះទ្វារ និងកៅអីអង្គុយក៏មានការប្រើប្រាស់នូវពណ៌ស ខណៈពេលដែលកន្លែង Dashboard និងផ្នែកកណ្តាលគឺប្រើប្រាស់នូវពណ៌ខ្មៅ និងពណ៌ក្រហម។ រថយន្តទាំងពីរនេះ គឺភ្ជាប់ជាមួយនឹងចង្កូតដ៏ស្រស់ស្អាតដែលប្រើប្រាស់នូវស្បែកពីរប្រភេទជាមួយនឹងឡូហ្គោរបស់ Mustang ដែលរចនាឡើងនៅទ្វារ និងកំរាលព្រំផងដែរ។
តាមការបញ្ជាក់ក្រុមហ៊ុន Vilner នេះ ផ្នែកខាងក្រៅរបស់វាប្រើប្រាស់នូវ Alcantara ជាមួយនឹងសម្ភារៈប្រភេទស្បែកជាច្រើនទៀតដែលជាប្លាស្ទិកមិនឆ្កូតនោះ ហើយនេះគឺជាផ្នែកមួយដែលកាលពីមុនអតិថិជនរបស់ Mustang ធ្វើការត្អូញត្អែរនោះ។ សម្រាប់ម៉ាស៊ីនរបស់រថយន្តនេះ គឺមានទំហំ 5.0-liter V8 engine គឺអស់ពីស្តុកហើយ ដូចនេះកម្លាំងម៉ាស៊ីននេះ គឺអាចធ្វើការផលិតកម្លាំងបានដល់ទៅ 435 សេះ និងកម្លាំងរមួល 400 lb-ft ថែមទៀត៕