រហូតមកដល់ពេលនេះ ក្រុមហ៊ុនផលិតរថយន្តជាច្រើន បាននឹងកំពុងតែវិវត្តន៍ខ្លួនយ៉ាងអស្ចារ្យនៅក្នុងការបញ្ចេញនូវរថយន្ត full-size pickups របស់ខ្លួន ដែលមានប្រសិទ្ធិភាពនៃការប្រើប្រាស់ប្រេងឥន្ធនៈល្អបំផុត។ ដូចគ្នាទៅនឹងរថយន្ត Ford F-150 ជាមួយនឹងការបំពាក់នូវម៉ាស៊ីន EcoBoost engine និងតួខ្លួន ដែលធ្វើពីអាលុយមីញ៉ូមនោហ។ ប៉ុន្តែនៅមិនទាន់មានការអះអាងនៅជុំវិញរថយន្ត Trucks តូច ដែលមានប្រសិទ្ធិភាព និងការសន្សំសំចៃបំផុតនោះទេ។ រថយន្ត Ranger ថ្មីនេះ ត្រូវបានគេចាត់ទុកថា បានប្រើប្រាស់នូវថាមពលប្រេងឥន្ធនៈល្អបំផុត។
ដូចអ្វីដែលយើងបានរំពឹងទុកអញ្ចឹង រថយន្តស៊េរីថ្មី Ford Ranger 2019 គឺបានបង្ហាញខ្លួនជារថយន្តប្រភេទ Midsize Pickup ដែលប្រើប្រាស់នូវប្រេងឥន្ធនៈល្អបំផុតនៅក្នុងអាមេរិក។ សម្រាប់ការវាស់នៅក្នុង EPA Rating ដែលត្រូវបានគេបញ្ចេញនៅពេលនេះ គឺធ្វើសម្រាប់រថយន្ត Dearborn's midsize truck នេះ គឺមានមានការប្រើប្រាស់ 21mpg នៅក្នុងទីក្រុង 26mpg នៅក្នុង Highway និង 23mpg សម្រាប់ការបញ្ចូលគ្នា។ តួរលេខនេះ គឺសម្រាប់រថយន្តប្រភេទ two-wheel-drive។ ចំពោះរថយន្តប្រភេទ 4x4 ត្រូវចំណាយនូវការប្រើប្រាស់នូវប្រេងកម្រិត 20mpg សម្រាប់ទីក្រុង 24mpg សម្រាប់ Highway និង 22mpg សម្រាប់ការរួមបញ្ចូលគ្នានេះ។
យោងតាមការបញ្ជាក់របស់លោក Todd Eckert ដែលជាប្រធានផ្នែកទីផ្សាររបស់រថយន្ត Ford Truck បាននិយាយថា “អតិថិជនជាច្រើនរបស់រថយន្តធុនកណ្តាល Midsize truck នេះ គឺជាជម្រើសនៃរថយន្ត Pickup ដ៏ល្អបំផុតសម្រាប់ Built Ford Tough។ Ford Ranger នេះ គឺមានភាពរឹងមាំ សមត្ថភាពភាពខ្លាំង និងប្រសិទ្ធិភាពនៃការប្រើប្រាស់ខ្ពស់បំផុត។” ក្រុមហ៊ុនផលិតរថយន្តរបស់អាមេរិកនេះ បានអះអាងថា រថយន្តនេះបំពាក់នូវម៉ាស៊ីនដ៏មានប្រសិទ្ធិភាពបំផុត ដែលអាចប្រកួតប្រជែងជាមួយនឹងម៉ាស៊ីន 6 ស៊ីឡាំង ៕
