កាលពីឆ្នាំ 2015 នៅពេលដែលក្រុមហ៊ុន Hyundai បានបង្ហាញចេញនូវគំនិត Santa Cruz នៅក្នុងព្រឹត្តិការណ៍តាំងពិពរណ៍ Detroit Auto Show។ បើទោះបីជា Santa Cruz នេះគឺជាប្រភេទរថយន្ត pickup truck ក៏ដោយមើលទៅក៏នូនចន្លោះខ្វះខាតផងដែរ។ លោក Mike O’Brien អនុប្រធានផ្នែកគម្រោងផលិតផលរបស់ក្រុមហ៊ុន Hyundai បាននិយាយនៅក្នុងព្រឹត្តិការណ៍ LA កាលពីសប្តាហ៍មុននេះថា “នេះគឺនៅតែជារឿងមួយនៃគំនិតជាច្រើន នៅលើបណ្តាញសង្គម Social Media នាពេលបច្ចុប្បន្ន។ ហើយយើងក៏ទទួលនូវលិខិត និងសំណួរជាច្រើនអំពីរឿងនេះ ជារៀងរាល់ថ្ងៃ។
គូរបញ្ជាក់ផងដែរ ក្រុមហ៊ុន KIA ដែលជាបងប្អូនកូរ៉េ ដូចគ្នានេះ ក៏មានការចាប់អារម្មណ៍ទៅលើរថយន្ត pickup truck ដែលបង្កើតឡើងយ៉ាងពិសេសសម្រាប់ជនជាតិអាមេរិកនោះដែរ ហើយយើងបានរៀនពីលោក Orth Hedrick កាលពីពីរឆ្នាំមុននេះទៀតផង។ តើនេះមានន័យថា ក្រុមហ៊ុន Hyundai និង KIA ពិតជាជម្រុញនៅក្នុងការបញ្ចេញនូវរថយន្ត pickup truck មែនទេ?
សម្រាប់ព័ត៌មានដែលបង្ហាញខ្លួននោះ គឺផ្អែកទៅលើការនិយាយរបស់យើងជាមួយនឹងលោក O’Brien ហើយអ្វីដែល Autocar បានរៀនអំពីក្រុមហ៊ុន Hyundai Motor Group តាមរយៈប្រធានអ្នករចនា Luc Donckerwolke ។ យោងតាមការបញ្ជាក់របស់ O’Brien បានអោយដឹងថា ក្រុមហ៊ុន Hyundai ជឿជាក់ថា នេះពិតជាចាំបាច់មែនទែន នៅក្នុងការខ្ចីនូវគោលការណ៍ជាច្រើនចេញពីរថយន្តដឹកទំនិញជាច្រើននៅលើទីផ្សារជាពិសេសរថយន្ត cab-overs នៅខាងក្រោយ។ គាត់បាននិយាយទៀតថា “សម្រាប់រថយន្តដឹកទំនិញគឺមានការពេញនិយមណាស់។ សម្រាប់រថយន្តនេះ គឺអាចបង្កើតនូវប្រាក់ចំណូលបាន។ យើងត្រូវតែធ្វើការពង្រឹងទៅលើកម្រិតនៃស៊ីប្រេងផងដែរដើម្បីនាំរថយន្ត pickup truck នេះត្រឡប់មកកាន់ទីផ្សារវិញនោះ។”
លោក Donckerwolke ដែលជាមនុស្សម្នាក់ មានទំនាក់ទំនងស្និទ្ធិស្នាលជាមួយនឹង Autocar បាននិយាយថា “អ្នកធ្លាប់បានឃើញនូវរថយន្ត (Santa Cruz) pickup នេះនៅក្នុងព្រឹត្តិការណ៍តាំងពិពរណ៍ 2015 Detroit។ រថយន្តនេះ ស្ថិតនៅក្រោមការអភិវឌ្ឍរបស់ក្រុមហ៊ុន Hyundai ។” តើនៅពេលណាដែលរថយន្តនេះ ត្រៀមខ្លួនរួចរាល់សម្រាប់ដាក់លក់នោះ? “នេះគឺពេលវេលាឆាប់បំផុតតាមតែអាចធ្វើទៅបាន។ សម្រាប់ខាងខ្ញុំ រថយន្តនេះ គឺធ្វើការផលិតរួចហើយ។ ដំណើរការនេះគឺចាប់ផ្តើមហើយ។”
លោក O’Brien បានបង្ហើបថា រថយន្តដឹកទំនិញនេះគឺស្ថិតនៅក្នុងការអភិវឌ្ឍ ស្របពេលដែល Donckerwolke បានអះអាងថា ការផលិតរថយន្ត Santa Cruz នេះ គឺកំពុងតែកើតឡើងហើយ។ ខុសប្លែកពីរថយន្ត Toyota Tacoma សម្រាប់រថយន្ត Santa Cruz ត្រូវបានគេរំពឹងថា នឹងស្ថិតនៅក្នុង platform ដូចគ្នាទៅនឹងរថយន្ត Tucson crossover ៕