ជាមួយនឹងការរចនារូបរាងយ៉ាងប្រណិតបែបស្ព័រនាពេលបច្ចុប្បន្ននេះ បានធ្វអោយមនុស្សជាច្រើននៅជុំវិញពិភពលោក មានការឈ្លក់វង្វេងយ៉ាងខ្លាំងទៅលើរថយន្តប្រភេទនេះ ប៉ុន្តែអ្វីដែលគួរអោយសោកស្តាយនោះ រថយន្តស្ព័រទាំងអស់នេះ មិនសូវបានបង្ហាញខ្លួនច្រើននៅលើដងផ្លូវនោះទេ ដោយសារមនុស្សជាច្រើនមានការពេញនិយមខ្លាំងទៅលើរថយន្ត SUVs ជាង។កន្លងមកមានការបញ្ចេញនូវគំនិតនៃការរចនារថយន្តដ៏អស្ចារ្យរបស់រថយន្ត Aston Martin Vanquish Zagato Shooting Brake ផងដែរ ដែលមានការចាប់អារម្មណ៍ខ្លាំងមែនទែន។
ប្រភពព័ត៌មានខាងលើនេះ ធ្លាប់បាននិយាយថា អ្នកប្រើប្រាស់ជាច្រើនចង់ឃើញក្រុមហ៊ុនផលិតរថយន្តផ្សេងៗទៀត បញ្ចេញនូវរថយន្តដែលមានលក្ខណៈស្ព័រដ៏ស្រស់ស្អាតយ៉ាងនេះ ជាបន្តទៀតជាមួយនឹងស្ទាយ៍ដ៏អស្ចារ្យបំផុត។ តួរយ៉ាងដូចជា រថយន្តស៊េរីថ្មី Jaguar F-Type ជាដើម នេះគឺជាគំរូមួយនៃរថយន្តស្ព័រ ដែលមានរូបរាងទាក់ទាញល្អបំផុត ដែលកំពុងតែមានវត្តមាននៅលើទីផ្សារនេះ ប៉ុន្តែតាមរយៈរូបភាព Render ដែលបញ្ចេញដោយ Rain Prisk នោះ រថយន្តស៊េរីថ្មីនេះ គឺពិតជាអស្ចារ្យ និងទាក់ទាញខ្លាំងបំផុត។ ផ្អែកទៅលើ រូបភាព Render នៃរថយន្ត F-Type R នេះ គឺបានបង្ហាញអំពីលក្ខណៈស្ព័រយ៉ាងទាក់ទាញគ្មានគូប្រៀបនោះទេ។
យោងតាមព័ត៌មានចុងក្រោយនេះ បានបញ្ជាក់ថា ក្រុមហ៊ុន Jaguar ក៏មានគម្រោងក្នុងការបញ្ចេញនូវរថយន្តជំនាន់ថ្មីរបស់ F-Type ប្រភេទនេះផងដែរ។ ហើយរថយន្តស៊េរីថ្មីស្ព័រទាំងនេះ គឺប្រើប្រាស់នូវថាមពលអេឡិចត្រូនិច។ ថ្មីៗនេះ ក្រុមហ៊ុន Jaguar ត្រូវបានគេរាយការណ៍ថា កំពុងតែប្រកួតប្រជែងជាមួយនឹងក្រុមហ៊ុន BMW ក្នុងការជំនួសម៉ាស៊ីន 5.0-liter supercharged V8 ជាមួយនឹងម៉ាស៊ីន 4.4-liter twin-turbo V8 វិញ។ សម្រាប់លក្ខណៈពិសេសផ្សេងទៀតរបស់វរថយន្ត F-Type នេះ គឺនៅមិនទាន់ទម្លាយអោយដឹងនៅឡើយទេ៕