កាលពីថ្ងៃទី 30 ខែវិច្ឆិកា ឆ្នាំ 2018 ក្រុមហ៊ុន អ អិម អេ ខេមបូឌា ដែលជាតំណាងចែកចាយ និងលក់រថយន្ត FORD ប្រចាំប្រទេសកម្ពុជា បានធ្វើការរៀបចំកម្មវិធីវគ្គបណ្ដុះបណ្ដាលស្ដីអំពី “សុវត្ថិភាព និងបច្ចេកទេសនៃការបើកបររថយន្ត Ford – Ford Driving Skills for Life” ដែលប្រព្រឹត្តទៅរយៈពេល 2 ថ្ងៃ គឺចាប់ពីថ្ងៃទី 30 ខែវិច្ឆិកា ដល់ថ្ងៃទី 01 ខែធ្នូ ឆ្នាំ 2019 នៅក្នុងប្រលានយន្តហោះខេត្តកំពង់ឆ្នាំង ដោយមានអ្នកចូលរួមជាច្រើនរូប។
ក្រុមហ៊ុន Ford បានបញ្ជាក់ថា កម្ពុជា គឺជាប្រទេសទី 40 ដែលបានបើកវគ្គបណ្ដុះបណ្ដាលស្ដីអំពី “សុវត្ថិភាព និងបច្ចេកទេសនៃការបើកបររថយន្ត Ford – Ford Driving Skills for Life” ដែលក្នុងនោះមានអ្នកបើកបរដែលមានប័ណ្ណបើកបរចូលរួមជាង 200នាក់ រួមមានមន្ត្រីរាជការ អ្នកបើកបររថយន្តដឹកទំនិញធំៗពីស្ថាប័នរដ្ឋ និងឯកជន រួមទាំងអតិថិជនFord បានចូលរួមក្នុងវគ្គបណ្ដុះបណ្ដាលរយៈពេល 2 ថ្ងៃនេះដោយឥតគិតថ្លៃ។
ក្រុមហ៊ុន Ford បានបញ្ជាក់បន្តថា គោលបំណងនៃការរៀបចំនូវវគ្គបណ្តុះបណ្តាលនេះឡើង គឺដើម្បី បង្រៀនអ្នកដែលទើបនឹងទទួលបានប័ណ្ណបើកបរអោយយល់ច្បាស់ពីជំនាញចាំបាច់នៅក្នុងការបើកបរ។ មួយទៀត គឺបង្រៀនអ្នកបើកបរពីបច្ចេកទេសនៃការថែទាំយាន់យន្ត និងទីបីនោះ គឺដើម្បីចូលរួលរួមនៅក្នុងការកាត់បន្ថយអត្រាគ្រោះថ្នាក់ចរាចរណ៍តាមរយៈការផ្តល់ចំណេះដឹងអំពីសុវត្ថិភាពនៃការបើកបរ និងការអនុវត្តន៍ផ្ទាល់សម្រាប់អ្នកចូលរួមសិក្ខាសាលានេះផងដែរ។
តាមប្រសាសន៍របសៈលោក Truong Kim Phong នាយកប្រចំាតំបន់អាស៊ីប៉ាស៊ីហ្វិកនៃក្រុមហ៊ុន Ford Motor Company បានបញ្ជាក់ថា សុវត្ថិភាពនៅពេលចរាចរណ៍លើដងផ្លូវ គឺបញ្ហាដ៏រំខានមួយ ហើយក៏ជាបញ្ហាមួយដែលពាក់ព័ន្ធនឹងអជីវកម្មរបស់យើងផងដែរ។ សុវត្ថិភាពលើដងផ្លូវគឺជាផ្នែកមួយនៃសកម្មភាពសង្គម ដែលយើងគួរតែមាន ហើយគ្រប់គ្នាក៏មានមោទនៈភាពនៅក្នុងការបើកវគ្គបណ្តុះបណ្តាលស្តីពី សុវត្ថិភាព និងបច្ចេកទេសនៃការបើបកររថយន្ត Ford-Ford Driving Skill for Life ផងដែរ ដើម្បីជួយបង្កើននូវការយល់ដឹងស្តីពីការអនុវត្ត និងបច្ចេកទេសនៃការបើកបរប្រកបដោយសុវត្ថិភាព និងជួយអោយការបើកបរលើដងផ្លូវកាន់តែមានសុវត្ថិភាពសម្រាប់មនុស្សគ្រប់គ្នា។ កម្មវិធីនេះត្រូវបានធ្វើឡើងដោយមានការបណ្តុះបណ្តាលអំពីទ្រឹស្តី និងការអនុវត្តន៍ជាក់ស្តែងជាមួយនឹងរថយន្តផងដែរ។
លោក សេង វឹង នាយកគ្រប់គ្រងទូទៅផ្នែករយន្ត Ford នៃក្រុមហ៊ុន RMA Cambodia បានមានប្រសាសន៍ថា ប្រទេសកម្ពុជា មានអត្រាគ្រោះថ្នាក់ចរាចរណ៍កើនឡើងគួរអោយកត់សំគាល់។ កត្តានេះ គឺដោយសារតែអ្នកបើកបរមួយចំនួនមិនទាន់យល់ច្បាស់អំពីច្បាបចរារណ៍ និងមិនមានជំនាញបើកបរត្រឹមត្រូវ។ ហេតុដូច្នេះហើយ ការចូលរួមទទួលបានចំណេះដឹងពីការបើកបរ និងសុវត្ថិភាពចរាចរណ៍ គឺជាកត្តាដ៏សំខាន់មួយ នៅក្នុងការការជួយកាត់បន្ថយការគ្រោះថ្នាក់ចរាចណ៍នៅកម្ពុជាបាន។
លោក Jim Graham នាយកកម្មវីធីបណ្តុះបណ្តាលបច្ចេកទេសនៃការបើកបររថយន្ត Ford បានមានប្រសាសន៍ថា៖ “យើងមានសេចក្តីសោមនស្សរីករាយដែលបានដាក់បញ្ជូលប្រទេសកម្ពុជាទៅក្នុងបញ្ជីនៃបណ្តាប្រទេសចំនួន 40 នៅជុំវិញពិភពលោកដែលបានបើកវគ្គបណ្តុះបណ្តាលស្ដីអំពី “សុវត្ថិភាព និងបច្ចេកទេសនៃការបើកបររថយន្ត Ford – Ford Driving Skills for Life។ កម្មវិធីនេះមានអាយុកាល 15ឆ្នាំហើយ និងបានបណ្ដុះបណ្ដាលមនុស្សជាង 1 លាននាក់ដែលទើបនឹងមានប័ណ្ណបើកបរ ដែលគម្រោងមូលនិធិនេះបានចំណាយថវិការអស់ទឹកប្រាក់ជាង 40 លានដុល្លារ ក្នុងការប្តេជ្ញាលើកកម្ពស់សុវត្ថិភាពចរាចរណ៍ផ្លូវគោកនៅទូទាំងពិភពលោក។”
